Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 817

निशीथ-छेदसूत्रम् -२-१२/७६४
वापी, चातुरस्सा पुक्खरणी, एताओ चेव दीहियाओ, दीहिया सारणी वावि पुक्खरणीओ वा मंडलिसंठियाओ, अन्नोन्नकवाडसंजुत्ताओ गुंजालिया भन्नति ।अन्नेभणंति- निक्का अणेमभेदगता गुंजालिया । सरपंती वा एगं महाप्रमाणं सरं, तामि चेव बहूणि पंतीठियाणि पत्तेयवाहुजुत्ताणि सरपंती, ताणि चैव बहूणि अन्नोनकवाडसंजुत्ताणि सरसरपंती। तेसु गच्छंतस्स ते चैव दोसा, तं चव य होति बितियपदं ।
मू. (७६५) जे भिक्खू गामाणि वा नगराणि वा खेडाणि वा कब्बडाणि वा मंडबाणि वा दोणमुहाणि वा पट्टणाणि व आगाराणि वा संबाहाणि वा सनिवेसाणि वा चक्खुदंसणपडियाए अभिसंधारेइ अभिसंधारेत वा सातिजति॥ [भा.४१२९] गामादी ठाणा खत्तु, जत्तियमेत्ता उ आहिया सुत्ते।
चक्खुपडियाए तेसू, दोसा ते तं च बितियपदं ।। चू-गच्छंतस्स दप्पओ चतुलहुं । करादियाण गम्मो गामो, न करा जत्य तं नगरं, खेडं नाम घूलीपागारपरिक्खित्तं, कुणगरो कब्बड, जोयणमंतरे जस्स गामादी नत्थितं मडंब, सुवन्नादि आगारो, पट्ठणं दुविहं - जलपट्टणं धलपट्टणं च, जलेण जस्स भडमागच्छति तं जलपट्टणं इतरं थलपट्टणं, दोन्नि मुहा जस्स तं दोन्निमुहं जलेण वि थलेण वि भंडमागच्छति, आसमं नाम तावसमादीणं, सत्यवासणत्याणंसन्निवेसं, गामो वा पिंडितो सन्निविट्ठो, जत्तागता लोगो सन्निविट्ठो सन्निवेसं भन्नति, अन्नत्थ किसिं करेत्ता अन्नत्थ वोढुं वसंति तं संबाहं भन्नति । घोसं गोउलं, वणियवग्गो जत्थ वसति तं नेगमं अंसिया गामततियमागादी, भंडगा घणा जत्थ भिजंति तं पुडाभेयणं, जत्थ राया वसति सा रायहणि ।।
मू. (७६६)जे भिक्खू गाम-महाणि वा नगर-महाणि वा खेड महाणि वा कब्बड महाणि वा मडंब-महाणि वा दोणमुह-महाणि वा पट्टण-महाणि वा आगार-महाणिवा संबाह-महाणि वा सन्निवेस-महाणि वा चरखुद्दसणपडियाए अभिसंधारेइ, अभिसंधारेत वा सातिजति ।। [भा.४१३०] गाममहादी ठाणा, जत्तियमेत्ताउ आहिया सुत्ते।
चक्खुपडियाए तेसू, दोसा ते तं च बितियपदं ॥ चू-गामे महो गाममहो - यात्रा इत्यर्थः ॥
मू. (७६) जे भिक्खू गाम-वहाणि वा नगर-वहाणि वा खेड-वहाणि वा कब्बड-वहाणि वा मडंब-वहाण वा दोणमुह-वहाणि वा पट्टण-वहाणि वा आगर-वहाणि वा संबाह-वहाणि वा सन्निवेस-वहाणि वा चक्खुइंसण-पडियाए अभिसंधारेइ अभिसंधारेत वा सातिजति ।। [भा.४१३१] गामवहादी ठाणा, जत्तियमेत्ता उ आहिया सुत्ते।
चक्खुपडियाए तेसू, दोसा ते तंच बितियपदं ।। चू-ग्रामस्स वधो ग्रामवधो - ग्रामघातेत्यर्थः ।।
मू. (७६८)जे भिक्खू गाम-पधाणि वा नगर-पधाणि वा खेड-पधाणि वा कब्बड-पधाणि वा मडंब-पधाणि वा दोणमुह-पधाणि वा पट्टण-पधाणि वा आगर-पधाणि वा संबाह-पधाणि वा सन्निवेस-पधाणि वा चक्खुद्दसणपडियाए अभिसंधारेइ, अभिसंधारेतं वा सातिजति ॥