Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 569

निशीथ-छेदसूत्रम् -२.१०/६१८
जचाइविहूणं वा, उज्झति कोई परिभवेणं ।। चू- एतेहिं उववेयं कोइ रागेण अन्नं आयरियं उद्दिसति । एतेहिं चेव जच्चादिएहिं विहूणं कोति परिभवेण परिचयति, दोषेण इत्यर्थः ॥ [भा.२७३४] अहवण मेत्तीपुव्वं, पूया लद्धि परिवारतो रागे।
अहिगरणमसम्माणे, सभावनिटुं च दोसेणं ।। चू-अहवणशब्दो विकल्पप्रदर्शने, मित्तभावो मैत्री, तत्पूर्वंतन्निमित्तं,महायणपूइयं तेन वा सो पूतितो, आहारादिलसिद्धसपन्न परिवारसंपन्नं वा । एतेहिं गुणेहिं उववेयं रागेण आयरियं पडिवजति । आयरिएण पुण सद्धिं अधिकरणे उप्पन्ने, आयरिएण वा असम्माणिओ, सभावेण वा अनिट्ठ आयरियं परिचयति, एस दोसेण ॥ पुरिसांतरियं परिचाए अन्नमुद्दिसणे य इमे दोसा[भा.२७३५] आणादिया य दोसा, विराधना होति संजमायाए।
दुल्लभबोहियत्तं, बितियवयविराहना चेव ॥ चू-तित्थकराणं आणाभंगो, आदिसद्दातो अनवत्था, जहा एयस्स एयमसच्चं तहा अन्नं पि। एवं मिछत्तंजणयति । बितियपयविराहणे संजमविराहणा | अन्नेन भणितो “किमायरियं परिचयसि"त्ति, उत्तरोत्तरेण अधिकरणं। एत्य आयसंजमविराहणा।दुल्लभबोधीयत्तंच निव्वतेति । तम्हा दिसावहारं नो करे ।। बितियपदेण अन्नमायरियं उद्दिसेजा वि[भा.२७३६] बितियपदं आयरिए, ओसन्नोहाइए य कालगते ।
ओसन्नो छविहो खलु, वत्तमवत्तस्स मग्गणया। घू-जइ आयरिओ ओसन्नो जातो, ओधावितो वा, कालगतो वा, एए तिन्नि दारा । एत्थ ओसन्नो छव्विहो - पासत्थो, ओसन्नो, कुसीलो, संसत्तो, अहाछंदो, नितिओ य । तम्मि अच्छे आयरिओ जो संकप्पिओ वत्तोअनत्तो वा । सो वत्तावत्तो कहं गणंधरेति त्ति चउभंगेण मग्गणा कजति । सोलसवरिसारेण वयसा अवत्तो, परेण वत्तो अनधीयनिसीहोअगीयस्थो सुत्तेणअव्वत्तो, सुत्तेण गायत्थो वत्तो। सुत्तेण वि वत्तो, वएण वि वत्तो, पढमभंगो। बितिओ - सुअ-वत्तो, न वएण । ततिओ - सुए नअवत्तो, वएण वत्तौ । चउत्थो - दोहिं वि अवत्तो। (भा.२७३७] वत्ते खलु गीयत्थे, अव्वत्ते वएण अहवऽगीयत्थे।
वत्तित्थ सार पेसण, अहवाऽऽसण्णे सयं गमणं ।। घू-वएणवत्तीगीयत्थेएस पढमभंगो, खलुदपूरणे।अव्वत्तेवएणएस बितियभंगोपढमभंगो अहवा-अगीयत्थे एस ततियभंगो पढमभंगिल्लो । उभयवत्तो तस्स इच्छा अण्ममायरियं उद्दिसति वा न वा । सो वत्तो तमोसण्णायरियं सारेति-चोदयतीत्यर्थः । कहं ? अन्नं गीतं पेसेति । अहवा - आसण्णे उ सयंगंतुं चोदेति, तं पेसेति, सयं वा गच्छति ॥२७३७॥ [भा.२७३८] एगाह पणगपक्खे, चाउम्मासे वरिसे जत्थ वा मिलति।
चोदेति चोदवेति व, अमिच्छे वट्टावते सयं तु ।। घू-एगाहो त्ति, आसन्ने दिने दिने गंतुं सारेति, एगाहो वा एगतरं, पंचण्हं दिनान वा सारेति । एवं पक्खे चाउम्मासे वरिसते य जत्थ वा समोसरणादिसु मिलति तत्थ वा सारेति । सव्वहा अनिच्छंते तं गणं सयमेव वट्टावेत ।। [भा.२७३९] अन्नं च उद्दिसावे, पयावणट्ठा न संगहट्ठाए।