Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 381

३७८
निशीथ - छेदसूत्रम् -१-४/२३२
[भा. १८३४] मणउग्गम आहारादीया तिया तिन्नि तिकरणविसुद्धा । एक्कासीती भंगा, सीलंगगमेण नेतव्वा ॥
[भा. १८३५] आहारउग्गमेणं, अविसुद्धं न गेण्हे न वि य गेण्हावे । न वि गेण्हंतणुजाणे, एवं वायाए काएणं ॥ [भा. १८३६] एमेव नव विकप्पा, उप्पातण एसणाए नव चेव । एए तिन्नि उ नवया, सगवीसाहारे भंगा तु ।। एमेवोवधिंसेजा, एक्केक सत्तवीस भंगा तु एते तिन्नि वि मिलिता, एक्कासीती भवे भंगा ॥
[भा. १८३७]
चू-मणाति - तियं । उग्गमाति-तियं, आहाराति-तियं, एते तिन्नि तिया तिकरणविसुद्धा कायव्वा । इमेण एक्कासीति भंगा - कायव्वा । आहारोवहिसेज्जा एयरस हेट्ठा उग्गमाति-तियं । एयस्स विट्ठा मणाति-तियं । एयस्स वि हेट्ठा करणं-तियं । इमं च उच्चारणं ।
आहारं उग्गमेण असुद्धे मनेण न गेण्हति, न गेण्हावेति, गेण्हतं नानुमोयति । एते मनेन तिन्नि, वायाते तिन्नि, काएण वि तिन्नि । एते नव उग्गमेण लद्धा । उप्पादणाए वि नव । एसणाए विनव । एते सत्तावीसं आहारे ।
उवकरणे वि सत्तावीसं । सेज्जाए वि सततावीसं । सव्वे एक्कासीति । जहा एते बायालीसं अवराहे एक्कासीतीए परिहरति, एवं पासत्ये अहाछंदे कुसीले संसत्ते नितिए, अविसद्दाओ ओसन्ने, एतेसिं संघाडगं तिकरणविसोहीए न देजा, न पडिच्छेजा, एक्कासीतीए वा भंगविकप्पे हिं परिहरेज्जा ।।
[भा. १८३८]
एताई सोहितो, चरणं सोर्हेति संसओ नत्थि । एतेहिं असुद्धेहिं चरित्तभेदं वियाण हि ॥
चू- एते आहारातीए एक्कासीतीए भंगेहिं सोघयंतो चरितं सोहेति ॥ एवं अत्थेण पडिसिद्धे पासत्यत्तणे, जा तेहिं सह संसग्गी सा पडिसिज्झति - [भा. १८३९] पडिसेधे पडिसेहो, असंविग्गे दान माति-तिक्खुत्तो । अविसुद्धे चतुगुरुगा, दूरे साधारणं काउं ।।
[ भा. १८४०] पासत्यादि-कुसीले, पडिसिद्धे जा तु तेहिं संसग्गी । पडिसिज्झति एसो खलु, पडिसेहे होति पडिसेहो ।
- पासत्थेण न भवियव्वं एसु पडिसेहो । सेसं कंठं । "असंविग्गे दानं " ति अस्य व्याख्या
[भा.१८४१] दानाई-संसग्गी, सई कयपडिसिद्धे लहुय आउट्टे । समावति आउट्टे असुद्धगुरुगो उ तेन परं ॥
चू-जति पासत्थातियाणं संघाडगस्स वत्थातियाण वा दानं करेति एस संसग्गी । सई एक्कसिं संसगिंग करेति, पडिसिद्धो पचोइओ आउट्टो, मासलहुं से पच्छित्तं, सब्भावति आउट्टेति, एवं बितियवाराए वि मासलहुं, ततियवारायए वि आउट्टस्स मासलहुं, तेन परं चउत्थवाराए नियमा असुद्धे त्ति मायावी, आउट्ठस्स मासगुरुं ॥।