________________
उद्देशक : १, मूलं-५०, [भा. ७८५ ]
[भा. ७८६ ] तस्सऽसति फालितम्मि, गहणं जं एगगंठिणा बज्झे । तससऽसति दुगतिगं पी, तस्सऽसती तिण्हवि परेणं ॥
मू. (५१) जे भिक्खू वत्थस्स परं तिन्हं फालिगठियाण करेति, करेंतं वा सातिजति ।। मू. (५२) जे भिक्खू वत्थस्स एगं फालियं गंठेइ, गठतं वा सातिजति ।।
मू. (५३) जे भिक्खू वत्थस्स परं तिण्हं फालियाणं गंठेइ, गंठेतं वा सातिज्जति ॥
मू. (५४) जे भिक्खू वत्थं अविहीए गंठेति; गंठेतं वा सातिजति ॥ मू. (५५) जे भिक्खू अतज्जाएणं गवेसेइ, गवेसंतं वा सातिजति ॥ चू. जे भिक्खू वत्थे तिण्ह परं देंतस्स मासगुरुं, आणादिणो दोसा । [भा. ७८७] तिण्हुपरि फालियाणं, वत्थं जो फालियं पि संसिब्वे । पंचन्हं एगतरे, सो पावति आणमादीणि ॥ संतासंतसतीए, अथिर अपज्जतऽल्भमाणे वा । पडिसेघऽनेसनिज्जे, असिवादी संततो असती ॥ घू. असिवे ओमोयरिए, “ताओ चैव गाहाओ कंठाओ ।। ७८८ ॥
[भा. ७८८]
[मा. ७८९] तं पुणगहणं दुविधं तज्जातं चैव तह अतज्जातं । एक्क्के एक्क्क, तज्जाति चतुरो अतज्जाए ॥
चू. जंगमादि एक्केक्के समाणजातीयं एक्केक्कं तज्जायं । असमाणा चउरो अतञ्जाता, वण्णतो वातज्जातमतज्जातं ॥
[भा. ७९०]
जं जारिसयं वत्थं, वण्णेणं जारिसं व जं होति । तारिसतज्जातेणं, गहणेणं तं गहेतव्वं ॥
[भा. ७९१] बितियपदमणप्पज्झे, गहेज्ज अधिकोतितेय अप्पज्झे । जाते वा वि पुणो, असती सरिसस्स दोरस्स ॥
चू. खित्तादिचित्तो अणप्पवसो, सेहो वा अविकोविओ, जाणओ वा गीयत्थो । असति सरिसदोरस्स अतजाएण गंधेज्जा |
मू. (५६) जे भिक्खू अइरेगगहियं वत्थं पर दिवड्डाओ मासाओ घरेति; घरेतं वा सातिज्जति । चू. जे भिक्खू अतिरेगगहितं वत्थं परं दिवड्डमासातो घरेज्जा तस्स आणाई, मासगुरुं च से पच्छित्तं ।
[भा. ७९२ ] अवलक्खणेगहितं, दुग-तिग- अतिरेग-गंठिगहियं वा ।
जो वत्थं परियट्टइ, परं दिवड्ढाओ मासाओ ।।
[भा.७९३] सो आणा अणवत्थं, मिच्छत्तविराधणं तथा दुविधं । पावति जम्हा तेणं, अन्नं वत्थं वि मग्गेज्जा ।।
चू. अवलक्खणस्स इमे दोसा - कंठा ॥
[भा. ७९४ ]
अवलक्खणो उ उवधी, उवहणती नाणदंसणचरिते । तम्हा न धरेयव्वो, कारण विधिमग्गणा य इमा |
चू. कारणे पुण धरेयव्वो । इमाए विधीए सलक्खणो उवधी मग्गियव्वो ।।
For Private & Personal Use Only
१९९
Jain Education International
www.jainelibrary.org
