Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 1258

उद्देशक : २०, मूलं १३७० [भा. ६३६६ ]
३५९
वृत्तो जति इच्छति तो तस्स अनुमते आगंतु इत्तरिओ कारविज्जइ, तम्मि अनिच्छे नो कारविजति, सो समत्ते गच्छिहिति, पच्छा इयरो न काहिति, तओ आयरिओ उभयभट्ठो भविस्सइ । अह इत्तरिओ आवकहितो य य दो वि अलद्धिसंपन्ना तत्थ आवकहिणा कारेयव्वं, इयरो अन्नस्स सन्निउज्जति विसज्जिज्जइ वा । अह इत्तरिओ सलद्धी, आवकही भण्णति- "वीसमाहिता तुमं एस इतरिओ सलद्धी करेतु, पच्छा तुमं चैव काहिसि ।” अनिच्छे एसो चेव काहिति, इत्तरिओ अन्नस्स वा कारविजति, दो वि वा संवृता करेंति । अह इत्तरिओ अलद्धी आवकही सलद्धी एत्थ आवकहिणा कारवेयव्वं, इत्तरिओ अन्नरस कारविज्जइ, अनिच्छे पडिसेहिजइ ॥
अह वत्थव्यवेयावच्चकरेण अनुण्णाओ कारवेइ, तस्स अणापुच्छाए अन्नं वेयावच्चकरं ठवेति तो इमे दोसा
[ भा. ६३६७]
अणणुन्नाते लहुगा, अचियत्तमसाह जोग्गदाणादी । निज्जर महती हु भवे, तवस्सिमादीण उ करेंते ॥
चू- वत्थव्व-आवकहि-वेयावच्चकरस्स अनापुच्छा आगंतु इत्तिरिया वैयावच्चकर ठावेंति, अणणुन्नातो वा वेयावच्चकरं ठवेइ तो चउलहुगा । अन्ने भांति - अनापुच्छाए वेयावच्चकरे ठविए मासलहु, अणणुन्नातो वेयावच्चकारवणे चरलहुं । वत्यव्ववेयावच्चकरस्स वा अचियत्तं, अचियत्तेण वा असंखड करेज्जा । "मसाह" त्ति-ण कहेति सो पुव्ववेयावच्चकरो उड्डकट्टो जेसु कुलेसु आयरियादीणं पाउग्गं लब्भति ते न कहेति, सङ्घकुलाणि वा न कहेज, तम्हा सो इत्तरिओ भण्णति खमगादितवस्सीणं तुमं करेहि, तेसिं पि कज्रमाणे महंती निजरा भवति ।
वेयावच्चे त्ति गयं । इदानिं “ खमण "त्ति - तत्थिमं गाहापच्छद्धं “ सगणामंतण" इत्यादि, जो अन्नगणाओ खमणट्टयाओ उवसंपज्जति सो दुविहो-अविगिट्ठो विगिट्ठो । अट्ठमादि विगिट्ठो, दोसु वि उवसंपतेसु सगणो आयरिएण आमंतेयव्वो आपुच्छियव्वो त्ति वृत्तं भवति - अज्जो ! एस खमणकरणट्टया आगतो कि पडिच्छ्रिज्जति उअ पडिसिज्झउत्ति, तेसि अनुमए पडिछिज्जइ अनिच्छे पडिसिज्झइ । न वा ते अणिच्छमाणे तस्स वेयावच्चे बला निओएति ।। जो पडिच्छिओ सो पुच्छियव्वो- तुम किं अविगिट्टं करेसि विगिद्धं वा ? तेन एगतरे कहिते पुणो पुच्छिज्जइ - तुमं अविगिट्ठे करेत्ता पारणदिने केरिसो भवसि ? सो भणइ - गिलाणोवमो, न य सज्झाय पडिलेहणादियाण जोगाण समत्थो भवामि । तस्सिमो उवदेसो
[भा. ६३६८ ] अविकिट्ठकिलामंतं, भांति मा खम करेहि सज्झायं । सका किलामिउंजे, विकिट्टेणं तहिं वितरे ।।
चू- अविगिट्ठतवकरणकिलामंतं भणति (मा) तुमं खमणं करेहि, न वट्टति तव खमणं काउं, सज्झायकरणे वेयावच्चे वा उज्जुत्तो भवाहि, सज्झायमनिज्जते विसज्जेयव्वो । अह गिलाणीवमो न भवति ततो पडिच्छियव्वो । जो पुण विकिट्टखमओ सो जइ न किलिस्सति-सज्झायपडिलेहणादि जोगे य सव्वे सयमेव अहीणमतिरित्ते करेति सो पडिच्छियव्वो । जो पुण विगिद्वेणं किलिस्सति तत्थिमं गाहापच्छद्धं-‘“सक्का किलाम्मिउं" सक्का इति युक्तं, जइ वि विगिट्ठतवकरणे गिलाणोवमो भवति तहावि तत्थ वितरंति त्ति तवकरणे अनुजाणंतीत्यर्थः ॥
विगिट्ठतवकरणे जो गिलाणोवमो भवति तत्थिमा सामायारी
-