Page Text
________________
उद्देशक : १७, मूलं- ११७८, [ भा. ५९३०]
२६७
मू. (११७८) जे निग्गंथे निग्गंधीए- पादे अन्नउत्थिएण वा गारत्थिएण वा तेल्लेण वा घएण वा वसाए वा नवनीएण वा मक्खावेज वा भिलिंगावेज वा, मक्खावेंतं वा भिलिंगावेंतं वा सातिजति ॥
मू. (११७९) जे निग्गंथे निग्गंथीए- पादे अन्नउत्थिएण वा गारत्थिएण वा लोद्वेण वा कक्केण वा उल्लोलावेज वा उवट्टावेज वा उल्लोलावेतं वा उवट्टावेतं वा सातिज्जति ।।
पू. (११८०) जे निग्गंथे निग्गंधीए - पादे अन्नउत्थिएण वा गारत्थिएण वा सीओदगवियडेण वा उसिणोदगवियडेण वा उच्छोलावेज वा पधोयावेज वा उच्छोलावेंतं वा पधोयावेतं वा सातिज्जति ।। भू. (११८१) जे निग्गंथे निग्गंधीए- पादे अन्नउत्थिएण वा गारत्थिएण वा फूमावेज वा रयावेज वा फूमावेंतं वा रयावेंतं वा सातिजति ।।
मू. (११८२) जे निग्गंधे निग्गंधीए कार्य अन्नउत्थिएण वा गारत्थिएण वा आमज्जावेज वापमजावेज वा आमजावेंतं वा पमज्जावेंतं वा सातिज्जति ॥
मू. (११८३) जे निग्गंथे निग्गंधीए- कार्य अन्नउत्थिएण वा गारत्थिएण वा संबाहावेज वा पलिमद्दावेज वा संबाहावेतं वा पलिमददावेंतं वा सातिजति ।।
सू. (११८४) जे निग्गंधे निग्गंधीए- कार्य अन्नउत्थिएण वा गारत्थिएण वा तेल्लेण वा घएण वा वसाए वा नवनीएण वा मक्खावेज वा भिलिंगावेज वा मक्खावेंतं वा भिलिंगावेंतं वा सातिजति ।।
मू. (११८५) जे निग्गंथे निग्गंधीए- कार्य अन्नउत्थिएण वा गारत्थिएण वा लोद्धेण वा hahr वा उल्लोलावे वा उव्वट्टावेज वा उल्लोलावेंतं वा उव्वट्टावेंतं वा सातिज्जति ॥
मू. (११८६) जे निग्गंथे निग्गंधीए-कार्य अन्नउत्थिएण वा गारत्थिएण वा सीओदगवियडेण वा उसिणोदगवियडेण वा उच्छोलावेज वा पधोयावेज वा उच्छोलावेंतं वा पधोयावेंतं वा सातिजति ।। मू. (११८७) जे निग्गंथे निग्गंधीए- कार्य अन्नउत्थिएण वा गारत्थिएण वा फूमावेज वा रयावेज वा फूमावेंतं वा रयावेंतं वा सातिजति ।।
पू. (११८८) जे निग्गंथे निग्गंधीए-कायंसि वणं अन्नउत्थिएण वा गारत्थिएण वा आमज्जावेज वा मज्जावेज वा आमजावेतं वा पमज्जावेंतं वा सातिजति ।।
मू. (११८९) जे निग्गंधे निग्गंधीए-कायंसि वणं अन्नउत्थिएण वा गारत्थिएण वा संबाहावेजं वा पलिमद्दावेज वा संबाहावेतं वा पलिमद्दावेंतं वा सातिञ्जति ।।
मू. (११९०) जे निग्गंथे निग्गंथीए- कायंसि वणं अन्नउत्थिएण वा गारत्थिएण वा तेल्लेण वा घरण वा बसाए वा नवनीएण वा मक्खावेज वा भिलिंगावेज वा मक्खावेंतं वा भिलिंगावेंतं वा सातिजति ॥
मू. (१९९१) जे निग्गंथे निग्गंधीए- कायंसि वणं अन्नउत्थिएण वा गारन्थिएण वा लोद्धेण घा कक्केण वा उल्लोलावेन वा उव्वट्टावेज वा उल्लोलावेंतं वा उब्ववावेंतं वा सातिज्जति ।।
पू. (११९२ ) जे निग्गंथे निग्गंधीए- कायंसि वणं अन्नउत्थिएण वा गारत्थिएण वा सीओदगवियडेण वा उसिणोदगवियडेण वा उच्छोलावेज वा पधोयावेज वा, उच्छोलावेंतं वा पधोयावेंतं वा सातिजति ।।
Jain Education International
For Private & Personal Use Only
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |