Agam Sutra Satik 21 Pushpika UpangSutra 10

SR No.: 003355
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 44
Language: Prakrit, Sanskrit
Classification: Book_Devnagari, Agam, Canon, Agam 21, & agam_pushpika
File Size: 1 MB

Page 21

अध्ययनं - ४
४३
निग्गंधीओ इरियासमियातो जाव गुत्तबंभचारिणीओ नो खलु अम्हं कप्पति जातककम्पं करितए, तुमं चणं देवाणु० बहुजणस्स चेडरूवेसु मुच्छिया जाव अज्झोववण्णा अभंगणं जाव नत्तिपिवासं वा पचणुब्भवमाणी विहरसि तं गं तुमं देवाणुप्पिया एयस्स ठाणस्स आलोएहि जाव पच्छितं पडिवज्जाहि ।
तते णं सा सुभद्दा अज्जा सुव्वयाणं अजाणं एयमहं नो आढाति नो परिजाणति, अणाढायमाणी अपरिजाणमाणी विहरति । तते णं तातो समणीओ निग्गंधीओ सुभद्दं अजं होलेति निंदंति खिसंति गरहंति अभिक्खणं २ एयमहं निवारेति । तते णं तीसे सुभद्दाए अज्जाए समणीहिं निग्गंधीहिं हीलिजमाणीए जाव अभिक्खणं २ एयमहं निवारिजमाणीए अयमेयारूवे अज्झत्थिए जाव समुपज्जित्था - जया णं अहं अगारवासं वसामि तया णं अहं अप्पवसा, जप्पभिइंच णं अहं मुंडा भविता आगाराओ अनगारियं पव्वइत्ता तप्पभिदं च णं अहं परवसा, पुव्विं च समणीओ निग्गंधीओ आढेति परिजाणेति, इयाणि नो आढाइंति नो परिजाणंति, तं सेयं खलु मे कल्लं जाव जलते सुव्वयाणं अज्जाणं अंतियाओ पडिनिक्खमित्ता पाडियक्कंउवस्सयं उवसंपञ्जित्ता णं विहरितए, एवं संपेहेति २ कल्लं जाव जलते सुव्वयाणं अजाणं अंतियातो पडिनिक्खमेति २ पाडियक्कं उवस्सयं उवसंपजित्ता णं विहरति ।
तते णं सा सुभद्दा अजा अज्जाहिं अनोहट्टिया अनिवारिता सच्छंदमती बहुजनस्स चेडरूवेसु मुच्छिता जाव अभंगणं च जाव नत्तिपिवासं च पच्चणुब्वमाणी विहरति । तते णं सा सुभद्दा अज्झा पासत्था पासत्थविहारी एवं ओसण्णा० कुसीला० संसत्ता संसत्तविहारी अहाच्छंदा अहाच्छंदविहारी बहूई वासाई सामन्नपरियागं पाउणति २ अद्धमासियाए संलेहणाए अत्ताणं तीसं भत्ताइं २ अणसणे छेदित्ता २ तस्स ठाणस्स अनालोइयप्पडिक्कतो कालमासे कालं किचा सोहम्मे कप्पे बहुपुत्तियाविमाणे उववायसभाए देवसयणिज्जंसि देवदूसंतरिया अंगुलस्स असंखेज्जभागमेत्ताए ओगाहणाए बहुपुत्तियदेवित्ताए उववण्णा, तेणं सा बहुपुत्तिया देवी अहुणोववन्नमित्ता समाणी पंचविहाए पत्तीए जाव भासामनपजत्तीए ।
एवं खलु गोयमा ! बहुपुत्तियाए देवीए सा दिव्वा देव्विड्ढी जाव अभिसमण्णागता । से hi भंते! एवं कुच बहुपुत्तिया देवी २ ? गोयमा ! बहुपुत्तिया णं देवी गं जाहे जाहे सकस्स देविंदस्स देवरन्नो उवत्थाणियणं करेइ ताहे २ बहवे दारए य दारियाए व डिंभए य डिंभियातो य विउव्वइ २ जेणेव सक्के देविंदे देवराया तेणेव उवा० २ सक्कस्स देविंदस्स देवरन्नो दिव्वं देविडि दिव्वं देवजुई दिव्वं देवानुभागं उवदंसेति, से तेणेणं गोयमा ! एवं बुच्चति बहुपुत्तिया देवी २ । बहुपुत्तियाणं भंते! देवीणं केवइयं कालं ठितिं पन्नत्ता ? गोयमा ! चत्तारि पलिओवमाई ठिई पन्नत्ता । बहुपुत्तिया णं भंते! देवी तातो देवलोगाओ आउक्खएणं ठितिक्खएणं भवक्खएणं अनंतरं चयं चइत्ता कहिं गच्छिहिति ? कहिं उववजिहिति ? गोयमा ! इहेव जंबुद्दीवे दीवे भारहे वासे विज्झगिरिपायमूले विभेलसंनिवेसे माहणकुलंसि दारियत्ताए पचायाहिति ।
तते णं तीसे दारियाए अम्मापियरो एक्कारसमे दिवसे वितिक्कंते जाव बारसेहिं दिवसेहिं वितिक्कतेहिं अयमेयारूवं नामधिजं करेति - होऊ णं अम्हं इमीसे दारियाए नामधिज्जं सोमा । तते णं सोमा उम्मुक्कवालभावा विण्णतपरिणयमेत्ता जोव्वणगमणुपत्ता रूवेण य जोव्वणेण य लावण्णेण