Agam Sutra Satik 18 Jamboodwippragnapati UpangSutra 07

SR No.: 003352
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 564
Language: Prakrit, Sanskrit
Classification: Book_Devnagari, Agam, Canon, Agam 18, & agam_jambudwipapragnapti
File Size: 13 MB

Page 271

२६८
जम्बूद्वीपप्रज्ञप्ति - उपाङ्गसूत्रम् ३ / १२२
वण्णावासे पन्नत्ते जाव दामवण्णगं समत्तंति ।
तए णं ते देवा अमिसेअमंडवं विउव्वंति २ त्ता जेणेव भरहे राया जाव पचप्पिणंति, तए णं से भरहे राया आमि ओगाणं देवाणं अंतिए एअमहं सोचा णिसम्म हट्टतुट्ठ जाव पोसहसालाओ पडिनिक्खमइ २ ता कोडुंबिअपुरिसे सद्दावेइं २ त्ता एवं वयासी- खिप्पामेव भो देवाणुप्पिआ ! अभिसेक्कं हत्थिरयणं पडिकप्पेह २ त्ता हयगय जाव सण्णाहेत्ता एअमाणत्तिअं पञ्चप्पिणह जाव पचप्पियंति। तए णं से भरहे राया मज्जणघरं अनुपविसइ जाव अंजणगिरिकूडसण्णिभं गयवई नरवई दूरूढे, तए णं तस्स भरहस्स रन्नो अभिसेक्कंहत्थिरयणं दूरूढस्स समाणस्स इमे अट्टट्टमंगलगा जो चैव गमो विणीअं पविसमाणस्स सो चेव निक्खमभाणस्सवि जाव अप्पडिबुज्झमाणे विणीअं रायहाणि मज्झमज्झेणं निग्गच्छइ २ त्ता जेणेव विणीआए रायहाणीए उत्तरपुरत्थिमे दिसीभाए अभिसे अमंडवे तेणेव उवागच्छइ २ त्ता अभिसे अमंडवदुवारे आभिसे अपेढे तेणेव उवागच्छइ २ त्ता अभिसे अपेढं अनुष्पदाहिणीकरेमाणे २ पुरत्थिमिल्लेणं तिसोवाणपडिरूवएणं दूरुहइ २ ता जेणेव सीहासणे तेणेव उवागच्छइ २ त्ता पुरत्यामिमुहे सण्णिसण्णेत्ति ।
तए मं तस्स भरहस्स रन्नो बत्तीसं रायसहस्सा जेणेव अभिसेअमण्डवे तेणेव उवागच्छंति २ त्ता अभिसेअमंडवं अनुपविसंति २ त्ता अभिसेअपेढं अणुप्पयाहिणीकरेमाणा २ उत्तरिल्लेणं तिसोवाणपडिरूवएणं जेणेव भरहे राया तेणेव उवागच्छति २ त्ता करयल जाव अंजलि कट्टु भरहं रायाणं जएणं वद्धावेति २ त्ता भरहस्स रन्नो नञ्चासण्णे नाइदूरे सुस्सूसमाणा जाव पज्जुवासंति, तए णं तस्स भरहस्स रन्नो सेनावइरयणे जाव सत्थवाहप्पभिईओ तेऽवि तह चैव नवरं दाहिणिल्लेणं तिसोवाणपडिरूवएणं जाव पज्जुवासंति, तए णं से भरहे राया आभिओगे देवे सद्दावेइ २ एवं वयासी
खिप्पामेव भो देवाणुप्पिआ ! ममं महत्थं महग्धं महरिहं महारायाअभिसेअं उवट्टवेह, तए णं ते अभिओआ देवा भरहेणं रन्ना एवं वुत्ता समाणा हट्ठतुट्ठचित्ता जाव उत्तरपुरत्थिमं दिसीभागं अवक्कमंति अवक्कमित्ता वेउव्विअसमुग्धाएणं समोहणंति, एवं जहा विजयस्स तहा इत्थंपि जाव पंडगवने एगओ मिलायंति एगओ मिलाइत्ता जेणेव दाहिणद्धभरहे वासे जेणेव विनीआ रायहाणी तेणेव उवागच्छंति २ त्ता विणीअं रायहाणि अनुप्पयाहिणीकरेमाणा २ जेणेव अभिसे अमंडवे जेणेव भरहे राया तेणेव उवागच्छंति २ त्ता तं महत्यं महग्घं महरिहं महारायामिसेअं तेहिं साभाविएहि अ उत्तरवेउव्विएहि अ वरकमलपइट्ठाणेहिं सुरमिवरवारिपडिपुण्णहिं जाव महया २ रायाभिसेएणं अभिसिंचंति, अभिसेओ जहा विजयस्स, अभिसिंचित्ता पत्तेअं २ जाव अंजलिं कट्टु ताहिं इट्ठाहिं जहा पविसंतस्स भणिआ जाव विहराहित्तिकट्टु जयजयसद्दं पउंजंति । तए णं तं भरहं रायाणं सेनावइरयणं जाव पुरोहियरयणे तिन्नि अ सट्टा सूअसया अट्ठारस सेणिप्पसेणीओ अन्ने अ बहवे जाव सत्थवाहम्परभिइओ एवं चैव अभिसिंचंति तेहिं वरकमलपइट्ठाणेहिं तहेव जाव अमिथुणंति अ सोलस देवसहस्सा एवं चेव नवरं पम्हसुकुमालाए जाव मउडं पिणद्धेति, तयनंतरं च णं दद्दरमलयसुगंधिएहिं गंधेहिं गायाइं अब्भुक्खेति दिव्वं च सुमणोदामं पिणद्धेति, किंबहुना ? गंट्ठिमवेढिम जाव विभूसिअं करेति ।
तसे भरहे महया २ रायाभिसेएणं अभिसिंचिए समाणे कोडुंबिअपुरिसे सद्दावेइ २ त्ता एवं वयासी- खिप्पामेव भो देवा० ! हत्थिखंधवरगया विनीयाए रायहाणीए सिंघाड