Page Text
________________
पदं -२, उद्देशक:-, द्वारं
चंदसूरनक्खत्तजोइसप्पहा मेदवसापूयपरडलरुहिरमांसचिक्खिल्ललित्ताणुलेवणतला असुइवीसा परमदुब्भिगंधा काउअगणिवन्नाभा कक्खडफासा दुरहियासा असुभा नरगा असुभा नरगेसु वेयणाओ.
८९
एत्थ णं रयणप्पभापुढवीनेरइयाणं पञ्जत्तापजत्ताणं ठाणा प०, उववाएणं लोयस्स असंखेजइभागे, समुग्धाएणं लोयस्स असंखेजइभागे, सहाणेणं लोयस्स असंखेज्जइभागे, तत्थणं बहवे रयणप्पभापुढवीनेरइया परिवसंति, काला कालोभासा गंभीरलोमहरिसा भीमा उत्तासणगा परमकिण्हा वत्रेणं प० समणाउसो !,
ते णं निचं भीता निच्चं तत्था निच्चं तसिया निघं उब्बिग्गा निच्चं परममसुहसंबद्धं नरगभयं पचणुभवमाणा विहरति । कहि णं भंते! सकरप्पभापुढवीनेरइयाणं पञ्जत्तापजत्ताणं ठाणा प०
कहि णं भंते ! सक्करप्पभापुढवीनेरइया परिवसंति ?, गोयमा ! सक्करप्पभापुढवीए बत्तीसुत्तरजोयणसयसहस्सबाहल्लाए उवरिं एगं जोयणसहस्सं ओगाहित्ता हेडा चेगं जोयणसहस्सं वनिता मज्झे तीसुतरे जोयणसहयसहस्से एत्थ णं सक्करप्पभापुढवीनेरइयाणं पणवीसं निरयावाससयसहस्सा हवन्तीति मक्खायं, ते णं नरगा अंतो वट्टा वाहिं चउरंसा अहे खुरम्पसंठाणसंठिया निच्चंधयारतमसा ववगयगहचंदसूरनक्खत्तजोइसियप्पहा मेदवसापूयपडलरुहिरमांसचिक्खिल्ललित्ताणुलेवणतला असुइवीसा परमदुब्भिगंधा काउअगणिवन्नाभा कक्खडफासा दुरहियासा असुभा नरगा असुभा नरगेसु वेयणाओ,
एत्थ णं सक्करप्पभापुढवीनेरइयाणं पञ्जत्तापजत्ताणं ठाणा प०, उववाएणं समुग्धाएणं साणेणं लोगस्स असंखेजइभागे, तत्थ णं वहवे सकरप्पभापुढवीनेइआ परिवसंति, काला कालोभासा गंभीरलोमहरिसा भीमा उत्तासणगा परमकिण्हा वन्त्रेणं प० समणाउसो ! ते णं निच्चं भीता निच्चं तत्था जाव नां परममसुहसंबद्धं नरगभयं पचनुभवमाणा विहरंति ।
कहि णं भंते वालुयप्पभापुढवीनेरइयाणं पज्जत्तापञ्जत्ताणं ठाणा प० ?, कहि णं भंते! वालुयप्पभापुढवीनेरइया परिवसंति ?, गोयमा! वालुयप्पभापुढवीए अट्ठावीसुत्तरजोयणसयसहस्साबाहल्लाए उवरिं एवं जोयणसहस्सं ओगाहित्ता हेट्ठा चेगं जोयणसहस्सं वज्जित्ता मज्झे छब्वीसुत्तरजोयणसयसहस्से एत्थ णं वालुयप्पभापुढवीनेरइयाणं पन्नरसनरयावाससयसहस्सा भवतीति मक्खायं, ते णं न रगा अंतो वट्टा बाहि चउरंसा अहे खुरप्पसंठाणसंठिया निबंधयारतमसा चवग- यगहचंदसूरनक्खत्तजोइसप्पहा मेदवसापूयपडलरुहिरमंसचिक्खिल्ललित्ताणुलेवणतला असुइवीसा परमदुब्भिगंधा काउअगणिवन्नाभा कक्खडफासा जाव असुभा नरगेसु वेयनओ
एत्थ वालुयप्पभापुढवीनेरइयाणं पञ्जत्तपञ्जत्ताणं ठाणाप०, उववाएणंलोयस्स असंखेजइभागे, समुग्धाएणं लोयस्स असंखेज्जइभागे, सट्टाणेणं लोयस्स अंसखेजइभागे, तत्थ णं बहवे वालुयप्पभापुढवीनेरइया परिवसंति, काला कालोभासा गंभीरलोमहरिसा भीमा उत्तासणगा परमकिण्हा वत्रेणं प० समणाउसो !, ते णं निचं भीता निचं तत्था निच्चं तसिआ निच्चं उब्विग्गा निच्चं परममसुहं संबद्धं णरगभयं पञ्चणुभवमाणा विहरंति ।
कहि णं भंते! पंकप्पभापुढवीनेरइयाणं पजत्तापज्रत्ताणं ठाणा प० ?, कहि णं भंते! पंकष्पभापुढवीनेरइया परिवसंति ?, गो० पंकप्पभापुढवीए वीसुत्तरजोयणसयसहस्साबाहलल्लाए
For Private & Personal Use Only
Jain Education International
www.jainelibrary.org
| SR No. | 003349 |
| Book Title | Agam Sutra Satik 15 Pragnapana UpangSutra 04 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 664 |
| Language | Prakrit, Sanskrit |
| Classification | Book_Devnagari, Agam, Canon, Agam 15, & agam_pragyapana |
| File Size | 14 MB |