Page Text
________________
पदं--४, उद्देशकः-, द्वारं-२७
१८१
वाउकाइयाणं भंते! केवइयं कालं ठिई पन्नत्ता?, गोयमा! जहन्नेणं अंतोमुहत्तं उक्कोसेणं तिनि वाससहस्साई, अपज्जत्तयाणपुच्छा गोयमा! जहन्नेणवि उक्कोसेणविअंतोमुहूतं, पजत्तयाणं पुच्छा गोयमा! जहन्णं अंतोमुहत्तंउक्कोसेणं तिन्निवाससहस्साइंअंतोमुत्तूणाई, सुहुमवाउकाइयाणं पुच्छा गोयमा ! जहनेणवि उक्कोसेणवि अंतोमुहत्तं, अपजत्तयाणं पुच्छा गोयमा! जहनेणवि उक्कोसेणविअंतोमुहुत्तं, पजत्तयाणपुच्छा गोयमा! जहन्नेणविउकोसेणविअंतोमुहत्तं, बायरवाउकाइयाणं पुच्छा गोयमा ! जहन्नेणं अंतोमुहत्तं उउक्कोसेणं तिन्नि वाससहस्साई, अपजत्तयाणं पुच्छा गोयमा! जहन्नेणविउक्कोसेणविअंतोमुहुत्तं, पजत्तयाणं पुच्छा गोयमा! जहन्नेणं अंतोमुहुत्तं उक्कोसेणं तिन्नि वाससहस्साइं अंतोमुहत्तूणाई।।
वणप्फइकाइयाणं भंते ! केवइयं कालं ठिई पन्नत्ता?, गोयमा! जहन्नेणं अंतोमुहत्तं उक्कोसेणं दस वाससहस्साइं, अपजत्तयाणं पुच्छा गोयमा! जहन्नेणवि उक्कोसेणवि अंतोमुहत्तं, पजत्तयाणं पुच्छा गोयमा ! जहन्नेणं अंतोमुहुत्तं उक्कोसेणं दस वाससहस्साइं अंतोमुहुत्तूणाई, सुहुमववणफइकाइयाणं ओहियाणं अपजत्ताणं पजत्ताणं य पुच्छा गोयमा! जहन्नेणवि उक्कोसेणवि अंतोमुहत्तं, बायरवणफइकाइयाणपुच्छागोयमा! जहन्नेणं अंतोमुहुत्तंउक्कोसेणंदसवाससहस्साई, अपजत्तयाणं पुच्छा गोयमा ! जहन्नेणवि उक्कोसेणवी अंतोमुहत्तं, पजत्तयाणं पुच्छा गोयमा ! जहन्नेणं अंतोमुहुत्तं उक्कोसेणं दस वाससहस्साइं अंतोमुहुत्तूणाई।
मू. (३०१) बेइंदियाणं भंते ! केवइयं कालं ठिई पन्नत्ता?, गोयमा! जहन्नेणं अंतोमुत्तं उकोसेणं बारस संवच्छराई, अपज्जत्तयाणं पुच्छा गोयमा ! जहन्नेणवि उक्कोसेणवि अंतोमुहुत्तं, पजत्तयाणं पुच्छा गोयमा ! जहन्नेणं अंतोमुहुततं उक्कोसेणं बारस संवच्छराइं अंतोमुहत्तूणाई।
तेइंदियाणं भंते ! केवइयं कालं ठिई पन्नत्ता?, गोयमा ! जहन्नेणं अंतोमुहत्तं उक्कोसेणं एगुणवन्नं राइंदियाई, अपजत्तयाणपुच्छा गोयमा! जहन्नेणवि उक्कोसेणवि अंतोमुहत्तं, पजत्तयाणं पुच्छा गोयमा ! जहन्नेणं अंतोमुहुत्तं उक्कोसेणं एगुणवन्नं राइंदियाइं अंतोमुत्तूणाई।
चरिदियाणं भंते! केवइयं कालं ठिई पन्नत्ता?, गोयमा! जहन्नेणं अंतोमुहुत्तं उक्कोसेणं छम्मासा, अपञ्जत्तयाणं पुच्छा गोयमा ! जहन्नेणवि उक्कोसेणवि अंतोमुहत्तं, पजत्तयाणं पुच्छा गोयमा ! जहन्नेणं अंतोमुहुत्तं उक्कोसेणं छम्मासा अंतोमुहतूणा।
मू. (३०२) पंचिंदियतिरिक्खजोणियाणं भंते ! केवइयंकालं ठिई पन्नत्ता?, गोयमा! जहन्नेणं अंतोमुहत्तं उक्कोसेणं तिन्नि पलिओवमाइं, अपजत्तयाणं पुच्छा गोयमा ! जहन्नेणवि उक्कोसेणविअंतोमुहत्तं, पजत्तयाणपुच्छा गोयमा! जहन्नेणंअंतोमुहत्तंउक्कोसेणं तिनिपलिओवमाई अंतोमुहुत्तूणाई,।
समुच्छिमपंचिंदियतिरिक्खजोणियाणं पुच्छा गोयमा ! जहन्नेणं अंतोमुहुत्तं उक्कोसेणं पुचकोडी, अपञ्जत्तयाणं पुच्छा गोयमा ! जहन्नेणवि उक्कोसेणवि अंतोमुहत्तं, पजत्तयाणं पुच्छा गोयमा! जहन्नेणं अंतीमुहत्तं उक्कोसेणं पुव्वकोडी अंतोमुत्तूणा।
गब्भवतियपंचिंदियतिरिक्खजोणियाणं पुच्छा गोयमा! जहन्त्रेणं अंतोमुहत्तं उक्कोसेणं तिनि पलिओवमाई, अपनत्तयाणं पुच्छा, गोयमा! जहन्नेणवि उक्कोसेणवि अंतोमुहत्तं, पजत्तयाणं पुच्छा गोयमा ! जहन्नेणं अंतोमुहत्तं उक्कोसेणं तिन्नि पलिओवमाइं अंतोमुत्तूणाई।
Jain Education International
For Private & Personal Use Only
www.jainelibrary.org
| SR No. | 003349 |
| Book Title | Agam Sutra Satik 15 Pragnapana UpangSutra 04 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 664 |
| Language | Prakrit, Sanskrit |
| Classification | Book_Devnagari, Agam, Canon, Agam 15, & agam_pragyapana |
| File Size | 14 MB |