Page Text
________________
पदं - २, उद्देशक:-, द्वारं
११३
विच्छिन्ना पडिपुत्रचंदसंठाणसंठिया अचिमालीभासरासिवण्णाभा सेसं जहा बंभलोगे जाव पडिरुवा, तत्य णं हेट्ठिमगेविज्जगाणं देवाणं एकारसुत्तरे विमाणावाससए भवतीतिमक्खायं, ते णं विमाणा सव्वरयणामया जाव पडिरूवा, एत्थ णं हेट्ठिमगेविज्जगाणं देवाणं पजत्तापज्जत्ताणं ठाणा पन्नत्ता, तिसुवि लोगस्स असंखेज्जइभागे, तत्थ णं बहवे हेट्ठिमगेविज्जगा देवा परिवसंति, सव्वे समिष्टिया सव्वे समजुइया सव्वे समजसा सव्वे समबला सव्वे समानुभावा महासुक्खा अनिंदा अपेरसा अपुरोहिया अहमिंदा नामं ते देवगणा पन्नत्ता समणाउसी ! ॥
कहि णं भंते! मज्झिमगाणं गेविञ्जगाणं देवाणं पञ्जत्तापजत्ताणं ठाणा पत्रत्ता ?, कहिणं भंते! मज्झिमगेविज्जगा देवा परिवसंति ?, गोयमा! हेट्ठिमगेविज्जगाणं उप्पिं सपक्खि सपडिदिसिं जाव उप्पइत्ता एत्थ णं मज्झिमगेविज्जगदेवाणं तओ गेविजगाणं पत्थडा पन्नत्ता, पाईणपडीणायया जगा हेट्ठिमगेविज्जगाणं, नवरं सत्तुत्तरे विमाणावाससए हवन्तीतिमक्खायं, ते णं विमाणा जाव परूिवा, एत्थ णं मज्झिमगेविज्जगाणं जाव तिसुवि लोगस्स असंखिज्जइभागे, तत्थ णं बहवे मज्झिमविजगा देवा परिवसंति जाव अहमिंदा नाम ते देवगणा पत्रत्ता समणाउसो ! ।
कहि णं भंते! उवरिमगेविञ्जगाणं देवाणं पञ्जत्तापजत्ताणं ठाणा पन्नत्ता ?, कहिणं भंते! उवरिमगेविज्जए देवा परिवसंति ?, गोयमा ! मज्झिमगेविजगाणं उप्पिं जाव उप्पइत्ता एत्य णं उatमवगाणं तओ गेविजगविमाणपत्थडा पत्ता पाईइपडीणायया सेसं जहा हेमविजगाणं, नवरं एगे विमाणावाससए भवंतीतिमक्खायं, सेसं तहेव भाणियव्वं जाव अहमिंदा नामं ते देवगणा पत्रत्ता समणाउसो ! | मू. (२३३)
एक्कारसुतरं हेट्ठिमैसु सत्तुत्तरं च मज्झिमए ।
सयमेगं उवरिमए पंचेव अनुत्तरविमाणा ।।
मू. (२३४) कहि णं भंते! अनुत्तरोववाइयाणं देवाणं पज्जत्तापज्जत्ताणं ठाणा पत्रत्ता ?, कहिणं भंते अनुत्तरोववाइया देवा परिवसंति ?, गोयमा ! इमीसे रयणप्पभाए पुढवीए बहुसमरमणिजाओ भूमिभागाओ उड्डुं चंदिमसूरियगहगणनक्खत्ततारारूवाणं बहूई जोयणसयाई बहूई जोयणसहस्साइं बहूइंजोयणसयसहस्साइं बहुगाओजोयणकोडीओ बहुगाओ जोयणकोडाकोडीओ उड्डुं दूरं उप्पइत्ता सोहम्मीसाणसणकुमारा जाव आरणअनुयकष्पा तिन्निअट्ठारसुत्तरे गेविज्जगविभाणावाससए वीइवइत्ता तेण परं दूरंगया नीरया निम्मला वितिमिरा विसुद्ध पंचदिसिं पंच अनुत्तरा महइमहालया महाविमाणा पत्रत्ता, तंजहा
विजए वैजयंते जयंते अपराजिए सव्वट्ठसिद्धे, ते णं विमाणा सव्वरयणामया अच्छा सहा लहा घट्टा मट्ठा नीरया निम्मला निष्पंका निक्कंकडच्छाया सप्पभा सस्सिरिया सउज्जोया पासाइया दरिसणिज्जा अभिरुवा पडिरूवा, एत्थ णं अनुत्तरोवावइयाणं देवाणं पज्जत्तापजत्ताणं ठाणा पत्रत्ता, तिसुवि लोगस्स असंखेज्जइभागे, तत्थ णं बहवे अनुत्तरोववाइया देवा परिवसंति, सच्चे समिडिया सव्वे समबला सव्वे समानुभावा हमासुक्खा अनिंदा अप्पेस्सा अपुरोहिया अहमिंदा नामं ते देवगणा पत्रत्ता समणाउसी ! ॥
वृ. सनन्कुमाराकल्पे 'सपक्खि सपडिदिसं ति समानाः पक्षाः - पूर्वापरदक्षिणोत्तररूपाः
10 8
Jain Education International
For Private & Personal Use Only
www.jainelibrary.org
| SR No. | 003349 |
| Book Title | Agam Sutra Satik 15 Pragnapana UpangSutra 04 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 664 |
| Language | Prakrit, Sanskrit |
| Classification | Book_Devnagari, Agam, Canon, Agam 15, & agam_pragyapana |
| File Size | 14 MB |