Page Text
________________
प्रतिपत्तिः -३, दीव०
____
_२१७
पासाइया ४/तेसिणं तोरणाणं उप्पिं बहवे छत्ताइछत्ता पडागाइपडागाघंटाजुयला उप्पलहत्थया जाव सयसहस्सवत्तहत्थगा सव्वरयणामया अच्छा जाव पडिरूवा।
तासिणंखुड्डियाणं वावीणंजाव बिलपंतियाणंतत्थ तत्थदेसे २ तहिंतहिंबहवे उपायपव्वया नियइपव्वया जगतिपब्वयादारुपव्ययगादगमंडवगा दगमंचकादगमालका दगपासायगा ऊसडा खुल्ला खडहडगा अंदोलगा पक्खंदोलगा सव्वरयणामया अच्छा जाव पडिरूवा।
तेसुणं उप्पायपव्यतेसु जाव पक्खंदोलएसु बहवे हंसासणाई कोंचासणाइंगरुलासणाई उण्णयासणाइं पणयासणाई दीहासणाई भद्दासणाई पक्खासणाई मगरासणाई उसभासणाई सीहासणाई पउमासणाई दिसासोवत्थियासणाई सब्बरयणामयाइंअच्छाईसण्हाइंलण्हाइंघटाई मट्ठाईनीरयाइंणिम्मलाइंनिप्पकाईनिकंकडच्छायाइंसप्पभाई सम्मिरीयाइंसउजोयाईपासादीयाई दरिसणिजाई अभिरुवाइं पडिलवाई।
तस्स णं वनसंडस्स तत्थ तत्थ देसे २ तहिं तहिं बहवे आलिघरा मालिघरा कयलिधरा लयाघरा अच्छणघरापेच्छणघरा मजणघरगा पसाहणघरगा गम्भघरगामोहणघरगा सालघरगा जालघरगा कुसुमघरगा चित्तघरगा गंधव्वघरगा आयंसघरगा सव्वरयणामया अच्छा सहा लण्हा घट्टा मट्ठाणीरया णिम्मला णिप्पंका निक्ककडच्छाया सप्पभासम्मिरीया सउजोया पासादीया दरिसणिज्जा अभिरूवा पडिरूवा । तेसु णं आलिघरएसु जाव आयंसघरएसु बहूइं हंसासणाई जाव दिसासोवत्थियासणाइंसव्वरयणामयाईजाव पडिलवाई।
तस्स णं वनसंडस्स तत्थ तत्थ देसे २ तहिं तहिं बहवे जाइमंडवगा जूहियामंडवगा मल्लियामंडवगा णवमालियामंडवगा वासंतीमंडवगा दधिवासुयामंडवगा सूरिल्लिमंडवगा तंबोलीमंडवगामुद्दियामंडवगाणागलयामंडवगाअतिमुत्तमंडवगा अप्फोतामंडवगामालुयामंडवगा सामलयामंडवगा निचं कुसुमिया निच्चं जाव पडिरूवा।
तेसुणंजातीमंडवएसुबहवे पुढविसिलापट्टगापन्नत्ता, तंजहा हंसासणसंठिता कोंचासणसंठितागरुलासणसंठिता उग्णयासणसंठितापणयासणसंठिता दीहासणसंठिता भद्दासणसंठिता पक्खासणसंठिता मगरासणंठिता उसभासणसंठिता सीहासणसंठिता पउमासणसंठिता दिसासोत्थियासणसंठिता पं०, तत्त बहवे वरसयणासणविसिट्ठसंठाणसंठिया पन्नत्ता समणाउसो! आइण्णगख्यबूरणवणीततूलफासा मउया सव्वरयणामया अच्छा जाव पडिरूवा।
तत्थ णं बहवे वाणमंतरा देवा देवीओ य आसयंति सयंति चिट्ठति निसीदंति तुयटृति रमंति ललंति कीलंति मोहंति पुरापोराणाणं सुचिण्णाणं सुपरिकताणं सुभाणं कल्लाणाणं कडाणं कम्माणं कल्लाणं फलवित्तिविसेसं पच्चणुब्भवमाणा विहरंति।
तीसे णं जगतीए उप्पिं अंतो पउमवरवेदियाए एत्थ णं एगे महं वणसंडे पन्नत्ते देसूणाई दो जोयणाई विक्खंभेणं वेइयासमएणं परिक्खेवेणं किण्हे किण्होभासे बनसंडवण्णओ (मणि)तणसद्दविहूणो णेयव्यो, तत्थणंबहवे वाणमंतरा देवा देवीओय आसयंति सयंति चिट्ठति निसीयंति तुयति रमंतिललंति कीडति मोहंति पुरा पोराणाणं सुचिण्णाणं सुपरिकताणं सुभाणं कंताणं कम्माणं कल्लाणं फलवित्तिविसेसं पच्चणुब्भवमाणा विहरंति॥
वृ. 'तस्स णं वनसंडस्से'त्यादि, तस्य णमिति वाक्यालङ्कारे वनखण्डस्य मध्ये तत्र तत्र
Jain Education International
For Private & Personal Use Only
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |