Agam Sutra Satik 11 Vipakshrut AngSutra 11

SR No.: 003345
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 86
Language: Prakrit, Sanskrit
Classification: Book_Devnagari, Agam, Canon, Agam 11, & agam_vipakshrut
File Size: 2 MB

Page 42

अध्ययनं ४
श्रुतस्कन्धः - १,
तते णं से सगडे दारए अन्नया कयाइउं सयमेव कूडगाहित्तं उवसंपञ्जितताणं विहरिस्सति, तते गं से सगडे दारए कूडगाहे भविस्सइ अहम्मिए जाव दुप्पडियानंदे एय कम्मे० सुबहुं पावकम्म समजिणित्ता कालमासे कालं किच्चा इमीसे रयणप्पभाए पुढवीए नेरइयत्ताए उवन्ने, संसारो तहेव जाव पुढवीए, से णं ततो अनतरं उव्वट्टित्ता वाणारसीए नयरीए मच्छत्ताए उववज्जिहिति,
३९
से णं तत्थ णं मच्छबंधिएहिं वहिए तत्थेव वाणारसीए नयरीए सेट्ठिकुलंसि पुत्तत्ताए पच्चायाहिति बोहिं बुज्झे० पव्व० सोहम्मे कप्पे महाविदेहे वासे सिज्झिहिति निक्ख्वो दुहविवागाणं चोत्यस्स अज्झयणस्स अयमट्टे पन्नत्ते ॥
वृ. 'अओमयं' ति अयोमयीं ‘तत्तं' तप्तां, कथम् ? इत्याह 'समजोइभूयं' ति समा- तुल्या ज्योतिषां वह्निना भूता या सा तथा ताम् । 'अवयासाविए' त्ति अवयासितः आलिङ्गितः । 'जोव्वण० भविस्सइ' त्ति 'जोव्वणगमणुपत्ते अलं भोगसमत्थे यावि भविस्सति' इत्येवं द्रष्टव्यम् । 'त स'त्ति 'तए णं सा' दृश्यम् । 'विनय'त्ति एतदेवं दृश्यं विण्णयपरिणयमेत्ता' ।
‘निक्खेवो’त्ति ‘एवं खलु जंबू ! समणेणं भगवया महावीरेणं चउत्थस्स अज्झयणस्स अयमट्टे पन्नत्ते' इत्येवंरूपं निगमनं वाच्यमिति । शेषमुपयुज्य प्रथमाध्ययनानुसारेण व्याख्येयमिति चतुर्थाध्ययनविवरणम् ॥
(अध्ययनं - ५ - बृहस्पतिदत्तः
मू. (२७) जइ णं भंते! पंचमस्स अज्झयणस्स उक्खेवो, एवं खलु जंबू ! तेणं कालेणं तेणं समएणं कोसंबीनामं नयरी होत्था रिद्धत्थिमिय० बाहिं चंदोतरणे उज्जाणे सेयभद्दे जक्खे, तत्थ णं कोसंबीए नयरीए सयाणीए नाम राया होत्था महता मियावती देवी,
तस्स णं सयाणीयस्स पुत्ते मियादेवीए अत्तए उदायणे णामं कुमारे होत्था अहीण० जुवराया, तस्स णं उदायनस्स कुमारस्स पउमावतीनामं देवी होत्था, तस्स णं सयाणीयस्स सोमदत्ते नामं पुरोहिए होत्था रिउवेय०, तस्स णं सोमदत्तस्स पुरोहियस्स वसुदत्ता नामं भारिया होत्या, तस्स णं सोमदत्तस्स पुत्ते वसुदत्ताए अत्तए वहस्सतिदत्ते नामं दारए होत्था अहीण०,
तेणं कालेणं तेणं समएणं समणे भगवं महावीरे समोसरणं, तेणं कालेणं तेणं समएणं भगवं गोयमे तहेव जाव रायमग्गमोगाढे तहेव पासइ इत्थी आसे पुरिसमझे पुरिसं चिंता तहेव पुच्छति पुव्वभगं भगवं ! वागरेति, एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे सव्वतोभद्दे नामं नयरे होत्था रिद्धत्थिमियसमिद्धे,
तत्थ णं सव्वतोभद्दे नगरे जियसत्तू नामं राया, तस्स णं जियसत्तुस्स रनो महेसरदत्ते नामं पुरोहिए होत्था रिउव्वेय ४ जाव अथव्वणकुसले आवि होत्या, तते णं से महेसरदत्ते पुरोहिए जियसत्तुस्स रन्नो रज्जबलववद्धणअट्टआए कल्लाकल्लिं एगमेगं माहणदारयं एगमेगं खत्तियदारयं एगमेगं वइस्सदारयं एगमेगं सुद्ददारगं गिण्हावेति २ तेसिं जीवंतगाणं चैव हियउंडए गिण्हावेति जियसत्तुस्स रनो संतिहोमं करेति,
तणं से महेसरदत्ते पुरोहिए अट्ठमीचोद्दसीसु दुवे माहण १ खत्तिय २ वेस ३ सुद्दे ४ चोण्हं मासाणं चत्तारि २ छण्हं मासाणं अड्ड २ संवच्छरसस सोलस २ जाहे जाहेऽ विय णं जियसत्तू