Page Text
________________
द्वार-२, अध्ययनं-५, सुहदुक्खनिव्विसेसे अभितरबाहिरंमि सया तवोवहाणमि य सुहजुते खंते दंते य हियनिरते
ईरियासमिते भासासमिते एसणासमिते आयाणभंडमत्तनिक्खेवणासमिते उच्चारपासवणखेलसिंघाणजल्लपारिट्ठावणियासमिते मणगुत्ते वयगुत्ते कायगुत्ते
-गुतिंदिए गुत्तबंभयारी चाई लज्जू पन्ने तबस्सी खंतिखमे जितिदिए सोधिए अणियाणे अबहिल्लेस्से अममे अकिंचणे छिन्नग्गंथे निरुवलेवे सुवमलवरकसभायणं व मुक्कतोए संखेविव निरंजणे विगयरागदोसमोहे कुम्मो इव इंदिएसु गुत्ते जच्चकंचणगं व जायसवे पोक्खरपत्तं व निरुवलेवे
__ -चंदो इव सोभावयाए सूरो ब्व दित्ततेए अचले जह मंजरे गिरिवरे अक्खोभे सागरो व्य थिमिए पुढवी व सव्यफाससहे तवसा चिय भासरासिछनिव्व जाततेह जलिययासणो विव तेयसा जलंते गोसीसचंदणंपिव सीयले सुगंधे य हरयो विव समियभावे उग्घोसियसुनिम्मलं व आयंसमंडलतलं व पागडभावेण सद्धभावे सोंडीरे कंजरोव्व वसभेब जायथामे सीहे वा जहा मिगाहिवे होति दुप्पधरिसे सारयसलिलं व सुद्धहियये भारंडे चेवअप्पमत्तेखग्गिविसाणं वएगजाते खाणुंचेव उडकाए सुन्नागारेव्य अप्पडिकम्मे सुन्नागारावणस्संतो निवायसरणप्पदीपज्झाणमिव निप्पकंपे
-जहा खुरो चेव एगधारे जहा अही चेव एगदिट्ठी आगासं चेव निरालंबे विहगे विव सव्वोओ विप्पमुक्के कयपरनिलए जहाचेव उरए अपडिबद्धे अनिलोव्व जीवोव्व अप्पडिहयगती
-गामे गामे एकरायं नगरे नगरे य पंचरायं दूइज्जते य जितिंदिए जितपरीसहे निब्भओ विऊ सच्चित्ताचित्तमीसकेहिं दव्वेहिं विरायं गते संचयातो विरए मुत्ते लहुके निरवकंखे जीवियमरणासविप्पमुक्के निस्संधिनिव्वणं चरितं धीरे काएण फासयंते सततं अज्झम्पज्झाणजुत्ते निहुए एगे चरेज धम्म।
इमंच परिग्गहवेरमणपरिरक्खणट्टयाए पावयणं भगवया सुकहियं अत्तहियं पेच्चाभाविक आगमेसिभदं सुद्धं नेयाउयं अकुडिलं अनुत्तरं सव्वदुक्खपावाण विओसमणं तस्स इमा पंच भावणाओ चरिमस्स वयस्स होति परिग्गहवेरमणरक्खणट्ठायाए-पढमं सोइंदिएण सोचा सद्दाई मणुनभद्दगाई, किंते?,
__ वरमुरयमुइंगपणवदहरकच्छभिवीणाविपंचीवल्लयिवद्धीसकसुधोसनंदिसूसरपरिवादिणिवंसतूणकपव्वकतंतीतलतालतुडियनिग्योसगीयवाइयाई नडनट्टकजल्लमल्लमुडिवक-वेलंबककहकपवकलासगा आइक्खकलंखमंखतूणइल्लतुंबवीणियतालायरपकरणाणिय बहूणि मुरसरगीतसुस्सारतिकंचीमेहलाकलावपत्तरकपहेरकपायजालगघंटियखिंखिणिरयणोरु-जालियछुद्दियनेउरचलणमालियकणगनियलजालभूसणसदाणिलीलचंकम्माणाणूदीरियाइंतरुणीजहणसियभणियकलरिभितमंजुलाइं गुणवयणाणि व बहूणि महुरजणभासियाई अनेसु य एवमादिएसु सद्देसुमणुनभद्दएसुणतेसुसमणेणं सजियव्वंन रज्जियव्वं न गिझियध्वं न मुज्झियव्यं न विनिग्धाय आवज्जियव्वं नलुभियव्वं न तुसियव्वं न हसियव्यं न सइंच मइंच तत्थ कुज्जा, पुणरवि सोइंदिएण सोचा सदाइं अमणुनापवकाई, किं ते?,
अक्कोसफरुसखिंसणअवमाणणतञ्जणनिभंछणदित्तवयणतासणउक्यूजियरुन्नरडि
Jain Education International
For Private & Personal Use Only
www.jainelibrary.org
| SR No. | 003344 |
| Book Title | Agam Sutra Satik 10 Prashnavyakarana AngSutra 10 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 192 |
| Language | Prakrit, Sanskrit |
| Classification | Book_Devnagari, Agam, Canon, Agam 10, & agam_prashnavyakaran |
| File Size | 4 MB |