Agam Sutra Satik 08 Antkrutddasha AngSutra 08

SR No.: 003342
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 58
Language: Prakrit, Sanskrit
Classification: Book_Devnagari, Agam, Canon, Agam 08, & agam_antkrutdasha
File Size: 2 MB

Page 29

३३८
अन्तकृद्दशाङ्गसूत्रम् ६/३/२७ सुदंसणं समणोवासतं सव्वओ समंताओ परिघोलेमाणे २ जाहे नो (चेवण) संचाएति सुदंसणं समणोवासयंतेयसा समभिपडित्तते ताहे सुदंसणस्स समणोवासयस्स पुरतो सपक्खि सपडिदिसिं ठिचा सुदंसणं समणोवासयं अणिनमसाते दिट्ठीए सुचिरं निरिक्खति २ अञ्जुनयस्स मालागारस्स सरीरं विप्पजहति २ तं पलसहस्सनिफनं अयोमयं मोग्गरंगहाय जामेव दिसंपाउन्भूते तामेव दिसंपडिगते.
त० से अज्जुनते माला० मोग्गरपाणिणा जक्खेणं विप्पमुक्के समाणे घसत्तिधरणियलंसि सब्बंगेहिं निबडिते, त० से सुदंसणे समणोवासते निरुवसग्गमितिक्टु पडिमं पारेति, तते णं से अज्जुनते माला० तत्तो मुहुत्तंतरेणं आसत्थे समाणे उठेति २ सुदंसणं समणोवासयं एवं व०-तुब्भे णं देवाणु० ! के कहिं वा संपत्थिया?, तते णं से सुदंसणे समणो० अजुणयं माला० एवं व०
एवं खलु देवाणुप्पिया! अहं सुदंसणे नामं समणोवासते अभिगयजीवाजीवे गुणसिलते चेतिते समणं भगवं महावीरं वंदते संपत्थिते, त० से अजुनते माला० सुदसणं समणोवासयं एवं व०-तंइच्छामिणं देवाणु०! अहमवितुमए सद्धिं समणंभगवंमहा० वंदेत्तए जावपञ्जुवासेत्तए, अहासुहं देवाणु०१, त० से सुदंसणे समणोवासते अजुनएणं मालागारेणं सद्धिं जेणेव गुणसिलए चेतिते जणेव समणे भगवं महा० तेणेव उ०२ अज्जुनएणं मालागारेणं सद्धिं समणं भगवं महा० तिक्खुत्तोजाव पञ्जुवासति, ततेणंसमणेभगवंमहा० सुदंसणस्ससमणो० अजुनयस्स मालागारस्स तीसे य० धम्मकहा०, सुदंसणे पडिगते।
तएणं से अजुणते समणस्स० धम्मं सोचा हट्ट० सपहामिणं भंते ! निग्गंध पावयणं जाव अब्भुटेमि, अहासुहं, त० से अज्जुनते माला० उत्तर० सयमेवपंचमुट्ठियंलोयंकरति जाव अनगारे जाते जाव विहरति, तते णं से अज्जुनते अनगारे जंचेव दिवसं मुंडे जाव पव्वइते तं चेव दिवसं समणं भगवं महा० वंदति २ इमं एयारूवं अभिग्गहं उग्गिण्हति
____ कप्पड़ मे जावजीवाते छटुंछट्टेणं अनिक्खित्तेणं तवोकम्मेणं अप्पाणं भावमाणस्स विहरित्तएत्तिक१, अयमेयारूवं अभिग्गहं ओगेण्हति २ जावजीवाए जाव विहरति,
तते णं से अज्जुनते अनगारे छट्ठखमणपारणयंसि पढमपोरिसीए सज्झायं करेति जहा गोयमसामी जाव अडति, तते णं तं अजुणयं अनगारं रायगिहे नगरे उच्च जाव अडमाणं बहवे इत्थीओ य पुरिसा य डहरा य महल्ला य जुवाणा य एवं वदासी
इमे णं मे पितामारते भाया० भगिणी० भज्जा० पुत्त० धूया० सुण्हा० इमेण मे अन्तरे सयणसंबंधिपरियणे मारिएत्तिकट्टअप्पेगतियाअक्कोसंति अप्पे० हीलंति निंदति खिसंति गरिहंति तज्जेति तालेति, तते णं से अजुणते अनगारे तेहिं बहूहिं इत्थीहि य पुरिसेहि यडहरेहि य महल्लेह य जुवाणइएहि य आतोसेञ्जमाणे जाव तालेजमाणे तेसिं मणसावि अपउस्समाणे सम्मंसहति सम्म खमति तितिक्खवि अहियासेति सम्म सहमाणे खम० तिति० अहि० रायगिहे नगरे उच्चणीयमज्झिमकुलाइंअडमाणे जति भत्तं लहति तो पाणं न लभति जइ पाणं तो भत्तं न लभति, तते णं से अजुनते अदीणे अविमणे अकलुसे अनाइले अविसादी अपरितंतजोगी अडति २ रायगिहातो नगरातो पडिनिक्खमति २ जेणेव गुणसिलए चेतितेजेणेव समणे भगवं महा० जहा गोयमसामी जाव पडिदंसेति २ समणेणं भगवया महा० अब्भणुण्णाते अमुच्छिते ४