Page Text
________________
१, वर्ग:-, अध्ययनं-१
श्रुतस्कन्धः - १,
६१
Verd कलिकम्मे कयकोउयमंगलपायच्छित्ते सद्धप्पावेसातिं वत्थाई मंगलाई पवरपरिहिए अप्पमहग्घाभरणालंकितसरीरे जेणेव सेणिए राया तेणामेव उवागच्छति २ सेणियंरायं करयलमंजलिं कडु एवं व्यासी- संदिसए णं देवाणुप्पिया ! जं मए करणिजं,
तते णं से सेणिए राया कासवयं एवं वदासी - गच्छाहि णं तुमं देवाणुप्पिया ! सुरभिणा iutari निक्के हत्थपाए पक्कालेह सेयाए चउप्फालाए पोत्तीए मुहं बंधेत्ता मेहस्स कुमारस्स चउरंगुलवज्जे निक्खमणपाउग्गे अग्गकेसे कप्पेहि,
तणं से कासव सेणिएणं रन्ना एवं वृत्ते समाणे हट्ट जाव हियए जाव पडिसुणेति २ सुरभिणा गंधोदएणं हत्थपाए पक्खालेति २ सुद्धवत्थेणं मुहं बंधति २ त्ता परेणं जत्तेणं मेहस्स कुमारस्स चउरंगुलवज्रे निक्खमणपाउग्गे अग्गकेसे कम्पति, तते णं तस्स मेहस्स कुमारस्स माया महरिहेणं हंसलकखणेणं पडसाडएणं अग्गकेसे पडिच्छति २ सुरभिणा गंधोदएणं पक्कवालेति २ सरसेणं गोसीसचंदणेणं चच्चाओ दलयति २ सेयाए पोतीए बंधेति २ रयणसमुग्गयंसि पक्खिवति २ मंजूसाए पक्खिवति २ हारवारिधारसिंदुवार छिन्नमुत्तावलिपगासाई अंसूइं विणिम्मुयमाणी २ रोयमाणी २ कंदमाणी २ विलवमाणी २ एवं वदासी
एस णं अम्हं मेहस्स कुमारस्स अब्भुदएसु य उस्सवेसु य पव्वेसु य तिहीसु य छणेसु य जन्नेव पव्वणीसु य अपच्छिमे दरिसणे भविस्सइत्तिकड्ड उस्सीसामूले ठवेति, तते णं तस्स मेहस्स कुमारस्स अम्मापितरो उत्तरावक्कमणं सीहासणं रयावेति मेहं कुमारं दोच्चंपि तच्चपि सेयपीयएहिं कलसेहिं ण्हावेति २ पम्हलसुकुमालाए गंधकासाइयाए गायातिं लूहेति २ सरसेणं गोसीसचंदणेणं गायाति अनुलिंपति २ नासानीसासवायवोज्झं जाव हंसलक्खणं पडगसाडगं नियंसेति २ हारं पिणद्धति २ अद्धहारं पिद्धति २ एगावलिं मुत्तावलिं कणगावलिं रयणावलिं पालंबं पायपलंबं कडगाई तुडिगाई केउराति अंगयातिं दसमुद्दियानंतयं कडिसुत्तयं कुंडलातिं चूडामणि रयणुक्कडं मउडं पिणद्धति २ दिव्वं सुमणदामं पिणणिं २ दद्दुरमलयसुगंधिए गंधे पिणदित,
तणं तं मेहं कुमारं गंठिमवेढिमपूरिमसंघाइमेण चउविव्हेणं मल्लेणं कप्परुक्खगंपिव अलंकितविभूसियं करेति, ततेणं से सेणिए राया कोडुंबियपुरिसे सद्दावेति २ एवं वयासी- खिप्पामेव भो देवाणुप्पिया ! अनेगखंभसयसन्निविद्वं लीलट्ठियसालभंजियागं ईहामिगउसभतुरयनरमगरविहगवालगकिन्नररुरुसरभचमरकुंजरवणलयपउमलयभत्तिचित्तं घंटावलिमहुरमणहरसरं सुभकंतदरिसणिज्जं निउणोचियमिसिमिसिंतमणिरयणघंटियाजालपरिखित्तं अब्भुग्गयवइरवेतियापरिगयाभिरामं विज्जाहरजमलजंतजुत्तंपिव अच्चीसहस्समालणीयं रूवगसहस्सकलियं भिसमाणं भिब्भिसमाणं चक्खुलोयणलेस्सं सुहफासं सस्सिरीयरूवं सिग्धं तुरितं चवलं वेतियं पुरिससहरसवाहिणीं सीयं उवट्ठवेह,
तते णं ते कोडुंबियपुरिसा तुट्ठा जाव उवट्ठवेति, तते णं से मेहे कुमारे सीयं दूरुहति २ तासीहासणवरगए पुरत्याभिमुहे सन्निसन्ने, ततेणं तस्स मेहस्स कुमारस्स माया पहाता कयबलिकम्मा जाव अप्पमहग्घाभरणालंकियसरीरा सीयं दूरुहति २ मेहस्स कुमारस्स दाहिणे पासे भद्दासणंसि निसीयति, तते णं तस्स मेहस्स कुमारस्स अंबधाती रयहरणं च पडिग्गहगं च गहाय सीयं दूरुहति २ मेहस्स कुमारस्स वामे पासे भद्दासणंसि निसीयति,
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |