Page Text
________________
श्रुतस्कन्धः -१, वर्ग:-, अध्ययनं -१६
२०५
अभोजं विसभूयं जाणित्ता धम्मरूई अनगारं एवं वदासी-दति णं तुमं देवाणु० ! एवं सालइयं जाव नेहावगाढं आहारेसि तो गं तुमं अकाले चेव जीवितातो ववरोविजसि, तं मा णं तुमं देवाणु० इमं सालतियं जाव आहारेसि, मा णं तुमं अकाले चेव जीविताओ ववरोविजसि, तं गच्छ णं तुमं देवाणु ० ! इमं सालतियं एगंतमणावाए अचित्ते थंडिले परिद्ववेहि २ अन्नं फासूयं एसणिज्जं असन४ पडिगाहेत्ता आहारं आहारेहि,
तते से धम्मरुई अनगारे धम्मघोसेणं थेरेणं एवं वृत्ते समाणे धम्मघोसस्स थेररस अंतियाओ पडिनिक्खमति २ सुभूमिभागउज्जाणाओ अदूरसामंते थंडिल्लं पडिलेहेति २ ततो सालइयातो एवं बिंदुगं गइ २ थंडिलंसि निसिरति, तते णं तस्स सालतियस्स तित्तकडुयस्स बहुनेहावगाढस्स गंधेणं बहूणि पिपीलिगासहस्साणि पाउ० जा जहा य णं पिपीलिका आहारेति सा तहा अकाले चेव जीवितातो ववरोविजति, तते णं तस्स धम्मरुईस्स अनगारस्स इमेयारूवे अब्भत्थिए५
जइ ताव इमस्स सालतियस्स जाव एगंमि बिंदुगंमि पक्खित्तंमि अनेगातिं पिपीलिकासहस्साइं ववरोविजंति तं जति णं अहं एवं सालइयं थंडिल्लंसि सव्वं निसिरामि तते गं बहूणं पाणाणं ४ वहकरणं भविस्सति, तं सेयं खलु ममेयं सालइयं जाव गाढं सयमेव आहारेत्तए, मम चैव एएणं सरीरेणं निज्जाउत्तिकड्डु एवं संपेहेति २ मुहपोत्तियं २ पडिलेहेति २ ससीसोवरियं कायं पमज्जेति २ तं सालइयं तित्तकडुयं बहुनेहावगाढं बिलमिव पन्नगभूतेणं अप्पाणेणं सव्वं सरीर कोहंसि पक्खिवति, तते णं तस्स धम्मरुइस्स तं सालइयं जाव नेहावगाढं आहारियस्स समाणस्स ममहुत्तंतरेणं परिणममाणंसि सरीर गंसि वेयणा पाउब्भूता उज्जला जाव दुरहियासा, तते गं से धम्मरुची अनगारे अथामे अबले अवीरिए अपुरिसक्कारपरक्कमे अधारणिज्जमितिकड आयारभंडगं एगंते ठवेइ २ थंडिल्लं पडिलेहेति २ दब्भसंधारगं संथारेइ २ दब्भसंधारगं दुरूहति २ पुरत्याभिमुहे संपलियंकनिसन्ने करयलपरिग्गहियं एवं व०
नमोऽत्यु अरहंताणं जाव संपत्ताणं, नमोऽत्यु णं धम्मघोसाणं थेराणं मम धम्मायरियाणं धम्मोवएसगाणं, पुव्विपि णं मए धम्मघोसाणं थेराणं अंतिए सव्वे पाणातिवाए पञ्चक्खाए जावज्जीवाए जाव परिग्गहे, इयाणिपि णं अहं तेसिं चेव भगवंताणं अंतियं सव्वं पाणाति० पच्चक्खामि जाव परिग्हं पञ्चक्खामि जावजीवाए, जहा खंदओ जाव चरिमेहिं उस्सासेहिं वोसिरामित्तिकड्ड आलोइयपडिक्कंते समाहिपत्ते कालगए, तते णं ते धम्मघोसा थेरा धम्मरुइं अनगारं चिरं गयं जाणित्ता समणे निग्गंथे सहावेति २ एवं व० - एवं खलु देवाणु० ! धम्मरुइस्स अनगारस्स मासखमणपारणगंसि सालइयस्स जाव गाढस्स निसिरणट्टयाए बहिया निग्गते चिराति तं गच्छह णं तुब्भे देवाणु० ! धम्मरुइस्स अनगारस्स सव्वतो समंता मग्गणगवेसणं करेह,
तणं ते समणा निग्गंथा जाव पडिसुणेति २ धम्मघोसाणं थेराणं अंतियाओ पडिनिक्खमंति २ धम्मरुइस्स अनगारस्स सव्वओ समंता मग्गणगवेसणं करेमाणा जेणेव थंडिल्लं तेणेव उवागच्छंति २ धम्मरुइस्स अनगारस्स सरीरगंनिष्पाणंनिचेट्टं जीवविप्पजढं पासंति २ हा हा अहो अकज्जमितिकट्टु धम्मरुइस्स अनगारस्स परिनिव्वाणवत्तियं काउस्सग्गं करेति,
धम्मरुइस्स आयारभंडगं गेण्हति २ जेणेव धम्मघोसा थेरा तेणेव उवागच्छंत २ गमनागमनं पडिक्कमति २ एवं व०- -एवं खलु अम्हे तुब्भं अंतियाओ पडिनिक्कमामो२ सुभूमिभागस्स उ०
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |