Page Text
________________
श्रुतस्कन्धः -१, वर्ग:-, अध्ययनं ८
सहावेति २ गच्छहणं तुब्भे मम पमदवणंसि एवं महं चित्तसभं करेह अनेग जाव पञ्चप्पिणंति, १. तणं से मल्लदिने चित्तगरसेणि सद्दावेति २ एवं वयासी तुम्भे गं देवा० ! चित्तसभं हावभावविलासविब्बोयकलिएहिं रूवेहिं चित्तेह २ जाव पञ्चप्पिणह,
ततेणं सा चित्तगरसेणी तहत्ति पडिसुणेति २ जेणेव सयाई गिहाइ तेणेव उवा० २ तूलियाओ मन्त्रए य गेण्हति २ जेणेव चित्तसभा तेणेव उवागच्छंति २ त्ता अनुपविसंति २ भूमिभागे विरंचंति २ भूमिं सर्जेति २ चित्तसभं हावभाव जाव चित्तेडं पयत्ता यावि होत्था,
तते णं एगस्स चित्तगरस्स इमेयारूवा चित्तगरलद्धी लद्धा पत्ता अभिसमन्नागया- जस्स णं दुपयस्स वा चउपयस्स वा अपयस्स वा एगदेसमवि पासति तस्स णं देसाणुसारेणं तयाणुरूवं निव्वत्तेति, तए णं से चित्तगरदारए मल्लीए जवणियंतरियाए जालंतरेण पायंगुडं पासति,
१५१
ततेणं तस्स णं चित्तगरस्स इमेयारूवे जाव सेयं खलु ममं मल्लीएवि पायंगुट्टाणुसारेणं सरिसगं जाव गुणोववेयं रूवं निव्वत्तित्तए, एवं संपेहेति २ भूमिभागं सचेति २ मल्लीएवि पायंगुट्टाणसारेण जाव निव्यत्तेति, तते णं सा चित्तगरसेणी चित्तसभं जाव हावभावे चित्तेति २ जेणेव मल्लदिने कुमारे तेणेव २ जाव एतमाणत्तियं पञ्चपिणंति, तए णं मल्लदिन्ने चित्तगरसेणि सकारेइ २ विपुलं जीवियारिहं पीइदाणं दलेइ २ पडिविसज्जेइ,
तए णं मल्लदिने अन्नया हाए अंतेउरपरियालसंपरिवुडे अम्मधाईए सद्धिं जेणेव चित्तसभा तेणेव उवा० २ चित्तसभं अणुपविसइ २ हावभावविलासविब्बोयफलियाई रुवाई पासमाणे २ जेणेव मल्लीए विदेहवरराय कन्नाए तयाणुरूवे निव्वत्तिए तेणेव पहारेत्थ गमणाए,
तणं से मल्लदिने कुमारे मल्लीए विदेहवररायकत्राए तयाणुरूवं निव्वत्तियं पासति २ इमेयारूवे अन्भथिए जाव समुप्पज्जित्था - एस णं मल्ली विदेहवररायकन्नत्तिकट्टु लञ्जिए वीडिए विअडे सणियं २ पञ्च्चोसक्कइ, तए णं मल्लदिनं अम्मधाई पच्चोसक्कंतं पासित्ता एवं वदासी - किन्नं तुमं पुत्ता ! लज्जिए वीडिए विअडे सणियं २ पच्चीसक्कइ ?, तते णं से मल्लदिने अम्मधाति एवं बदासी- जुत्तं णं अम्मो ! मम जेट्टाए भगिणीएगरुदेव - यभूयाए लज्जणिजाए मम चित्तगरनिव्वत्तियं सभं अणुपविसित्तए ?, तरणं अम्मधाई मल्लदिन्नं कुमारं व० - नो खलु पुत्ता ! एस मल्ली, एस णं मल्ली विदे० चित्तगरएणं तयाणुरूवे निव्वत्तिए, तते णं मल्लदिने अम्मघाईए एयमहं सोच्चा आसुरुत्ते एवं वयासी-केस गंभो चित्तयरए अपत्थियपत्थिए जाव परिवज्जिए जे णं मम जेट्ठाए भगिणीए गुरुदेवयभूयाए जाव निव्वत्तिएत्तिकट्टु तं चित्तगरं वज्झं आणवेइ,
तणं सा चित्तगरस्सेणी इमीसे कहाए लद्धट्ठा समाणा जेणेव मल्लदिने कुमारे तेणेव उबागच्छइ २ त्ता करयलपरिग्गहियं जाव बद्धावेइ २ त्ता २ एवं वयासी एवं खलु सामी ! तस्स चित्तगरस्स इमेयारूया चित्तकरलद्धी लद्धा पत्ता अभिसमन्नागया जस्स णं दुपयस्स वा जाव निव्वतेति तं मा णं सामी ! तुब्भे तं चित्तगरं वज्झं आणवेह, तं तुब्भे गं सामी ! तस्स चित्तगरस्स अनं तयाणुरूवं दंड निचत्तेह, तए णं से मल्लदिन्ने तस्स चित्तगरस्स संडासगं छिंदावेइ २ निव्विसयं आणवेइ, तए णं से चित्तगरए मल्लदिनेणं निव्विसए आणत्ते समाणे सभंडमत्तांवगरणमायाए मिहिलाओ नयरीओ निक्खमइ २ विदेहं णवयं मज्झमज्झेणं जेणेव हत्थिणाउरे नयरे जेणेव कुरुजणवए जेणेव उदीणसत्तू राया तेणेव उवा० २ त्ता भंडणिक्खेवं करेइ २ चित्तफलगं सज्जेइ
For Private & Personal Use Only
Jain Education International
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |