Agam Sutra Satik 06 Gnatadharmakath AngSutra 06

SR No.: 003340
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 280
Language: Prakrit, Sanskrit
Classification: Book_Devnagari, Agam, Canon, Agam 06, & agam_gyatadharmkatha
File Size: 7 MB

Page 152

१४९
श्रुतस्कन्धः-१, वर्गः-, अध्ययन-८ ग्याधुत्पत्तिस्थानं नगरं-करविरहितं खेट-धूलीप्राकारकर्बर्ट-कुनगरं मडम्बं-दूरवर्तिसन्निवेशान्तरं दोमुखं-जलपथस्थलपथयुक्तंपत्तनं-जलपथस्थलपथयोरेकतरयुक्तं निगमो-वणिग्जनाधिष्ठितः -सन्निवेशः-कटकादीनामावासः, 'देवकन्नगा वे' त्यादाविदं दृश्यं-'असुरकन्ना वा नागकना वा जक्खकन्ना वा गंधव्वकन्ना वा रायकन्ना वेति, 'वाणियगजणियहासे' त्ति नैगमोत्पादितमल्लीविषयानुराग इत्यर्थः२॥
मू. (८९) तेणं कालेणं २ कुणाला नाम जणवए होत्या, तत्थ णं सावत्थी नाम नगरी होत्या, तत्थ णं रुप्पी कुणालाहिवई नाम राया होत्था, तस्स णं रुप्पिस धुया धारिणीए देवीए अत्तया सुबाहुनामंदारियाहोत्था, सुकुमाल० रूवेण यजोव्वणेणं लावण्णेणय उक्किट्ठाउक्किट्ठसरीरा जाया यावि होत्था, तीसे णं सुबाहुए दारियाए अन्नदा चाउम्मासियमजणए जाए यावि होत्या, तते णं से रुप्पी कुणालाहिवई सुबाहुए दारियाए चाउम्मासियमजणयं उवडियं जाणति २ कोडुबियपुरिसे सद्दावेति २ एवं वयासी-एवं खलु देवाणुप्पिया! सुबाहुए दारियाए कल्लं चाउम्मासियमज्जणए भविस्सतितंकल्लंतुब्भेणं रायमग्गमोगाढंसिचउक्कंसिजलथलयदसद्धवन्नमल्लं साहरेह जाव सिरिदामगंडे ओलइन्ति,
तते णं से रुप्पी कुणालाहिवती सुवनगरसेणि सद्दावेति २ एवं वयासी-खिप्पामेव भो देवाणुप्पिया! रायमग्गमोगाढंसिपुप्फमंडवंसिनानाविहपंचवन्नेहिं तंदुलेहिं नगरं आलिहह तस्स बहुमज्झदेसभाए पट्टयंरएह २ जाव पञ्चप्पिणंति, ततेणं से रुप्पी कुणालाहिवई हत्थिखंधवरगए चाउरंगिणी सेनाए महया भड० अंतेउरपरियाल संपरिघुडे सुबाहुंदारियंपुरतो कटुजेणेव रायमग्गे जेणेव पुप्फमण्डवे तेणेव उवागच्छति २ हत्थिखंधातो पच्चोरूहति २ पुष्फमंडवं अनुपविसति २ सीहासनवरगए पुरत्याभिमुहे सन्निसन्ने, तते णंताओअंतेउरियाओ सुबाहुंदारियंपट्टयंसिदुरूहेति २ सेयपीतएहिं कलसेहिं ण्हाणेति २ सव्वालंकारविभूसियं करेंत २ पिउणो पायं वंदिउंउवणेति, तते णं सुबाहुदारिया जेणेव रुप्पी राया तेणेव उवागच्छति २ पायग्गहणं करेति, तते णं से रुप्पी राया सुबाहुं दारियं अंके निवेसेति २ सुबाहुए दारियाए रूवेण य जो० लाव० जाव विम्हिए वरिसधरं सदावेति २ एवं वयासी
तुमण्णं देवाणुप्पिया! मम दोघेणं बहूणि गामागरनगरगिहाणि अनुपविससि, तं अस्थि याई ते कस्सइ रन्नो वा ईसरस्स वा कहिंचि एयारिसए मञ्जणए दिट्ठपुब्वे जारिसए णं इमीसे सुबाहुदारियाए मजणए?, तते णं से वरिसधरे रुप्पिं करयल० एवं व०-एवं खलु सामी! अहं अन्नया तुडभेणं दोच्चेणं मिहिलं गए तत्थणंमए कुंभगस्स रन्नो धूयाए पभावतीए देवीए अत्तयाए मल्लीए विदेहरायकनगाए मजणए दिढे,
तस्स णं मजणगस्स इमे सुबाहुए दारियाए मज्जणए सयसहस्सइमंपि कलं न अग्धेति, तए णं से रूप्पी राया वरिसधरस्स अंतिए एयमढं सोचा णिसम्म सेसं तहेव मज्जणगजणितहासे दूतं सद्दावेति २ एवं वयासी०-जेणेव मिहीला नयरी तेणेव पहारित्यगमणाए ३ ।
मू. (९०) तेणं कालेणं २ कासी नामजनवए होत्या, तत्थ णं वाणारसीनाम नगरी होत्था, तत्थणं संखे नाम कासीराया होत्या, ततेणंतीसे मल्लीए विदेहरायवरकन्नाए अन्नया कयाइंतस्स दिवस्स कुंडलजुयलस्स संधी विसंघडिए यावि होत्या, तते णं से कुंभए राया सुवनगार- सेणिं