Page Text
________________
श्रुतस्कन्ध: -१, वर्ग:-, अध्ययनं ८
१३९
याध्शः सर्पादिकलेवेरे गन्धो भवेत् यादशं वा सर्पादिकलेवरं गन्धेन भवेत् एतद्रूपस्तद्रूपो वा स्यादू- - भवेत्तस्य भक्तकवलस्य गन्ध इति सूत्रकारस्य विकल्पोल्लेख: ?, 'नो इणट्ठे समट्टे' नायमर्थः समर्थः--सङ्गत इत्ययं तु तस्यैव निर्णयः, निर्णीतमेव गन्धस्वरूपमाह - 'एत्तो अनिट्टतराए चेव' इतः - अहिकडेवरादिगन्धात् सकाशादनिष्टतर एव - अभिलापस्याविषय एव अकान्तरकःअकमनीयतरस्वरूपः अप्रियतरः- अप्रीत्युत्पादकत्वेन अमनोज्ञतरकः - कथयाऽप्यनिष्टत्वात् अमनोज्ञतरश्चिन्तयाऽपि मनसोऽनभिगम्य इत्यर्थः ।
मू. (८६) तेणं कालेणं २ कोसला नाम जणवए, तत्थ णं सागेए नाम नयरे तस्स णं उत्तरपुरच्छिमे दिसीभाए, एत्थ णं महं एगे नागधरए होत्था दिव्वे सच्चे सच्चोवाए संनिहियपाडिहेरे, तत्य णं नगरे पडिबुद्धिनाम इक्खागुराया परिवसति पउमावती देवी सुबुद्धी अमचे सामदंड० तते णं पउमावतीए अन्नया कयाई नागजन्नए यावि होत्था, तते णं सा पउमावती नागजन्नमुवट्ठियं जाणित्ता जेणेव पडिबुद्धि० करयल० एवं वदासी- एवं खलु सामी ! मम कल्लं नागजन्नए यावि भविस्सति तं इच्छामि णं सामी ! तुब्भेहिं अब्भणुन्नाया समाणी नागजन्नयं गमित्तए,
तुब्भेऽविणं सामी ! मम नागजन्नयंसि समोसरह, तते गं पडिबुद्धी पउमावतीए देवीए एयमहं पडि सुणेति, तते णं पउमावती पडिबुद्धिणा रन्ना अब्भणुन्नाया हट्ट० कोडुंबिय० सद्दावेति २ एवं वदासी- एवं खलु देवाणुप्पिया! मम कल्लं नागजन्नए भविस्सति तं तुब्भे मालागारे सद्दावेह २ एवं वदह-एवं खलु पउमावईए देवीए कल्लं नागजन्नए भविस्सइ तं तुभे णं देवाणुप्पिया ! जलथलय० दसद्धवन्नं मल्लं नागधरयंसि साहरह एगं च णं महं सिरिदामगंड उवणेह,
तणं जलथलय० दसद्धवत्रेणं मल्लेणं नानाविहभत्तिसुविरइयं हंसमियमउरकोंचसारसचक्कवायमयणसालकोइलकुलोववेयं ईहामियजावभत्तिचित्तं महग्घं महरिहं विपुलं पुप्फमंडवं विरह, तस्स णं बहुमज्झदेसभाए एगं महं सिरिदामगंडं जाव गंधद्धणि मुयंतं उल्लोयंसि ओलंबेह २ पउमावतिं देविं पडिवालेमाणा २ चिट्ठह, तते णं ते कोडुबिया जाव चिट्ठति, ततेणं सा पउमावती देवी कल्लं. कोडुंबिए एवं वदासी- खिप्पामेव भो देवाणुप्पिया ! सागेयं नगरं सब्मिंतर बाहिरियं आसितसम्मज्जितोवलित्तं जाव पञ्चप्पिणंति, तते गं सा पउमावती दोच्चंपि कोडुंबिय० खिप्पामेव लहुकरणत्तं जाव जुत्तामेव उवट्टवेह, तते णं तेऽवि तहेव उवट्ठावेति,
तते णं सा पउमावती अंती अंतेउरंसि व्हाया जाव धम्मियं जाणं दूरूढा, तए णं सा पउमावई नियगपरिवालसंपरिवुडा सागेयं नगरं मज्झंमज्झेणं निजति २ जेणेव पुक्खरणी तेणेव उवागच्छति २ पुक्खरणि ओगाहइ २ जलमज्जणं जाव परमसूइभूया उल्लपडसाडया जातिं तत्थ उप्पलातिं जाव गेण्हति २ जेणेव नागघरए तेणेव पहारेत्थ गमणाए,
तणं पभावतीए दासचेडीओ बहूओ पुप्फपडलगहत्थगयाओ धूवकडुच्छुगहत्थगयाओ पिट्ठतो समनुगच्छंति, तते णं पउमावती सव्विड्डिए जेणेव नागघरे तेणेव उवागच्छति २ नागघरयं अनुपविसति २ लोमहत्थगं जाव धूवं डगति २ पडिबुद्धिं पडिवालेमाणी २ चिट्ठति,
तते णं पडिबुद्धी पहाए हत्थिखंधवरगते सकोरंट जाव सेयवरचामराहिं हयगयरहजोहमहयाभडगचडकर पहकरेहिं साकेयनगरं० निग्गच्छति २ जेणेव नागधरे तेणेव उवागच्छति २ हत्थखंधाओ पचोरुहति २ आलोए पणामं करेइ २ पुप्फमंडवं अणुपविसति २ पासति तं एवं
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |