Page Text
________________
शतकं - ११, वर्ग:-, उद्देशक:-:
:-99
४५
वरकोउयमंगलोवयारकयसंतिकम्मं सरिसयाणं सरित्तयाणं सरिव्वयाणं सरिसलावन्नरूवजोव्वणगुणोववेयाणं विणीयाणं कयकोउयमंगलपायच्छित्ताणं सरिसएहिं रायकुलेहिंतो आणिल्लियाणं अट्ठण्हं रायवरकत्राणं एगदिवसेणं पाणिं गिण्हाविंसु ।
तणं तस्स महाबलस कुमारस्स अम्मापियरो अयमेयारूवं पीइदाणं दलयंति तं० - अट्ठ हिरनकोडीओ अट्ठ सुवनकोडीओ अट्ठ मउडे मउडप्पवरे अड्ड कुंडलजुए कुंडलजुयप्पवरे अट्ठ हारे हारप्पवरे अट्ठ अद्धहारे अद्धहारम्पवरे अट्ठएगावलीओ एगावलिप्पवराओ एवं मुत्तावलीओ एवं कणगावलीओ एवं रयणावलीओ अट्ठ कडगजोए कडगजोयप्पवरे एवं तुडियजोए अट्ठ खोमजुयलाई खोमजुयलप्पवरां एवं वडगजुयलाई एवं पट्टजुयलाई एवं दुगुल्लजुयलाई अट्ठ सिरीओ अट्ठ हिरीओ-एवं धिईओ कित्तीओ बुद्धीओ लच्छीओ अड्ड नंदाई अट्ठ भद्दाई अट्ठ तले तलप्पवरे सव्वरयणामए नियगवरभवणकेऊ अड्ड झए झयप्पवरे अट्ठ वये वयप्पवरे दसगोसाहस्सिएणं वएणं अट्ठ नाडगाई नाडगप्पवराई बत्तीसबद्धेणं नाडएणं अड्ड आसे आसप्पवरे सव्वरयणामए सिरिधरपडिरूवए अट्ठ हत्थी हत्थिप्पवरे सव्वरयणामए सिरिधरपडिरूवए अट्ठजाणाई जाणप्पवराई अट्ठ जुगाई जुगप्पवराई एवं सिवियाओ एवं संदमाणीओ एवं गिल्ली ओथिल्लीओ अड्ड वियडजाणाइं विusजाणपवराइं अट्ठरहे पारिजाणिए अट्टट्टरहे संगामिए अट्ठ आसे आसप्पवरे अड्ड हत्थी हत्थिष्पवरे अट्ठ गामे गामप्पवरे दसकुलसाहस्सिएणं गामेणं अट्ठ दासे दासप्पवरे एवं चेव दासीओ एवं किंकरे एवं कंचुइज्जे एवं वरिसधरे एवं महत्तरए ।
अट्ट सोवन्निए ओलंबणदीवे अट्ठ रुप्पामए ओलंबणदीवे अट्ठ सुवन्नरुप्पामए ओलंबणदीवे अट्ठसोवत्रिए उक्कं चणदीवे एवं चेव तिन्निवि अट्ठ सोवन्निए थाले अट्ठ रुप्पमए थाले अट्ठ सुवन्नरुप्पमए ताले अट्ठ सोवन्नियाओ पत्तीओ ३ अट्ठ सोवन्नियाई थासयाई ३ अट्ठ सोवन्नियाई मंगलाई ३ अट्ठ सोवन्नियाओ तलियाओ अट्ठ सोवन्नियाओ भिसियाओ अट्ठ सोवनियाओ करोडियाओ अट्ठ सोवन्निए पल्लेके अट्ठ सोवन्नियाओ पडिसेज्जाओ अट्ठ हंसासणाई अट्ठ कोंचासणाई एवं गरुलासणाई उन्नयासणाई पणयासणाई दीहासणाई भद्दासणाई पक्खासणाई मगरासणाई अट्ठ पउनास- णाई अट्ठ दिसासोवत्थियासणाई अड्ड तेल्लसमग्गे जहा रायप्पसेणइज्जे जाव अट्ठ सरिसवसमुग्गे अट्ठ खुजाओ जहा उववाइए जाव अट्ठ पारिसीओ अड्ड छत्ते अट्ठ छत्तधारिओ घेडीओ अट्ठ चामराओ अट्ट चामरधारीओ चेडीओ अट्ठ तालियंटे अट्ठ तालियंटधारीओ चेडीओ अट्ठ करोडियाधारीओ चेडीओ अट्ठ खीरधातीओ जाव अट्ठ अंकधातीओ - अट्ठ अंगमद्दियाओ अट्ठउम्मद्दियाओ अट्टहावियाओ अट्ट पसाहियाओ अट्ठ वन्नगपेसीओ अट्ठ चुनगपेसीओ अट्ट कोट्ठागारीओ अट्ठ दवकारीओ अड्ट्ठ दवकारीओ अट्ठ उवत्याणियाओ अट्ठ नाडइज्जाओ अट्ट कोडुंबिणीओ अट्ठ महाणसिणीओ अट्ट भंडागारिणीओ अट्ठ अज्झाधारिणीओ अट्ठ पुष्पधरणीओ अट्ठपाणिधरणीओ अट्ठ बलिकारीओ अट्ठ सेजाकारीओ अट्ठ अब्भितरियाओ पडिहारीओ अट्ट बाहिरियाओ पडिहारीओ अट्ट मालाकारीओ अट्ठ पेसणकारीओ अनं वा सुबुहं हिरनं वा सुवन्नं वा कंसं वा दूसं वा विउलधणकणगजावसंतसारसावएजं अलाहि जाव आसत्तमाओ कुलवंसाओ पकामं दाउं पकामं भोतुं पकामं परिभाए ं।
तए से महब्वले कुमारे एगमेगाए भज्जाए एगमेगं हिरन्नकोडिं दलयति एगमेगं सुवन्नकोडिं
For Private & Personal Use Only
www.jainelibrary.org
Jain Education International
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |