Page Text
________________
शतर्क- ९,
वर्ग:, उद्देशक:- ३१
४६१
बुज्झेज्जा, से तेणट्टेणं जाव नो बुज्झेजा ।
असोच्द्या णं भंते! केवलिस्स वा जाव तप्पक्खियउवासियाए वा केवलं मुंडे भविता आगाराओ अनगारियं पव्वज्जा ?, गोयमा ! असोचा णं केवलिस्स वा जाव उवासियाए वा अत्थेगतिए केवलं मुंडे भवित्ता आगाराओ अनगारियं पव्वज्जा अत्थेगतिए केवलं मुंडे भवित्ता अगाराओ अनगारियं नो पव्वएज्जा ।
सेकेणद्वेणं जाव नो पव्वज्जा ?, गोयमा ! जस्स णं धम्मंतराइयाणं कम्माणं खओवसे कडे भवति से णं असोचाकेवलिस्स वा जाव केवलं मुंडे भवित्ता अगाराओ अनगारियं पव्वएजा, जस्स णं धम्मंतराइयाणं कम्माणं खओवसमे नो कडे भवति से णं असोच्चाकेवलिस्स वा जाव मुंडे भवित्ता जाव नो पव्वज्जा, से तेणट्टेणं गोयमा ! जाव नो पव्वज्जा ।
असोचा णं भंते! केवलिस्स वा जाव उवासियाए वा केवलं बंभचेरवास आवसेज्जा ?, गोयमा ! असोचा णं केवलिस्स वा जाव उवासियाए वा अत्येगतिए केवलं बंभचेरवास आवसेज्जा अत्थेगतिए केवलं बंभचेरवासं नो आवसेज्जा, से केणट्टेणं भंते! एवं बुच्चइ जाव नो आवसेज्जा ?, गोयमा ! जस्स णं चरित्तावरणिज्जाणं कम्माणं खओवसमे कडे भवइ से णं असोच्चाकेवलिस्स वा जाव केवलं बंभचेरवासं आवसेजा, जस्स णं चरितावरणिजाणं कम्माणं खओवसमे नो कडे भवइ से णं असोच्चाकेवलिस्स वा जाव नो आवसेज्जा, से तेणट्टेणं जाव नो आवसेज्जा ।
असोचा णं भंते! केवलिस्स वा जाव केवलेणं संजमेणं संजमेजा ?, गोयमा ! असोचाणं केवलिस्स जाव उवासियाए वा जाव अत्थेगतिए केवलेणं संजमेणं संजमेज्जा अत्थेगतिए केवलेणं संजमेणं नो संजमेज्जा, से केणट्टेणं जाव नो संजमेजा ?, गोयमा ! जस्स णं जयणावरणिजाणं कम्माणं खओवसमे कडे भवइ से णं असोच्चा णं केवलिस्स वा जाव केवलेण संजमेणं संजमेञ्जा जस्स णं जयणावरणिज्जणं कम्माणं खओवसमे नो कडे भवइ से णं असोच्चाकेवलिस्स वा जाव नो संजमेज्जा, से तेणद्वेणं गोयमा ! जाव अत्थेगतिए नो संजमेजा ।
असोचाणं भंते! केवलिरस वा जाव उवासियाए वा केवलेणं संवरेणं संवरेजा ?, गोयमा असोचाणं केवलिस जाव अत्येगतिए केवलेणं संवरेणं संवरेज्जा अत्थेगतिए केवलेणं जाव नो संवरेज्जा, सेकेणट्टेणं जाव नो संवरेज्जा ?, गोयमा ! जस्स णं अज्झवसाणावरणिजाणं कम्माणं खओवसमे कडे भवइ से णं असोनाकेवलिस्स वा जाव केवलेणं संवरेणं संवरेज्जा, जस्स णं अज्झवसाणावर णिज्जाणं कम्माणं खओवसमे नो कडे भवइ से णं असोच्चाकेवलिस्स वा जाव नो संवरेजा, से तेणट्टेणं जाव नो संवरेजा ।
असोच्चा णं भंते! केवलिस्स जाव केवलं आभिनिबोहियनाणं उप्पाडेज्जा ?, गोयमा ! असोचाणं केवलिस्स वा जाव उवासियाए वा अत्थेगतिए केवलं आभिनिबोहियनाणं उप्पाडेजा अत्थेrइए केवलं आभिनिबोहियनाणं नो उप्पाडेज्जा, से केणट्टेणं जाब नो उप्पाडेज्जा ?, गोयमा जस्सणं आभिनिबोहियनाणावरणिज्जा णं कम्माणं खओवसमे कडे भवइ से णं असोच्चाकेवलिस्स वा जाव केवलं अभिनोबोहियनाणं उप्पाडेज्जा, जस्स णं आभिनिबोहियनाणं नो उप्पाडेज्जा से तेणट्टेणं जाव नो उप्पाडेज्जा ।
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |