Page Text
________________
२६८
दसपुरं उप्पन्न ।
तत्थ उप्पन्ना रक्खियज्जा। सो य रक्खिओ जं पिया से जाणति तं तत्थेव अधिजिओ, पच्छा घरे न तीरइ पढिडंति गतो पाडलिपुत्तं, तत्थ चत्तारि वेदे संगोवंगे अधीओ समत्तपारायणो साखापारओ जाओ, किं बहुना ?, चोद्दस विज्जाठाणाणि गहियाणि नेन, ताहे आगतो दसपुरं, ते य रायकुलसेवगा णज्जंति रायकुले, तेणं संविदितं रन्नो कयं जहा एमि, ताहे ऊसियपडागं नगरं कयं, राया सयमेव अम्मोगतियाए निग्गओ, दिट्ठो सक्कारिओ अग्गहारो य से दिन्नो, एवं सो नगरेण सव्वेण अहिनंदिज्जतो हत्थिखंधवरगओ अप्पणो घरे पत्तो, तत्थवि बाहिरब्धंतरिया परिसा आढाति, तंपि चंदणकलसादिसोभियं, तत्थ बाहिरियाए उवट्ठाणसालाए ठिओ, लोयस्स अग्धं पडिच्छइ, ताहे वयंसगा मित्ता य सव्वे आगए पेच्छइ, दिट्ठो परीयणेण य जणेण अग्घेण पज्रेण य पूइओ, घरं च से दुपयचउप्पयहिरण्णसुवण्णादिणा भरियं, ताहे चिंतेइ-अंमं न पेच्छामि, ताहे घरं अतियओ, मायरं अभिवादेइ, ताए भण्णइ-सागयं पुत्तत्ति ?, पुनरवि मज्झतथा चैव अच्छ, सो भणति - किं न अम्मो ! तुज्झ तुट्ठी ?, जेन मए एंतेन नगरं विम्हियं चोद्दसण्हं विज्जाठाणाणं आगमे कए, सा भणति कहं पुत्त ! मम तुट्टी भविस्सति ?, जेण तुमं बहूणं सत्ताणं वहकारणं अधिजिउमागओ,
संसारो वडज तेन कहं तुस्सामि ?, किं तुमं दिट्ठीवायं पढिउमागओ ?, पच्छा सो चिंतेइ - केत्तिओ वा सो होहिति ?, जामि पढामि, जेण माउएतुट्ठी भवति, किं मम लोगेणं तोसिएणं ?, ताहे भणति अम्मो ! कहिं सो दिट्ठिवाओ ?, सा भणति साहूणं दिट्ठिवाओ, ता सोनामस्स अक्खरत्थं चिंतेउमारद्धो- द्दष्टीनां वादो दृष्टिवादः, ताहे सो चिंतेइनामं चेव सुंदरं, जइ कोइ अज्झावेइ तो अज्झामि मायावि तोसिया भवउत्ति, ताहे भणइ कहिं ते दिट्टिवादजाणंतगा ?, सा भणइ - अम्ह उच्छुघरे तोसिलपुत्ता नाम आयरिया, सो भाइ-कल्लं अज्झामि मा तुज्झे उस्सुगा होही, ताहे सो रत्तिं दिट्ठिवायणामत्थं चिन्तंतो न चेव सुत्तो, बितियदिवसे अप्पभाए चेव पट्ठिओ, तस्स य पितिमित्तो बंभणो उवनगरगामे वसइ, तेन हिजो न दिट्ठओ, अज पेच्छामि च्छणंति च्छुलट्ठीओ गहाय एति नव पडिपुण्णाओ एगं च खंड, इमो य नीइ, सो पत्तो, को तुमं ?, अञ्जरक्खिओऽहं, ताहे सो तुट्ठो उवगूहइ, सागयं?, अहं तुझे दट्टुमागओ,
ताह सो भणति - अतीहि, अहं सरीरचिताए जामि, एयाओ य उच्छुलट्ठीओ अम्माए पणामिजासि भणिज् य दिट्ठो मए अज्जरक्खितो, अहमेव पढमं दिट्ठो, सा तुट्ठा चिंतेइ-मम पुत्तेण सुंदरं मंगलं दिट्ठ, नव पुव्वा घेत्तव्वा खंडं च सोऽवि चिंतेइ-मए दिट्ठिवादस्स नव अंगण अझयाणि वा घेत्तव्वाणि, दसमं न य सव्वं, ताहे गतो उच्छुघरे, तत्थ चिंतेइ - किह एमेव अतीमि ? गोहो जहा अयाणंतो, जो एएसि सावगो भविस्सइ तेन समं पविसामि,
पासे अच्छइ अल्लीणो तत्थ य ढड्डुरो नाम सावओ, से सरीरचिंतं काऊण पडिस्सयं वच्चइ, ता तेन दूरट्ठिएण तिनि निसीहिआओ कताओ, एवं सो इरियादी ढहरेणं सरेणं करेइ, सो पुण मेहावी तं अवधारेइ, सोऽवि तेणेव कमेण उवगतो, सव्वेसिं साहूणं वंदनयं कयं, सो सावगो न वंदितो, ताहे आयरिएहिं नातं - एस नवसड्डो, पच्छा पुच्छइ-कतो धम्माहिगमो ?,
Jain Education International
For Private & Personal Use Only
www.jainelibrary.org
आवश्यक मूलसूत्रम् - १
| SR No. | 003328 |
| Book Title | Agam Suttani Satikam Part 24 Aavashyaka |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 452 |
| Language | Prakrit, Sanskrit |
| Classification | Book_Devnagari, Agam, Canon, & agam_aavashyak |
| File Size | 24 MB |