Page Text
________________
१०६
आवश्यक मूलसूत्रम्-१
घोषणमिति गाथार्थः ।। भावार्थस्तु कथानकादवसेयः, तच्चेदम्-सा य मरुदेवा नवण्हं मासाणं बहुपडिपुण्णाणं अट्ठमाणय राइंदियाणं बहुवीइक्वंताणं अद्धरत्तकालसमयंसि चित्तबहुलट्ठमीए उत्तरसाढानक्खत्ते आरोग्गा आरोग्गं दारयं पयाया, जायमाणेसु य तित्थयरेसु सव्वलोए उज्जोओ भवति, तित्थयरमायरो य पच्छण्णगब्भाओ भवंति जरारुहिरकलमलाणि य न हवंति, ततो जाते तिलोयणाहे अहोलोयवस्थव्वाओ अट्ठ दिसाकुमारीओ, तं जहा
भोगंकरा भोगवती, सुभोगा भोगमालिनी।
सुवच्छा वच्छमित्ता य, पुप्फमाला अनिंदिया । एयासिं आसनानि चलंति, ततो भगवं उसहसामिं ओहिणा जायं आभोएऊण दिव्वेण जाणविमाणेण सिग्घमागंतूण तित्थयरं तित्थयरजननिं च मरुदेविं अभिवंदिऊण संलवंतिनमोऽत्यु ते जगप्पईवदाईंए!, अम्हे णं देवाणुप्पिए ! अहोलोयवत्थव्वाओ अट्ठ दिसाकुमारीओ भगवओ तित्थगरस्स जम्मणमहिमं करेमो तं तुब्भेहि न भाइयव्वंति, ततो तंमि पदेसे अनेगखंभसयसंनिविढं जम्मणभवणं विउव्विऊण संवट्टगपवणं विउव्वंति, ततो तस्स भगवंतस्स जम्मणभवणस्स आ जोयणं सव्वतो समंता तणकट्ठकंटककक्करसक्कराइ तमाहुणिय आहुणिय एगते पक्खिवंति, ततो खिप्पमेव पच्चुवसमंति, ततो भगवतो तित्थगरस्स जननीसहिअस्स पणामं काऊण नाइदूरे निविट्ठाओ परिगायमाणीओ चिट्ठति । तओ उड्डलोगवत्थव्वाओ अट्ठ दिसाकुमारीओ, तं जहा -
__ मेघंकरा मेघवती, सुमेघा मेघमालिनी ।
तोयधारा विचित्ता य, वारिसेना वलाहया ॥ एयाओऽवि तेनेव विहिणा आगंतूण अब्भवलयं विउव्वित्ता आजोयणं भगवओ जम्मणभवणस्स णच्चोदयं णाइमट्टियं पफुसियपविरलं रयरेणुविनासणं सुरभिगंधोदयवासं वासित्ता पुप्फवद्दलयं विउव्वित्ता जलथलयभासरप्पभूयस्स विंटट्ठाइस्स दसद्धवण्णस्स कुसुमस्स जाणुस्सेधपमामेत्तं पुप्फवासं वासंति, तं चेव जाव आगायमाणीओ चिट्ठति। तओ पुरच्छिमरुयगवत्थव्वाओ अट्ट दिसाकुमारिसामिणीओ, तं जहा
नंदुत्तरा य नंदा आनंदा नंदिबद्धणा चेव ।
विजया य वेजयंती जयंति अवराजिया चेव ।। तहेवागंतूण जाव न तुब्भेहिं बीहियव्यंति भणिऊण भगवओ तित्थगरस्स जननिसहिअस्स पुरिच्छिमेणं आवंसगहत्थिआओ आगायमाणीओ चिटुंति । एवं दाहिणरुयगवत्थव्वाओ अट्ठ, तं जहा
समाहारा सुप्पदिन्ना, सुप्पबुद्धा जसोहरा ।
लच्छिमती भोगवती, चित्तगुत्ता वसुंधरा ।। तहेवागंतूण जाव भुवगणाणदजणणस्स जणणिसहिअस्स दाहिणेणं भिंगारहत्थगयाओ आगायमाणीओ चिट्ठति । एवं पच्छिमरुयगवत्थव्वाओऽवि अट्ट, तं जहा
इलादेवी सुरादेवी, पुहवी पउमावती । एगनासा नवमिआ, सीया भद्दा य अट्ठमा ।
For Private & Personal Use Only
Jain Education International
www.jainelibrary.org
| SR No. | 003328 |
| Book Title | Agam Suttani Satikam Part 24 Aavashyaka |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 452 |
| Language | Prakrit, Sanskrit |
| Classification | Book_Devnagari, Agam, Canon, & agam_aavashyak |
| File Size | 24 MB |