Page Text
________________
दशा- १०, मूलं - १०४, [नि- १४४]
८५
जाव किं ? ते आसगस्स सदति, तीसेणं तहप्पगाराए इत्थियाए तहारूवे समणे माहणे वा उभय कालं केवलिपन्नत्तं धम्मं आइक्खेज्जा ? सा णं भंते पडिसुणेज्जा ? नो इणट्टे समत्थे, अभविया णं सा तस्स धम्मस्स सवणयाए सा च भवति महिच्छा महारंभा महा-परिग्गहा अहम्मिया जाव दाहिणगामिए नेरइए आगमिस्साए दुल्लभबोहियावि भवति । एवं खलु समणाउसो ! तस्स निदानस्स इमेयारूवे पाव-कम्म-फलविवागं जं नो संचाएति केवलिपन्नत्तं धम्मं पडिसुणेत्तए ।
मू. (१०५) एवं खलु समणाउसो ! मए धम्मे पन्नत्ते इणमेव निग्गंथे पावयणे तह चेवं जस्स णं धम्मस्स नग्गंथे सिक्खाए उवट्ठिते विहरमाणे पुरादिगिच्छाए जाव से य परक्कममाणे पासेज्जा इमा इत्यिका भवति एगा एगाजाता एगा जाव किं ? ते आसगस्स सदति ? जं पासित्ता निग्गंधे निदानं करेति दुक्खं खलु पुमत्तणए जे इमे उग्गपुत्ता महामाउया भोगपुत्ता महामाउया एतेसिं णं अन्नतरेसु उच्चावएसु महासमरसंगमेसु उच्चावयाइं सत्थाई उरसि चेव पडिसंवेदेन्ति, तं दुक्खं खलु पुमणत्तए इत्थित्तणयं साहू । जइ इमस्स तवनियमबंभचेरवासस्स फलवित्तिविसेसे अत्थि ? वयमवि आगमेस्साणं जाव से तं साधू । एवं खलु समणाउसो ! निग्गंथे निदानं किच्चा तस्स ट्ठाणस्स अनालोइयअपडिक्कंते कालमासे कालं किच्चा अन्नतरेसु जाव से णं तत्थ देवे भवति महिड्डीए जाव विहरति । सेणं देवे ततो देवलोगाओ आउक्खएणं जाव अन्नत्तरंसि कुलंसि दारियत्ताए पच्चायाति जाव तेणं तं दारियं जाव भारियत्ताए दलयन्ति सा णं तस्स भारिया भवति एगा एगजाता जाव तहेव सव्वं भाणियव्वं तीसे णं अतिजायमाणीए वा जाव किं ? ते आसगस्स सदति । तीसे णं तहप्पगाराए इत्थिकाए तहारूवे समणे वा माहणे वा जाव णं पडिसुणेज्जा ? नो इणट्ठे समट्टे, अभविया णं सा तस्स धम्मस्स सवणताए, सा य भवति महिच्छा जाव दाहिणगामिए नेरइए आगमेस्साणं दुल्लभबोहियावि भवति तं एवं खलु समणाउसो ! तस्स निदानस्स इमेतारूवे पावते फलविवागे भवति जं नो संचाएति केवलिपन्नत्तं धम्मं पडिसुणेत्तए ॥
मू. (१०६) एवं खलु समणाउसो ! मए धम्मे पन्नत्ते इणमेव निग्गंथे पावयणे सेसं तं चैव जाव जस्स धम्मस्स निग्गंथी सिक्खाए उवट्ठिता विहरमाणी पुरा दिगिच्छाए पुरा जाव उदिन्नकामजातायावि विहरेज्जा, साय परक्कमेज्जा साय परक्कममाणी पासेज्जा से जे इमे उग्गपुत्ता महामाउया भोगपुत्ता महामाउया जाव किं ? ते आसगस्स सदति ? जं पासित्ताणि निग्गंथी निदानं करेत्ति दुक्खं खलु इत्थित्तणए दुरसंचाराइं गामंतराइं जाव सन्निवेसंतराई । से जहा ता मए अंबपेसियाति वा अंबाडगपेसियाति वा मंसपेसियाति वा उच्छुखंडयाति वा संबलिफालियाति वा बहुजनस्स आसायणिज्जा पत्थणिज्जा पीहणिज्जा अभिलसणिज्जा एवामेव इत्थिकायि बहुजनस्स आसायणिज्जा तं दुक्खं खलु इत्थित्तणए पुमत्तणा; साहू, जइ इमस्स तवनियमस्स जाव साहू । एवं खलु समणाउसो! निग्गंधी निदानं किच्चा तस्स द्वाणस्स अनालोइय अपडिक्कंता कालमासे कालं किच्चा अन्नत्तरेसु देवत्ताए उववत्तारा भवति, सेणं तत्थ देवे भवति महिड्डिए जाव चइत्ता जे इमे उग्गपुत्ता तहेव दारए जाव किं ? ते आसगस्स सदति ? तस्स णं तधप्पगारस्स पुरिसजा-तस्स जाव अभविएणं से तस्स धम्मस्स सवणताए से य भवति महिच्छाए जाव दाहिणगामिए जाव दुल्लभबोहिए यावि भवति एवं खलु जाव पडिसुणेत्तए ।
मू. (१०७) एवं खलु समणाउसो ! मए धम्मे पन्नत्ते, इणमेव निग्गंथे पावयणं तहेव जस्स णं
Jain Education International
For Private & Personal Use Only
www.jainelibrary.org
| SR No. | 003327 |
| Book Title | Agam Suttani Satikam Part 23 Dashashrutskandh Aadi 3agams |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 292 |
| Language | Prakrit, Sanskrit |
| Classification | Book_Devnagari, Agam, Canon, agam_dashashrutaskandh, agam_jitkalpa, & agam_mahanishith |
| File Size | 6 MB |