________________
दशा-४, मूलं- ५, [नि ३१]
२१
अक्वेक्वेअट्ठभंगा । आयारसंपन्ने सुयसंपन्ने सरीरसंपन्ने वयणसंपन्ने सोलसभंगा एवं सत्तरि चउक्का संजोगा कायव्वा । सवत्थ सोलसभंगा । छप्पन्नं पंच संजोगा, सव्वत्थ बत्तसीं बतीसं भंगा । अट्ठावीसं छक्कसंजोगो । सव्वट्ठ चउसट्टिभंगा । अट्ठसंजोगा सव्वत्थ अट्ठावीसुत्तरं २ भंगसतं । एक्को अट्ठसंजोगो तत्थ बे सताणि छप्पन्नाणि भवंति । एत्थ पढमो अट्ठभंगो पसत्थो ।
मू. (६) से किं तं आयारसंपदा चउविहा पन्नत्ता तं जहा संयम धुवयोगजुत्ते यावि भवति असंगहियप्पा अनियत्तवित्ती वुड्ढसीले यावि भवति से तं आयार- संपदा ।
चू. आयारसंपदा चउव्विधा-संजयधुवजोगजुत्तेयावि भवति, पडिलेहणपप्फोडणादिसु, सतरस्सप्पगारो वा संजमो सो दुविधो, बाहिरो अब्भितरो य । बाहिरो चोद्दसविधो । अब्भितरो मनवयणकायजोगो ३ एतेसु धुवो जोगो जस्स नित्योपयोगो वा । चशब्दाद् नाणादीसु व नित्योपयोगः । अधिग्रहणात् परंपि योजयति, संजमधूवजोगेण जुत्तो जस्स अप्पा, स भवति, संजमधुवजोगत्तो। असंपग्गहितप्पति- अनुत्सेकः । अहमाचार्यो बहुश्रुतस्तपस्वी वा सामायारिकुसलो वा । जात्यादिमदेहि वा । अम्मत्त अनितवत्तित्ति गामे एगरातिरू नगरे पंचरातिरू अन्न अन्नाए भिक्खयरियाए अडति गिहं वा निकेतं, तं जस्स नत्थि सो अनिकेतो अगृह इत्यर्थः चउत्थादीहि वा एषणाविसेसेहि वा जतति विसुद्धसीलो निहुतसीलो, अबालसीलो अचंचलसीलो मज्झत्थसील इत्यर्थः । एतेसिंपि चउण्हं पदाणं दुगतिगचउसंजोगा भाणियव्वा । अपिग्रहणाद् वुड्डसीलो तरुणसीलो जंकिं चि कातव्वे संजमाहिं कारिके गिलाणादिसु वा तप्पति । तस्सायारसंपन्नस्स सुतं दिज्जति
मू. (७) से किं तं सुयं-संपदा ? चउव्विहा पं० तं बहुसुते यावि भवइ, परिचियसुते यावि भवति विचित्तसुये यावि भवइ घोसविशुद्धिकरे यावि भवइ से तं सुयंसंपदा ।
चू. सा सुत्तस्संपदा चउव्विधा- बहुस्सुते या विभवति । बहुस्सुतो जुगे जुगे पहाणो सुतेण, अहवा बहुस्सुतो अब्भितरबाहिरएहि चशब्दाद् बहुचारित्ती अपिशब्दाद् बहुपरियाए जहन्नेण पंचवरिसो, उक्कोसेणं एगूनवीसो, परियागं प्रति परिजितसुतणेतसणासमिता विचित्तसुत्तो-बहूहिं परियाएहिं जाणति अत्थेन वा विचित्तं सुत्तं । अहवा ससमयपरसमएहिं उस्सग्गाववातेहिं वा । उक्तं च- चित्रं बहुर्थयुक्तं ते घोषा ओदात्तादी, तेहिं घोषानामेव विशुद्धी घोसविसुद्धी, घोसहिं वा जस्स सुद्धं सुतं सो परस्सवि घोसविसुद्धि करेति । एत्थवि दुगतिगचउक्कसंजोगा विभासियव्वा ।
मू. (८) से किं तं सरीरसंपदा ? चउव्विहा पं० तं० आरोहपरिन्नाहसंपन्ने यावि भवति, अनोतप्पसरीरे थिरसंघयणे बहुपडिपुन्नेदिए यावि भवइ, से तं सरीरसंपदा ।
चू. से किं तं सरीरसंपदा सुत्तं-आरोहो दीर्घत्वं परिणाहोवि तत्तितो चेव । यत्राकृतिस्तत्र गुणा वसन्ति । अनोतप्पसरीरे, त्रपूषलज्जायां न हीनसरीरो अलज्जणिज्जसरीरो । थिरसंघयणो दढसंघयणो बलितसरीर इत्यर्थः । बहुपडिपुन्निदिओ-संपुन्निदओ न काणो बहिरो वा, एत्थ दुगादिसंजोगा तहेव -
मू. (९) से किं तं वयण-संपदा ? चउव्विहा पं० तं- आदिज्जवयणे यावि भवइ, महुरवयणे यावि भवइ, अनिसियवयणे यावि भवइ, फुडवयणे यावि भवइ, से तं वयणसंपदा ।
चू. से किं तं वयणसंपया सुत्तं -वचनसंपदा वचनोपेतता इत्यार्थः । आदिज्जवयणो ग्राह्यवाक्य अर्थावगाढं वा मधुरं अपरुषवोक्यः । खीरासवादिलद्धिजुत्तो वा । निस्सितं कहं ? निस्सितो जधा कोवनिस्सितो | अहवा रागदोसादीहिं णिस्सितो। असंदिद्धभासां सव्वभासाविसारदः सुहं
Jain Education International
For Private & Personal Use Only
www.jainelibrary.org