Page Text
________________
अध्ययनं : ४, उद्देशक :
जुत्तीए गोयमा कहं सड्डगस्स वारयस्सेरिसो सामत्थो जो णं तु सच्छंदत्ताए महानुभावाणं सुसाहूणं अवन्नवायं भासे तेनं सङ्घगेणं हरिवसं-तिलय-मरगयच्छविणो बावीसइ-धम्म-तित्थयर - अरिट्ठनेमि नामस्स सासे वंदन-वत्तियाए गहणं आयारंगं अनंत-गमपज्जवेहिं पत्रविज्रमाणं समवधारियं तत्थ य छत्तीसं आयारे पन्नविज्जंति तेसिं च णं जे केइ साहू वा साहुणी वा अन्नयरमायारमइक्कमेजा से णं गारत्थीहिं उवमेयं अहन्नहा समनुट्ठे वाऽऽयरेज्जा वा पन्नवेज्जा वा तओ णं अनंत-संसारी भवेजाता गोयमा जेणं मुहनंतगं अहिगं परिग्गहियं तस्स ताव पंचम महव्वयस्स भंगो जेणं तु इत्थीए अंगोवगाई निज्झाइऊण नालोइयं तेनं तु बंभचेरगुत्ती विराहिया तव्विंराहणेणं जहा एगदेसदड्डो पडो दड्ढो भन्नइ तहा चउत्थ-महव्वयं भग्गं जेणं य सहत्येणुष्पाडिऊणादिन्ना भूइं पडिसाहिया तेनं तु तइय-महव्वयं भग्गं जे न य अनुग्गओ वि सूरिओ उग्गओ भणिओ तस्स य बीय-वयं भग्गं जेणं उ न अफासुगोदगेण अच्छीणि पहोयाणि तहा अविहीए पहथंडिल्लाणं संकमणं कयं बीयं कायं च अक्कंतं वासा-कप्पस्स अंचलग्गेणं हरियं संघट्टियं विज्जूए फूसिओ मुहनंतगेणं अजयणाए फडफडस्स वाउक्कायमुदीरियं ते णं तु पढम-वयं भग्गं तब्भंगे पंचण्हे पि महव्वयाणं भंगो कओ ता गोयमा आगमजुत्ती एते कुसीला साहुणो जे इ णं उत्तरगुणाणं पि भंगं न इटुं किं पुन जं मूलगुणा से भयवंता एनाएणं वियारिऊणं महव्वए घेतव्वे गोयमा इमे अट्ठे समट्ठे से भयवं के णं अट्टेणं गोयमा सुमने इ वा सुसावए इ वा न तइयं भेयंतरं अहवा जहोवइवं सुसमणत्तमनुपालिया अहाणं जहोवइ सुसावगत्तमनुपालिया नो समणो सुसमणत्तमइयरेज्जानो सावए सावगत्तमइयरेज्जा निरइयारं वयं पसंसे तमेव य समनुट्ठे नवरं जे समणधम्मे से णं अच्चंत घोर दुच्चरे तेनं असेसकम्मक्खयं जहन्नेणं पि अट्टं भवब्धंतरे मोक्खो इयरेणं तु सुद्धेणं देव-गई सुमानुसतं वा सायपरंपरेणं मोक्खो नवरं पुणो वि तं संजमाओ ता जे से समण-धम्मे से अवियारे सुवियारे पन्न वियारे तह त्ति मनुपालिया उवासगाणं पुन सहस्साणि विधाने जो जं परिवाले तस्साइयारं च न भवे तमेव गिण्हे ।
१८७
मू. (६८३) से भयवं सो उन नाइल सड्डगो कहिं समुप्पन्नो गोयमा सिद्धीए से भयवं कहं गोयमा ते णं महानुभागेणं तेसिं कुसीलाणं संसग्गि नितुट्ठेउणं तीए चेव बहु सावय-तरु-संडसंकुलाए घोर-कंताराडवीए संव्व-पाव - कलिमल-कलंक - विप्पमुक्क तित्थयर-वयणं परमहियं सुदुल्लहं भवसए पि त्ति कलिऊणं अच्चंत विसुद्धासएणं फासुद्देसम्मि निप्पडिकम्मं निरइयारं पडिवन्नं पडिवन्नं पायवोगमनमनसनं ति अहन्नया तेमेव पएसेणं विहरमाणो समागओ तित्थयरो अरिट्ठनेमी तस्स य अनुग्गहट्ठाए तेने य अचलिय-सत्तो भव्वसत्तो त्ति काऊणं उत्तिमट्ठ-पसाहणी कया साइसया देसना तमायन्नमाणो सजल-जलहर - निनाय - देव-दुंदुही-निग्घोसं तित्थयर-भारइं सुहज्झवसायमपरो आरूढो-खवग-सेढीए अउव्वकरणेणं अंतगड- केवली- जाओ एते णं अट्ठेणं एवं वुच्चइ जहा णं गोमा सिद्धीता गोयमा कुसील संसग्गीए विप्पहियाए एवइयं अंतरं भवइ त्ति ।
अध्ययनं ४ - समाप्तम्
0-x-0-x-0
मू. (अत्र चतुर्थाध्ययने बहवः सैद्धान्तिकाः केचिदालापकान् न सम्यक् श्रद्दधत्येव तैर श्रद्धानेरस्माकमपि न सम्यक् श्रद्धानं इत्याह हरिभद्रसूरिः न पुनः सर्वमेवेदं चतुर्थाध्ययनं अन्यानि वा अध्ययनानि अस्यैव कतिपयैः परिमितैराला
Jain Education International
For Private & Personal Use Only
www.jainelibrary.org
| SR No. | 003327 |
| Book Title | Agam Suttani Satikam Part 23 Dashashrutskandh Aadi 3agams |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 292 |
| Language | Prakrit, Sanskrit |
| Classification | Book_Devnagari, Agam, Canon, agam_dashashrutaskandh, agam_jitkalpa, & agam_mahanishith |
| File Size | 6 MB |