Page Text
________________
अध्ययनं : ३, उद्देशक :
थिर-परिचियं -काऊणं तओ इरियावहियं अज्झीए ।
मू. (५९३) से भयवं कयराए विहीए तं इरियावहियमहिए गोयमा जहा णं पंचमंगलमहासुखंधं ।
मू. (५९४) से भयवं इरियावहियमहिजित्ताणं तओ किमहिज्जे गोयमा सक्कत्थयाइयं चेइयवंदनविहाणं नवरं सक्कत्थयं एगट्ठम-बत्तीसाए आयंबिलेहिं अरहंतत्थयं एगेणं चउत्थेणं तिहिं आयंबिलेहिं चउवीसत्थयं एगेणं छट्टेणं एगेणं य चउत्थेणं पणुवीसाए आयंबिलेहिं नाणत्थयं एगेणं चउत्थेणं पंचहिं आयंबिलेहिं एवं सर-वंजन-मत्ता बिंदु पयच्छेय-पयक्खर - विसुद्धं अविच्चा-मेलियं अहीएत्ता गोयमा तओ कसिणं सुत्तत्थं विन्नेयं जत्थ य संदेहं भवेज्जा तं पुणो पुणो वीमंसिय नीसंकमवधारेऊणं नीसंदेहं करेजा ।
१७३
मू. (५९५) एवं सं सुत्तत्थोभयत्तगं चिइ-वंदना-विहाणं अहिज्जेत्ता णं तओ सुपसत्थे सोहणे तिहि-करण-मुहुत्त - नक्खत्त-जोग- लग्ग-ससी-बले जहा सत्तीए जग-गुरूणं संपाइय-पूओवयारेणं पडिलाहियसाहुवग्गेण य भत्तिब्भरनिब्भरेणं रोमंच-कंचुपुलइज्जमाणतनू सहरिसविसट्ट वयणारविदेणं सद्धा-संवेग-विवेग-परम-वेरग्ग-मूलं विणिहय-घनराग-दोस-मोह-मिच्छत्त-मलकलंकेण सुविसुद्ध - सुनिम्मल-विमल- सुभ-सुभ-यरऽनुसमय- सुमल्लसंत-सुपसत्थज्झवसाय-गएणं भुवणगुरु-जिनयंद पडिमा विनिवेसिय-नयन-मानसेणं अनन्न- मानसेगग्ग-चित्तयांए य धन्नो हं पुन्नो हं ति जिन-वंदनाइ - सहलीकयजम्मो त्ति इइ मन्नमाणेणं विरइय-कर-कमलंजलिणा हरिय-तणबीय जंतु - विरहिय-भूमीएनिहिओभय-जाणुणा सुपरिफुड-सुविइय-नीसंक जहत्य-सुत्तत्थोभयं पए पए भावेमाणेणं दढचरित्त-समयन्नु अप्पमायाइ- अनेग-गुण-संपओववेएणं गुरुणा सद्धि साहुसाहुणिसाहम्मिय असेस - बंधु-परिवग्ग-परियरिएणं चेव पढमं चेइए वंदियव्वे तयनंतरं च गुणडेय साहुणो य तहा साहिम्मय -जणस्स णं जहा- सत्तीए पणावाए जाए णं सुमहग्घ मउय- चोक्खवत्थ-पयाणाइणा वा महासम्मणो कायव्वों एयावसरम्मि सुविइय-समय-सारेण गुरुणा पबंधेणं अक्खेव - विक्खेवाइएहिं पबंधेहिं संसार-निव्वेय-जणणि सद्धा संवेगुप्पायगं धम्म-देसणं कायव्वं ।
मू. (५९६) तओ परम-सद्धा-संवेगपरं नाऊणं आजम्माभिग्गहं च दायव्वं जहा णं सहलीकयसुद्ध-मनुय भव भो भो देवानुप्पिया तए अज्जप्पभितीए जावज्जीवंति-कालियं अनुदिनं अनुलावलेगग्गचित्तेणं चेइए वंदेयव्वे इणमेव भो मनुयत्ताओ असुइ- असासय-खणभंगुराओ सारं ति तत्थ पुव्वण्हे ताव उदग-पानं न कायव्वं जाव चेइए साहू य न वंदिए तहा मज्झण्हे ताव असनकिरियं न कायव्वं जाव चेइए न वंदिए तहा अवरण्हे चैव तहा कायव्वं जहा अवंदिएहिं चेइएहिं नो संझायालमइक्कमेजा।
मू. (५९७) एवं चाभिग्गहबंधं काऊणं जावज्जीवाए ताहे य गोयमा इमाए चेव विज्जा ए अहिमंतियाओ सत्त-गंध-मुट्ठीओ तस्सुतमंगे नित्थारग पारगो भवेज्जासि त्ति उच्चारेमाणेणं गुरुणा धेतव्वाओ अओम् नम्ओ भगवओ अरहओ इज्झ उ म्ए भगवती महा विज् ज् आ व्ई एम हुआ व्ई एजय व् ईर् एस् एण्अ व्ई र् एवद्धम् आ ण व् ई इ ए जय् अंत्ए अप आ ज्इए स् व् आ हा (ओम् नमो भगवओ अरहओ सिज्झउ मे भगवती महाविज्जा वीरे महावीरे जयवीरे सेणवीरे वद्धमाणवीरे जयंते अपराजिए स्वाहा) उपचारो चउत्थभत्तेणं साहिज्जइ एयाए
Jain Education International
For Private & Personal Use Only
www.jainelibrary.org
| SR No. | 003327 |
| Book Title | Agam Suttani Satikam Part 23 Dashashrutskandh Aadi 3agams |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 292 |
| Language | Prakrit, Sanskrit |
| Classification | Book_Devnagari, Agam, Canon, agam_dashashrutaskandh, agam_jitkalpa, & agam_mahanishith |
| File Size | 6 MB |