________________
१६४
महानिशीथ - छेदसूत्रम् -३/-/४९४
- एवमेते इत्थी पुरिस-नपुंस-सलिंग - अन्नलिंग-गिहिलिंग- पत्तेय बुद्ध-बुद्ध बोहिय-जाव णं कम्म-क्खय-सिद्धा य भेदेहि णं अनेगहा पन्नविजंति तहा - अट्ठारस- सीलंग-सहस्साहिट्ठिय-तनू छत्तीसइविहमायारं जह-ट्ठियम- गिलाए-महन्निसाणुसमयं आयरंति पवत्तयंति त्ति आयरिया परमप्पणय हियमायरंति त्ति आयरिया भव्व सत्त-सीस-गणाणं वा हियमायरंति आयरिया पानपरिच्चाए विउ पुढवादीणं समारंभं नायरंति नायरंभंति नानुजाणंति वा आयरिया सुमहावरद्धे वि न करसई मनसा वि पावमायरंति त्ति वा आयरिया एवमेते नाम-ठवणादीहिं अनेगहा पन्नविजंति तहा- सुसंडासव-दारे-मनो- वइ - काय जोगत्त उवउत्ते विहिणा सर- वंजण-मत्ता-बिंदु-पयक्खरविसुद्ध दुवालसंग-सुय-नाणज्झयण- ज्झावणेणं परमप्पणो य मोक्खेवायं ज्झायंति त्ति उवज्झए थिर-परिचियमनंत-गम-पज्जवत्थेहिं वा दुवालसंगं सुयनाणं चिंतंति अनुसरंति एगग्ग-मानसा झायंति त्ति वा उवज्झाए एवमेते हि अनेगहा पन्नविनंति तहा-अच्चंत कट्ठ- उग्गुग्गयर-घोरतवचरणाइ- अनेगवय-नियमोववास-नानाभिग्गह-विसेस-संजम - परिवालण-सम्पं- परिसहोव-सग्गाहियासणेणं सव्व- दुक्खविमोक्खं मोक्खं साहयंति त्ति साहवो अयमेव इमाए चूलाए भाविज्जइ एतेसिं नमोक्कारो
- एसो पंच नमोक्कारो किं करेजा, सव्वं पावं नाणावरणीयादि-कम्म-विसेसं तं पयरिसेणं दिसोदिसं नासयइ सव्व - पाव-प्पणासणो एस चूलाए पढमो उद्देसओ एसो पंच नमोक्कारो सव्वपावप्पणासणो किं विहेउ मंगो निव्वाण- सुह-साहणेक्क-खमो सम्म द्दंसणाइ आराहओ अहिंसा - लक्खणो धम्मो तं मे लाएज्जा त्ति मंगल ममं भवाओ संसारओ गलेज्जा तारेज्जा वा मंगलं बद्ध-पुट्ठनिकाइयपगार - कम्म- रासि मे गालेज्जा विलेज्जे त्ति वा मंगलं एएसिं मंगलाणं अन्नेसिं च मंगलाणं सव्वेसिं किं पढमं आदीए अरहंताईणं थुई चेव हवइ मंगलं एस समासत्थो वित्थरत्थं तु इमं तं जहा ते णं काले णं ते णं समए णं गोयमा जे केइ पुव्विं वावन्निय-सद्दत्ते अरहंते भगवंते धम्म- तित्थकरे भवेज्जा से णं परमपुज्जाणं पि पुज्जयरे भवेज्जा जओ णं ते सव्वे वि एयलक्खण-समन्निए भवेज्जा तं जहा-अचिंत - अप्पमेय-निरुवमाणन्नसरिस-पवर- वरुत्तम - गुणोहाहिट्ठियत्तेणं तिण्हं पि लोगाणं संजणिय- गरुय-महंत-मानसानंदे तहा य जम्मतंतर-संचिय-गरुय - पुत्र- पब्भार-संविढत्त-तित्थयरनाम - कम्मोदएणं दीहर- गिम्हायव-संताव- किलंत - सिहि उलाणं वा पढम- पाउस धारा-भर- वरिसंतघण-संघायमिव परम-हिओवएस-पयाणाइणा घण-राग-दोस- मोह-मिच्छत्ताविरति पमाय-दुट्ठकिलिट्ठज्झवसायाइ- समज्जियासुह-घोर-पावकम्मायव-संतावस्स निन्नासगे भव्व-सत्ताणं अनेगजम्मंतर - संविदत्त - गुरु-पुत्र-पब्भाराइसय-बलेणं समज्जियाउल बल-वीरिए सरियं-सत्तं-परक्कमाहिट्ठियतनू सुकंत- दित्त- चारु-पायंगुट्ठग्ग-रूवाइसएणं सयलगह-नक्खत्त- चंदपंतीणं सूरिए इव पयड पयाव-दस- दिसि पयास - विप्फुरंत-किरण- पब्भारेण नियतेयसा विच्छायगे सयल सविज्जाहरनरामराणं सदेव-दानविंदाणं सुरलोगाणं सोहग्ग-कंति-दित्ति लावन्न रूव-समुदय - सिरिए साहावियकम्मक्खय-जनिय-दिव्वकय-पवर-निरुवमाणन्न सरिसविसेस साइसयाइ-सयसयल कला-कलाव
विच्छड्डु-परिदंसणेणं
भवनवइ-वानमंतर-जोइस-वेमाणियाहमिंद-सईदच्छरा - सकिन्नर - नर- विज्जाहरस्स ससुरा - सुरसा विणं जगस्स अहो अहो अहो अज अदिट्ठपुव्वं दिट्ठमम्हेहिं इणमो सविसेसाउल-महंताचिंत
Jain Education International
For Private & Personal Use Only
www.jainelibrary.org
--