________________
१६०
महानिशीथ-छेदसूत्रम् -३/-/४७६
मू. (४७६) संगोवंग-सुथस्सेयं नीसंदं तत्तं-परं।
महा-निहिव्व अविहीए गिण्हते णं छलिज्जए। मू. (४७७) अहवा सव्वाई सेयाइंबहु-विग्घाई भवंति उ ।
सेयाण परं सेयं सुयक्खंधं निविग्धं ॥ मू. (४७८) जे धन्ने पुन्ने महानुभागे से वाइया।
से भयवं केरिसंतेसिं कुसीलादीण लक्खणं॥
सम्मं विनायजेणं तु सव्वहा ते विवजए। मू. (४७९) गोयमा सामनओ तेसिं लक्खणमेयं निबोधय।
जे नच्चा तेसि संसग्गी सव्वहा परिवज्जए॥ मू. (४८०) कुसीले ताव दुस्सयहा ओसने दुविहे मुणे।
पसत्थे नाणमादीणं सबले बाइसई विहे ॥ मू. (४८१) तत्थ जे ते उ दुसयहा उ वोच्छंतो ताव गोयमा।
कुसीले जेसिं संसग्गीदोसेणं भस्सई मुनी खणा ।। मू. (४८२)तत्थी कुसीले ताव समासओ दुविहे नेए-परंपर-कुसीले य अपरंपर-कुसीले य तत्थ णंजे ते परंपर-कुसीले ते विउ दुविहे नेए-सत्त--गुरु-परंपर-कुसीले एग-दु-ति-गुरु-परंपरकुसीले य।
मू. (४८३) जे विय ते अरपरंपर-कुसीले त वि उ दुविहे नेए-आगमओ नो आगमओ य ।
मू. (४८४) जे तत्थ-आगमओ गुरु-परंपरएणं आवलियाए न केई कुसीले आसी उ ते चेव कुसीले भवंति।
मू. (४८५) नो-आगमओ अनेग विहा तं जहा-नाण-कुसीले दंसण-कुसीले चरित्त-कुसीले तव-कुसीले वीरट्ठ-कुसीले।
मू. (४८६) तत्थ णं जे से नाण-कुसीले से णं तिविहे नेए पसत्थापसत्थ-नाण-कुसीले अपसत्थनाण-कुसीले सुपसत्थनाण-कुसीले।
मू. (४८७) तत्थ जे से पसत्थापसत्थ-नाण-कुसीले से दुविहे नेए-आगमओ नोआगमओय तत्थ आगमओ-विहंगनाणी पन्नविय-पसत्थाऽपसत्थयत्थ-जाल-अज्झयणऽज्झावण-कसीले नो आगमओ अनेगहा-पसत्थापसत्थ-पर-पासंड-सत्थ-जालाहिज्जण-अज्झावण-वायणाऽनुपेहणकुसीले।
मू. (४८८) तत्थ जे ते अपसत्थ-नाण-कुसीले ते एगूणतीसइविहे दट्ठव्वे तं जहा-सावजवायविज्जा-मंत-तंत-पउंजन-कुसीले विज्ञा-मंत-तंताहिज्जन-कुसीले वत्थु-विज्जा पउंजणाहिज्जनकुसीलेगहरिक्ख-चार-जोइस-सत्थ-पउंजणाहिज्जण-कुसीलेनिमित्त-लक्खण-पउंजणाहिज्जनकुसीले सउण-लक्खण - पउंजणाहिज्जन - कुसीले हस्थि-सिक्खा - पउंजणाहिजण-कुसीले धनुव्वेयपउंजना-हिज्जन-कुसीले गंधव्ववेय-पउंजनाहिज्जन-कुसीले पुरिस-इत्थी-लक्खण-पउंजणज्झावण-कुसीले काम-सत्थ-पउंजणाहिज्जन-कुसीले कुहुगिंद जाल-सत्थ-पउंजणाहिज्जन-कुसीले आलेक्ख-विजाहिज्जन-कुसीले लेप्प-कम्म-विजा-हिज्जण-कुसीले वमन-विरेयन-बहुवेल्लि जाल
Jain Education International
For Private & Personal Use Only
www.jainelibrary.org
