________________
१०४
तहावि खमणं चेव । मू. (२७)
जीतकल्प - छेदसूत्रम् - (२७)
आगाढानागाढम्मि सव्व-भंगे देस भंगेय । जोगे छट्ट-चउत्थं चउत्थमायंबिलं कमसो ॥
चू. जोगो दुविहो- आगाढो अनागाढो य । आगाढे सव्वभंगो देसभंगोय। अनागाढे वि सव्वभंगो देसभंगो य । सव्वभंगो नाम आयंबिलं न करेइ, विगईओ सेवइ । देसभंगो नाम विगई भुञ्जेऊण पच्छा काउस्सग्गं करेइ । सयमेव वा काउस्सग्गं काऊण भुञ्जइ, विगई वा एगट्टं गेण्हइ । अभणिओ वा 'संदिसह काउस्सग्गं करेमि त्ति भणइ । आगाढसव्वभंगे छट्टं, देसभंगे चउत्थं । अनागाढसव्वभंगे चउत्थं, देसभंगे आयंबिलं । एस नाणाइयारो भणिओ । इदानिं दंसणाइयारोसंकाइएस देसे खमणं मिच्छोवबूहणाइसु य । मुरिमाई खमणंतं निव्वीइगाइ पासत्थ- सड्ढेसु ॥
मू. (२८)
चू. संका आइ जेसिं पयाणं ताई इमाई संकाइयाई । तेसु संकाइएसु अट्ठसु पएसु । कानि पुन तानि ? इमानि भन्नंति । (१) संका, (२) कंखा, (३) वितिगिच्छा, (४) मूढदिट्ठी, (५) अनुववूहा, (६) अथिरीकरणं, (७) अवच्छल्लं, (८) अप्पभावनया । संसयकारणं संका-देसे य सव्वे य । तत्थ सम्मि जह-तुल्ले जीवत्ते किह भविया अभविया, अत्रे एवमाइ संकादेसे । सव्वे - पागय भासबद्धत्ता मा होज्जाऽकुसल-परिकप्पियं । दिट्टंतो पेज्जकप्पट्ठी । एत्तो कंखा दुविहा-देसे, सव्वे य बोधव्वा । देसे कुतित्थियमयं कखइ । एत्थवि अहिंसा मोक्खो य दिट्ठो त्ति । सव्वे पुन कखइ सव्वे कुतित्थिमए । दिट्टंतो रायामच्या आसावहिया पसत्थमपसत्थ । वितिगिच्छा देसे सव्वे य । जहा भइमो एरिसो परिक्वेसो अम्हाण केसलोयाइ कीरए होज्जा न वा मोक्खो । विदुगुच्छा वा - विज्ञाने विदः साधवः । ते दुगुञ्छइ मंडलि- मोय-जल्लाइएहिं । मूढदिट्ठी परतित्थियपूयाओ अइसयमयाणि वा सोऊण मइवामोहे होज्जा । उववूहा दुविहा-पसत्था अप्पसत्या य । पसत्था साहूसु नाणदंसणतवसंजमखमणवेयावच्चाइसु अब्भुज्जयस्स उच्छाहवडणं उववूहणं । अप्पसत्था मिच्छत्ताइसु । थिरीकरणं पसत्थमप्पसत्यं च । विसीयमाणस्स चरित्ताइसु थिरीकरणं पसत्थं । असंजमे थिरीकरणं अप्पसत्थं । वच्छल्लमवि एवमेव दुविहं-आयरिय-गिलाण पाहुण- असहु-बाल-बुड्ढाईणं आहारोवहिमाइणा समाहिकरणं पसत्थं । ओसन्नाइ-गिहत्थाणं अप्पसत्थं । पभावणा वि एवमेव । तित्थयरपवयण- निव्वाण-मग्गपभावणा पसत्था । मिच्छत्त-अन्नाणाईणं अप्पसत्थ । एण अट्ठ विवित्थरओ परूवेऊण । तत्थ संका देसे सव्वे य । एवं कंखा वि । एवं वितिगिञ्छा दुगुञ्छा वि । एवं मइ (वा) मोहो वि । अप्पसत्थुववूहा देसे सव्वे य । एवं वच्छलं पि देसे सव्वे य । अप्पसत्थप्पभावणा वि देसे सव्वे य । तत्थ चउसु वि संकाइएसु देसे खमणं । मिच्छोववहूणाइसु य देसे खमणं । च सद्देण थिरीकरण-वच्छल्ल-प्पभावणे मिच्छत्ताईणं देसे खमणं । एवं ओहओ । विभागओ पुन संकाइसु असु विदेसे भिक्खुस्स पुरिमड्डुं । वसभस्स एक्कासणंगं । उवज्झायस्स अ'यंबिलं । आयरियस्स । अब्भत्तट्ठो ।
-
मू. (२९) एवं चिय पत्तेयं उवबूहा ईणमकरणे जइवां । आयामंतं निव्वीइगाइ पासत्थ सड्ढेसु ॥
चू. एवं चेवानंतरुद्दिनं पुरिसविभागेण पच्छित्तं पिहं पिहं । जइणं साहूण उववूहणं न करेइ ।
Jain Education International
For Private & Personal Use Only
www.jainelibrary.org