Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 390

उद्देशक : २०, मूलं - १३८१, [ भा. ६४६२ ]
३८७
पक्खिवंतेण पुण जइ ठवणादिणा तति सगला पक्खिवियव्वा मासं वा दुरूवसहियं पंचगुणं असंगहियं काउं पक्खिवेज्जा । एवं बितियादिठवणासु वि सोलसियादिआरोवणातो उवउज्ज कायव्वाओ इति ।। ठवणासंचए त्ति दारं गतं । इदानिं रासि त्ति दारं । एस पच्छित्तरासी कओ उप्पन्नो ? अत उच्यते
[भा. ६४६३]
असमाहीठाणा खलु, सबला य परिस्सहा य मोहम्मि ।
पलिओवम सागरोवम, परमाणु तओ असंखेज्जा ।।
चू- वीसाए असमाहिठाणेहिं, खलुसद्दो संभावणत्थे किं संभावयति “असंखिज्जेहिं वा असमाहिठाणेहिं "त्ति, एवं एक्कवीसाए सबलेहिं, बावीसाए परिसहेहिं, अट्ठावीसतिविधाओ वा मोहनिजातो, अहवातीसाए मोहनिञ्जठाणेहिंतो एतेहिं असंजमठाणेहिं एस पच्छित्तरासी उप्पन्नो ।। सीसो पुच्छति - कत्तिया ते असंजमठाणाई ?, जत्तिया पलिओवमे वालग्गा ?, नो तिणट्टे समट्ठे । तो जत्तिया सागरोवमेवालग्गा ?, नो तिणट्टे समट्ठे । तो सागरवमवालग्गाण एक्केक्कं वालग्गं असंखेज्जखंडं कयं । ते य खंडा संववहारियपरमाणुमेत्ता, एवतिया असंजमठाणा ?, नो तिट्ठे समट्टे, "ततो" त्ति एतेहिंतो असंखेज्जगुणा दट्ठव्वा । अन्ने भांति "सुहुमपरमाणुमेत्ता खंडा कता" । ते य अनंता भवंति, तं न भवति, जतो असंजमठाणा असंखेज्जलोगागासमेत्ता भवंति, संजमठाणा वि एत्तिया चेव ॥
[भा. ६४६४] जे जत्तिया उ[भा. ६४६५] रासित्ति
गाहा ॥
चू- इदानिं "मान” त्ति, मीयते अनेनेति मानं परिच्छेदो । तं दुविहं - दव्वे भावे य । दव्वे प्रस्थादि । भावे इमं -
2
- गाहा ॥ - कंठ्या
[भा. ६४६६ ] बारस अट्ठग छक्कग, मानं भणितं जिनेहि सोहिकरं ।
तेन परं जे मासा, संभहण्णंता परिसडंति ।।
चू- तित्थकरेहिं विविहं पायच्छित्तमाणंदिट्टं, पढमतित्थकरस्स बारसमासा, मज्झिमतित्थकराणं अट्ठमासा, वद्धमाणसामिणो छम्मासा, एत्तो अब्भहियं न दिज्जति, बहुएहिं पडिसेवितं पि एत्तियं चेव दिजति, धम्मयाए सुज्झति । जहा पत्थए मविज्जंते ताव मविजति जाव तस्स सिहा आरुहति, सेसं आरुभितं पि अधिकं परिसडति । एवं छण्हं मासाणं जं अधियं पडिसेवितं तं ठवणारोवणप्पगारेण संहण्णमाणं परिसडति, तित्थकरआणा य एसा अनुपालियव्व त्ति, जहा रन्नो अप्पणो रज्जे जं माणं प्रतिष्ठापितं जो ततो माणातो अतिरेगमूलं वा करेति सो अवराही डंडिजति, एवं जो तित्थकराणं आणं कोवेति सो दीहसंसारी ॥ मान त्ति गयं । इदानिं "पभुत्ति" पच्छित्ते दायव्वे पभु त्ति वा जोग्गो त्ति वा एगट्ठे । को पुण सो ?, इमो
[भा. ६४६८ ] केवल-मनपज्जवनाणिणो य तत्तो य ओहिनाणजिना । चोद्दस-दस- नवपुव्वी, कप्पधर-पकष्पधारी य ।।
चू- केवलनाणी, मणपज्जवनाणी, ओहीनाणी, जिनसद्दो शुद्धावधिप्रदर्शकः, चोद्दसपुव्वी, अभिन्नदसपुव्वी, भिन्नेसु ओवड्डीए जाव नवमपुव्वस्स ततियं आयारवत्युं, कप्पववहारधरा, पकप्पो त्ति निसीहऽज्झयणं । किं च