Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 267

निशीथ - छेदसूत्रम् - ३- १७/११६६
२६४
वा पलिमद्दावेज वा संबाहावेंतं वा पलिमद्दावेंतं वा सातिजति ॥
मू. (११६७) जा निग्गंधी निग्गंथस्स- अच्छीणि अन्नउत्थिएण वा गारत्थिएण वा तेल्लेण वाघएण वा बसाए वा णवणीएण वा मक्खावेज्ज, वाभिलिंगावेज्ज वा, मक्खावेंतं वा भिलिंगावेंतं वा सातिज्जति ॥
मू. (११६८) जा निग्गंथी निग्गंथस्स- अच्छीणि अन्नउत्थिएण वा गारत्थिएण वा लोद्वेण वा कक्केण वा उल्लोलावेज वा उव्वट्टावेज वा उल्लोलावेंतं वा उव्वट्टावेतं वा सातिज्जति ॥ मू. (११६९) जा निग्गंधी निग्गंथस्स- अच्छीणि अन्नउत्थिएण वा गारत्थिएण वा सीओदगवियडेण वा उसिणोदगवियडेण वा उच्छोलावेज वा पधोयावेज वा उच्छोलावेंतं वा पधोयावेंतं वा सातिज्जति ॥
मू. (११७०) जा निग्गंथी निग्गंथस्स- अच्छीणि अन्नउत्थिएण वा गारत्थिएण वा फूमावेज वा रयावेज्ज वा फूमावेंतं वा रयावेंतं वा सातिज्जति ।।
मू. (११७१) जा निग्गंथी निग्गंथस्स- दीहाई भुमगरोमाई अन्नउत्थिएण वा गारत्थिएण वा कप्पावेज वा संठवावेज वा कप्पावेंतं वा संठवावेंतं वा सातिज्जति ॥
मू. (११७२) जा निग्गंधी निग्गंथस्स- दीहाइं पासरोमाई अन्नउत्थिएण वा गारत्थिएण वा कप्पावेज वा संठवावेज वा कप्पावेंतं वा संठवावेंतं वा सातिज्जति ।।
मू. (११७३) जा निग्गंधी निग्गंथस्स- कायाओ सेयं वा जल्लं वा पंकं वा मलं वा अन्नउत्थिएण वा गारस्थिएण वा नीहरावेज वा विसोहावेज वा नीहरावेंतं वा विसोहावेंतं वा सातिज्जति ।।
मू. (११७४) जा निग्गंथी निग्गंथस्स- अच्छिमलं वा कण्णमलं वा दंतमलं वा नहमलं वा अन्नउत्थिएण वा गारत्थिएण वा नीहरावेज वा विसोहावेज वा नीहरावेंतं वा विसोहावेंतं वा सातिजति ।।
मू. (११७५) जानिग्गंथी निग्गंथस्स-गामाणुगामं दूइऊमाणे अन्नउत्थिएण वा गारत्थिएण वा सीसवारियं कारावेइ, कारावेंतं वा सातिज्जति ।।
चू- आमज्जणं सकृत् पुनः पुनः प्रमार्जनं ।
[ भा. ५९१८] जा समणि संजयाणं, गिहिणो अहवा वि अन्नतित्थीणं । पादप्पमजणमादी, कारेज्जा आणमादीणि ||
चू- आदिसद्दातो संबाधणादिसुत्ता पंच, कायसुत्ता छ, वणसुत्ता छ, गंडसुत्ता छ, पातुकिमिसुतं, नहसिहा रोमाती - मंसुसुत्तं च एते तिन्नि, दंतसुत्ता तिन्नि, उत्तरोड (नासिगा) सुत्तं च, अच्छिपत्तामज्जणसुत्त तिन्नि (छ) भमुहसुत्तं, अच्छिमलातिसुत्तं, सेयसुत्तं, सीसदुवारियसुत्तं च । एते (एग) चत्तालीसं सुत्ता तति ओद्देसगगमेण भाणियव्वा । तत्थ सयं करण, इह पुण निग्गंधीणं समणस्स न्नतित्थिएण गारत्थिएण कारवेति त्ति विसेसो ॥ इमं अधिकयसुत्ते भण्णति[मा. ५९१९] समणाणं संजतीहिं, अस्संजतएहि तह गिहत्थेहिं । गुरुगा गुरुगा लहुगा, तत्थ वि आणादिणो दोसा ॥
- संजतीओ जति समणस्स पायप्पमज्जणादी करेति तो चउगुरुगा, असंजती ओत्ति गिहत्थीओ जति करेंति तत्थ विचउगुरुगा, गिहत्थपुरिसा जति करेति तो चउलहुगा, आणादिणो य दोसा