Page Text
________________
२६२
निशीथ-छेदसूत्रम् -३-१७/११४१ भगंदलं वा अन्नउत्थिएण वा गारथिएण वा अन्नयरणं तिक्खेणं सत्थजाएणं अच्छिदावेज वा विचिंदावेज वा अच्छिदावेंतं वा बिछिंदावेंतं वा सातिजति ॥
मू. (११४२) जा निग्गंथी निग्गंथस्स- कायंसि गंडं वा पिलगं वा अरइयं वा असियं वा भगंदलं वा अन्नउत्थिएण वा गारस्थिएण वा अन्नयरेणं तिक्खेणं सत्थजाएणं अच्छिंदावित्ता विच्छिंदावित्ता पूर्व वा सोणियं वा नीहरावेज वा विसोहावेज वा नीहरावेंतं वा विसोहावेंतं वा सातिजति ।।
मू. (११४३) जा निग्गंथी निग्गंथस्स- कायंसि गंडं वा पिलगं वा अरइयं वा असियं वा भगंदलं वा, अन्नउत्थिएण वा गारथिएण वा अन्नयरेणं तिक्खेणं सत्थजाएणं अच्छिदावेत्ता विच्छिंदावेत्ता पूर्व वा सोणियं वा नीहरावेत्ता विसोहावेत्ता विसोहावेत्ता सीओदगवियडेण वा उसिणोदगवियडेण वा उच्छोलावेज वा पयोयावेज वा उच्छोलावेंतं वा पधोयावेंतं वा सातिजति॥
मू. (११४४)जा निग्गंथी निग्गंधस्स- कार्यसि गंडं वा पिलगं वा अरइयं वा असियं वा भगंदलं वा अन्नउत्थिएण वा गारथिएण वा अन्नयरेणं तिक्खेणं सत्थजाएणं अछिंदावेत्ता विच्छिदावेत्ता पूर्व वा सोणियंवा नीहरावेत्ता विसोहावेत्तासीओदगवियडेण वाउसिणोदगवियडेण वा उच्छोलावेत्ता पधोयावेत्ता अन्नयरेणं आलेवणजाएणं आलिंपावेजा वा विलिंपावेज वा आलिंपावेंतं वा विलिंपावेंतं वा सातिजति ॥
मू. (११४५) जा निग्गंथी निग्गंथस्स- कार्यसि गंडं वा पिलगं वा अरइयं वा असियं वा भगंदलं वा, अन्नउत्थिएण वा गारथिएण वा अन्नयरेणं तिक्खेणं सत्थजाएणं अञ्छिदावेत्ता विछिंदावेत्ता पूर्व वा सोणियंवा नीहरावेत्ता विसोहावेत्तासीओदगवियडेण वा उसिणोदगवियडेण वा उच्छोलावेत्ता पधोयावेत्ता अन्नयरेणं आलेवणजाएणं आलिंपावेत्ता विलिंपावेत्ता तेल्लेण वा धएण वा वसाए वा नवनीएण वा अब्भंगावेज वा मक्खावेज वा अभंगावेंतं वा मक्खावेत वा सातिजति ॥
मू. (११४६) जा निग्गंथी निग्गंथस्स-कायंसि गंडं वा पिलगं वा अरइयं वा असियं वा भगंदलं वा, अन्नउत्थिएण वा गारथिएण वा अन्नयरेणं तिक्खेणं सत्यजाएणं अछिंदावेत्ता विछिंदावेत्तापूयंवा सोणियंवानीहरावेत्ता विसोहावेत्तासीओदगवियडेण वा उसिणोदगवियडेण वा उच्छोलावेत्ता पधोयावेत्ता अन्नयरेणं आलेवणजाएणं आलिंपावेत्ता विलिंपावेत्ता तेल्लेण वा घएण वा वसाए वा नवनीएण वा अब्भंगावेत्ता मक्खावेत्ता अन्नयरेणं धूवणजाएणं धूवावेज वा पधूवावेज वा धूवावेंतं वा पधूवावेंतं वा सातिजति ॥
मू. (११४७)जा निग्गंधी निग्गंथस्स- पालुकिमियं वा कुच्छिकिमियं वा अन्नउत्थिएण वा गारथिएण वा अंगुलीए निवेसाविय निवेसाविय नीहरावेइ नीहरावेंतं वा सातिजति ।।
मू. (११४८)जा निग्गंथी निग्गंथस्स-दीहाओ नहसिहाओ अन्नउत्थिएण वा गारथिएण वा कप्पावेज वा संठवावेज वा कप्पावेंतं वा संठवावेंतं वा सातिजति॥
मू. (११४९) जा निग्गंथी निग्गंथस्स-दीहाइं जंघरोमाइं अन्नउत्थिएण वा गारस्थिएण वा कप्पवेज वा संठवावेज वा कप्पावेंतं वा संठवावेंतं वा सातिजति॥ मू. (११५०) जा निग्गंथी निग्गंथस्स-दीहाई कक्खरोमाइं अन्नउत्थिएण वा गारथिएण
For Private & Personal Use Only
Jain Education International
www.jainelibrary.org
| SR No. | 003321 |
| Book Title | Agam Suttani Satikam Part 17 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 476 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 23 MB |