Page Text
________________
२३४
निशीथ - छेदसूत्रम् -३-१६/१०९०
इति जुगुप्सा, जेसु वि गेहइ तेसि वि संका - सव्वे एयलिंगधारिणो एते “एतारिस "त्ति अम्हे सरिसा ।। इमो अववादो[भा. ५७६३]
असिवे ओमोयरिए, रायदुट्टे भए व गेलण्णे । अद्धाण रोहवा, अयाणमाणे वि बितियपदं ।।
चू- एतेहिं असिवादिएहिं कारणेहिं जया घेप्पति तदा पणगपरिहाणीए । जाहे चउलहुं पत्तो ताहे इमाए जयणाए गेण्हंति
[भा. ५७६४]
अन्नत्थ ठवावेउं, लिंगविवेगं च काउ पविसेज्जा । काऊण व उवयोगं, अदिट्ठे मत्ताति संवरितो ।।
- सो दुगंछितो असणवत्यादी अप्पसागारियं अन्नत्थ सुन्नघरादिसु ठवाविज्जति, तम्मि गते पच्छा गेहंति । अहवा - रओहरणादिउवकरणं अन्नत्थ ठवेतुं सरक्खादिपरिलिंगं काउं जहा अयसादिदोसा न भवंति तहा पविसिउं गेण्हंति । अहवा - मज्झण्हादी विअणकाले दिगावलोयणं काउं अन्नेन अदिसतो मत्तयं पत्तं वा वासकप्पमादिणा सुट्टु आवरेत्ता पविसति गेण्हइ य, वत्थादियं पि जहा अविसुद्धं तहा गेण्हंति, वसहिं अन्नत्थ अलभंतो बाहिं सावयतेनभएसु वसहिं गेहेज, जहा न नज्जति तहा वसति । सज्झायं न करेति । रायदुट्ठादिसु अभिगमो अप्पसागारिए सज्झायझाणधम्मकहादी वि करेज ||
मू. (१०९१) जे भिक्खू असनं वा पानं वा खाइमं वा साइमं वा पुढवीए निक्खिवइ, निक्खिवंतं वा सातिज्जति ॥
मू. (१०९२) जे भिक्खू असनं वा पानं वा खाइमं वा साइमं वा संधारए निक्खिवइ, निक्खिवंतं वा सांतिज्जति ॥
मू. (१०९३) जे भिक्खू असनं वा पानं वा खाइमं वा साइमं वा वेहासे निक्खिवइ निक्खिवंत वा सातिज्जति ।।
[भा. ५७६५ ]
पुढवि-तम-वत्थमातिसु, संधारे तह य होइ वेहासे । जे भिक्खू निक्खिवती, सो पावति आणमादीणि ॥
चू- पुढविग्गहंणातो उव्वट्टगादिभेदा दट्ठव्वा, दब्भादितणसंथारए वा, वत्थे, वत्थसंथारए वा, कंबलादिफलहसंथारए वा, वेहासे वा दोरगेण उल्लंबेइ, एवमादिपगाराण अन्नयरेण जो निक्खिवइ तस्स चउलहुँ, तस्स आणादिया य दोसा, संजमायविराधना य ॥ तत्थ संजमे[भा. ५७६६ ] तक्कंतपरोप्परओ, पलोट्टछिन्ने य भेद कायवहो । अहि- मूसलाल-विच्छुय, संचयदोसा पसंगो वा ॥
चू- सुन्ने भत्तपाणे चउरंदियाओ घरकोइलातो तक्केंति, तं पि मज्जारा, एवं तक्केंतपरप्परो डेप्पंतं वातादिवसेण वा पलोट्ठेति छक्कायविराहणा, आयपरिहाणी य वेहासट्ठितं मूसगादिछिन्ने भायणभेदो छक्कायवहो वा आयपरिहाणी य । एसा संजमविराधना ।
इमा आयविराधना- अहिस्स मूसगस्स वा उस्सिंघमाणस्स लाला पडेज्ज, नीससंतो वा विसं मुंचेज, विच्छुगाइ वा पडेज, विसं वा मुंचेज्ज, जे वा सन्निहिसंचए दोसा तत्थ वि निक्खित्ते ते चेव दोसा, पसंगतो सन्निहिं पि ट्ठवेज्जा ।। किं च जो भत्तपानं निक्खिवइ
Jain Education International
For Private & Personal Use Only
www.jainelibrary.org
| SR No. | 003321 |
| Book Title | Agam Suttani Satikam Part 17 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 476 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 23 MB |