Page Text
________________
उद्देशक : १६, मूलं-१०६०, [भा. ५२५६]
१५७
चू-जति अनुन्नविजंते वसहिसामी भणति - “जति जोइसं निमित्तं छंदं गणियं वा अम्हं कहेस्सह, “डिंभ"त्ति डिंभरुवं तं अक्खरे गाहिस्सह, आदिसद्दातो अन्नं वा किं चि पावसुत्तं वागरणादि ।" एत्य साधू जति पडिसुनेति - “कहेस्सामो सिक्खावेस्सामो वा" तो अणुन्नवणे अजयणा कया भवति ।।अजयणाऽणुन्नवणाए ठियाणं इमे दोसा[भा.५२५७] अनुन्नवण अजयणाए, पउत्थसागारिए घरे चेव ।
तेसि पि यचीयत्तं, सागारियवज्जियं जातं ॥ [भा.५२५८] तेसु ठितेसु पउत्थो, अच्छंतो वा वि न वहती तत्तिं ।
जइ विय पविसितुकामो, तह वि य न चएति अतिगंतु॥ चू-“तेसु' त्ति - अगीयत्थेसु जयणाणुन्नवणाए ठियाणं “उदगादिघरं संजता रक्खंति" त्ति सागारिगो निच्चिंतो पवसइ, घरे वा अच्छंतो उदगादिभायणाणं वावारं न वहति, "तेसिं पि" -संजयाणं “चियत्तं" -जं अम्हं तेन सागारिणो नागच्छंति । अहवा-जे संजता उदगरसकोउआ तेसिं चियत्तं, अधवा - सो पविसिउकामो तह विन सक्केइ तत्थ पविसिउं॥
केन कारणेण? अतो भण्णति[भा.५२५९] संथारएहि य तहिं, समंततो आतिकिण्ण वितिकिणं ।
सागारिओ न इंती, दोसे य तहिं न जाणाति॥ चू-अतिकिणं आकीर्णं परिवाडीए, वितिकिण्णं विप्रकीर्णं अनानुपुब्बीए, अड्डवियड्ड त्ति वुत्तं भवति, एतेन कारणेण सो सेज्जातरोन पविसति। तेसु उदगभायणेसुजे सेवणादिदोसा तेन याणंति ॥ अनुन्नवण त्ति गता । इदानि सपक्खे जयणा[भा.५२६०] ते तत्थ सन्निविट्ठा, गहिता संथारगा जहिच्छाए।
नानादेसी साहू, कस्सति चिंता समुप्पन्ना॥ घू- “सन्निविट्ठ' त्ति ठिता 'जहिच्छ'त्ति जहा इच्छंति, नो गणावच्छेइएण दिन्ना अहारातिणियाए। तत्थ कस्स ति साधुस्स इमा चिंता उप्पन्ना[भा.५२६१] अनुभूता उदगरसा, नवरं मोत्तूनिमेसि उदगाणं।
काहामि कोउहल्लं, पासुत्तेसुंसमारद्धो॥ चू-“केरिसो उदगरसो"त्ति कोतुअं,तंकोउआनुकूलं काहामोत्तिसो सुत्तेसुसाधूसुसमारद्धो पाउं । इमे उदगे[भा.५२६२] धारोदए महासलिलजले संभारिते च दव्वेहिं ।
तण्हाइयस्स व सती, दिया व राओ व उप्पज्झे ॥ चू-धारोदगं जहा सत्तधारादिसु, महासलिलोदगं गंगासिंधुमादीहि दव्वेहिं वा संभारियं, कपूरादिपाणियवासेण वासियं, एवमादिउदगेसु तण्हइयस्स अभिलासो भवति, पुव्वानुभूतेन वा सती संभरणा भवति, अननुभूतेन वा कोउएणं सती भवति ॥ताहे सतीए उप्पन्नाए अप्पणो हिययपञ्चक्खं भण्णति[भा.५२६३] इहरा कहासु सुणिमो, इमं खुतं विमलसीतलं तोयं ।
विगतस्स वि नत्थि रसो, इति सेवति धारतोयादी ॥
Jain Education International
For Private & Personal Use Only
www.jainelibrary.org
| SR No. | 003321 |
| Book Title | Agam Suttani Satikam Part 17 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 476 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 23 MB |