Page Text
________________
उद्देशक : ११, मूलं - ६८१, [भा. ३३११]
वा पधोएंतं वा सातिजति ॥
मू. (६८२) जे भिक्खू अन्नउत्थियस्स वा गारत्थियस्स वा कायंसि वणं फुमेज्ज वा रएज वा, फुमेतं वा रतं वा सातिज्जति ।।
मू. (६८३) जेभिक्खू अन्नउत्थियस्स वा गारत्थियस्स वा कायंसि गंड वा पिलगं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिदेज्ज वा विच्छिंदेज्ज वा अच्छिदेतं वा विच्छिदेतं वा सातिज्जति ।।
२०१
मू. (६८४) जे भिक्खू अन्नउत्थियस्स वा गारत्थियस्स वा कार्यंसि गंड वा पिलगं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता विच्छिंदित्ता पूयं वा सोणियं वानीहरेज वा विसोहेज व नीहरेंतं वा विसोहेतं वा सातिज्जति ॥
मू. (६८५) जे भिक्खू अन्नउत्थियस्स वा गारत्थियस्स वा कार्यंसि गंडंवा पिलगं वा अरइयं वा असियं वा भगंदलं वा अन्नयरेणं विक्खेणं सत्थजाएणं अच्छिंदित्ता- वियडेण वा उसिणोदगवियडेण वा उच्छोलेज वा पधोएज वा, उच्छोलेंतं वा पधोएंतं वा सातिज्जति ।।
मू. (६८६) जे भिक्खू अन्नउत्थियस्स वा गारत्थियस्स वा कार्यसि गंडं वा पिलगं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता विच्छिंदित्ता पूयं वा सोणियं वानीहरेत्ता विसोहेत्ता सीओदग-वियडेण वा उसिणोदग-वियडेण वा उच्छोलेत्त पधोएत्ता अन्नयरेणं आलेवणजाएणं आलिंपेज्ज वा विलिंपेज्ज वा, आलिंपंतं वा विलिंपंतं वा सातिज्जति ।।
मू. (६८७) जे भिक्खू अन्नउत्थियस्स व गारत्थियस्स वा कायंसि गंडं वा पिलगं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता विच्छिंदित्ता पूयं वा सोणियं वानीहरेत्ता विसोहेत्ता सीओदग-वियडेण वा उसिणोदग-वियडेण वा उच्छोलेत्ता पधोएत्ता अन्नयरेणं आलेवणजाएणं आलिंपित्ता विलिंपित्ता तेल्लेण वा घएण वा वसाए वा नवनीएण वा अब्भंगेज वा मक्खेज वा अभंगतं वा मक्खेंतं वा सातिज्जति ।।
मू. (६८८) जेभिक्खू अन्नउत्थियस्स वा गारत्थियस्स वा कायंसि गंडं वा पिलगं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता विच्छिंदित्ता पूयं वा सोणियं वानीहरेत्ता विसोहेत्ता सीओदग-वियडेण वा उसिणोदग-वियडेण वा उच्छोलेत्ता पधोएत्ता अन्नयरेणं आलेवणजाएणं आलिंपित्ता विलिपित्ता तेल्लेण वा घएण वा वसाए वा नवनीएण वा अब्भंगेत्ता मक्खेत्ता अन्नयरेण धूवणजाएणं धूवेज्ज वा पधूवेज्ज वा धूवेंतं वा पधूवेंतं वा सातिज्जति ।
मू. (६८९) जे भिक्खू अन्नउत्थियस्स वा गारत्थियस्स वा पालु-किमियं वा कुच्छि-किमियं वा अंगुलीए निवेसिय निवेसिय नीहरइ, नीहरंतं वा सातिज्जति ।।
मू. (६९०) जे भिक्खू अन्नउत्थियस्स वा गारत्थियस्स वा दीहाओ नह- सीहाओ कप्पेज्ज वा संठवेज वा, कप्पेतं वा संठवेंतं वा संठवेतं वा सातिज्जति ॥
मू. (६९१) जे भिक्खू अन्नउत्थियस्स वा गारत्थियस्स वा दीहाइं जंघ- रोमाई कप्पेज्ज वा संठवेज्ज वा, कप्पेतं वा संठवेंतं वा सातिज्जति ।।
मू. (६९२) जे भिक्खू अन्नउत्थियस्स वा गारत्थियस्स वा दीहाई कक्ख-रोमाइं कप्पेज वा संठवेज वा, कप्पेतं वा संठवेंतं वा सातिज्जति ॥
For Private & Personal Use Only
Jain Education International
www.jainelibrary.org
| SR No. | 003320 |
| Book Title | Agam Suttani Satikam Part 16 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 412 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 20 MB |