Page Text
________________
उद्देशक : ६, मूलं-३९८, [भा. २२४८]
४५५
सातिजति ।।
मू. (३९९) जे भिक्खू माउग्गामस्स मेहुणवडियाए अंगादानं सीओदग-वियडेण वा उसिणोदग-वियडेण वा उच्छोलेज वा पधोएज वा उच्छोलेंतं वा पधोएंतं वा सातिजति ॥
मू. (४००) जे भिक्खू माउग्गामस्स मेहुणवडियाए अंगादानं निच्छल्लेइ, निच्छल्लेतं वा सातिजति॥
मू. (४०१) जे भिक्खू माउग्गामस्स मेहुण वडियाए अंगादानं जिग्घइ, जिग्घेतं वा सातिजति॥
मू. (४०२) जे भिक्खू माउगामस्स मेहुणवडियाए अंगादानं अन्नयरंसि अचित्तंसि सोयंसि अनुपवेसेत्ता सुक्कपोग्गले निग्घायइ, निग्घायंतं वा सातिज्जति॥
चू- माउग्गामो पुव्ववण्णिओ, तं माउग्गामं हिअए ठवेलं, "मम एसा अविरतिअ" त्ति काउं एवं हियए निवेसिऊण, आत्मनो हस्तकर्म करेति। हस्तकर्म पूर्व वर्णितं, चउगुरुं पच्छित्तं ।
अहवा - “जे' त्ति निद्देसे, भिक्खू पुव्ववण्णितो, माउग्गामो वि पुव्ववण्णिओ, तस्स .. माउग्गामस्स मैथुनप्रतिज्ञया हस्तकर्म करोति, अंगुल्यादिना घट्टयतीत्यर्थः अंगादानं । [भा.२२४९] मातुग्गामं हियए, निवेसइत्ताण हत्थकम्मादी।
जे भिक्खू कुजाही, तं मेहुणसण्णितं होति ॥ [भा.२२५०] हत्थाइ-जा-सोतं, पढमुद्देसम्मि जो गमो भणितो।
___ मेहूणं पडियाए, छटुद्देसम्मि सो चेव ।। चू-इह पुण माउग्गामं हियए काउं करेति तेण चउगुरुगं । तंचेव बितियपदं, सच्चेवं “अट्ठाणसद्दहत्थादिया जाव गणे दोच्च" ति।
मू. (४०३) जे भिक्खू माउग्गाम मेहुणवडियाए अवाउडिं सयं कुज्जा करेंतं वा (सयं बूया, बूएंतं वा) सातिजति॥
चू-भिक्खूय माउग्गामो य पुव्ववण्णितो।जो तं सयमेव अवाउडिं करेति।
अहवा - सयं चेव बूया इच्छामि ते "अज्ज" त्ति आर्ये ! अचेलभावो, अचेलीया अपावृता इत्यर्थः,
अंगादानं पुव्ववण्णितं, पासित्तए प्रेक्षितुमिच्छे का । [भा.२२५१] जे कुजा बूया वा, माउग्गामं तु मेहुणट्ठाए।
इच्छामो ते अज्जे, अचेलियं दद्रुमाणादी। चू-मैथुनेच्छया आणादिया दोसा भवंति । परेण य दिढे संका भोइयघाडियातिया दोसा ।। अहवा[भा.२२५२] नातग कहण पदोसे, सयं दद्दूण गेम्हणादीया।
आसुग्गहणं कीवे, अंगादानं तुमा पेहे ॥ चू-सा कुविया नायग-भोतिगादीण कहेज्ज, ते पसोदं गच्छेज्जा, पदुट्ठाजं काहिंति तमावज्जे । अहवा - ताहे अंगादाने दातिते सो सयमेव गहणं करेज्जा । तत्थ गेण्हण-कड्डणातिया दोसा।
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |