Page Text
________________
उद्देशक: ५, मूलं-३७७, [भा. २१०८]
४२७
इयरेसि देति गुरुगा, संजतिवग्गे य जो देति ॥
- सीसगणाणुप्पयाणं एक्के विसेसो, सेसा दो पूर्ववत् । "अन्ने"त्ति अन्नसंभोतिया, तेसु सुअ-वत्थाइयेहिं संगहं कातुं असत्तेसु एएण कारणेण देंतो सुद्धो, इहर त्ति निक्कारणा सीसगणं देति तो मासलहुं, पासत्थादीण देति चतुगुरुगा, जति संजतिवग्गे संजतिं देति तस्स वि चतुगुरुगं ॥
[भा. २१०९] समणी उदेति उभयं, जतीण जतो वि सिस्सिणी तीए । छंदनिकाय निमंतण, एगट्ठा तत्थ वि तहेव ॥
चू- समणी संभोइयाण उभयं पि देति सुद्धा । उभयं पि नाम सीसं सीसिणिं । “जतो” त्तिसाधू, सो वि संभोतियाए संजतीए सिस्सिणिं देतो सुद्धो । “दावणं” ति गयं ।
इयाणि "निकायण "त्ति दारं- “छंदणं ति वा “णिकायणं" त्ति वा "निमंतणं" त्ति वा एगद्वं ।। [ भा. २११०] सेज्जीवहि आहारे, सीसगणाणुप्पाण सज्झाए । संजोग - विधि-विभत्ता, निकायणाए वि छट्टाणा ।।
चू- जहेव दावणा- दारं, तहेव निकायणा - दारं पि अविसेसं भाणियव्वं ॥ निकायण त्ति गयं । इयाणिं “अब्भुट्ठाणे" त्ति दारं । तस्सिमाणि छद्दाराणि[भा. २१११] अब्भुट्ठाणे आसण, किंकर अब्भासकरणं अविभत्ती । संजोग-विधि-विभत्ता, अब्भुट्ठाणे वि छट्टाणा ॥
[भा. २११२]जह चेव य कितिकम्मे, तह चेव य होति किंकरो जाव । सव्वेसि पि भुताणं, धम्मे अब्भासकरणं तु ॥
चू- अब्भुट्ठाणादिया- जाव - किंकरो एते तिन्नि दार जहा कितिकम्मं तहा वत्तव्वं । एत्थ पुण कितिकम्मं-वंदणं, तं च पज्जायवयणेण अंजलिंपग्गहो भणिओ, आयरियस्स छंदं अणुवत्तत्ति - किं करोमि त्ति किंकरः, गिलाणस्स पाहुणयस्स य आगयस्स भणाति-संदिसह विस्सामणादि किं करेमि ति । अब्भासकरण त्ति दारं - अभ्यासे वर्तयति अभ्यासवर्ती, अभ्यासं करोतीत्यर्थः । सव्वेसिं पि चउव्विह-समण-संघातो जो सामत्थे करेंतो सुद्धो अकरेंतस्स पच्छित्तं विसंभोगो य । इदानिं “ अविभत्ती दारस्स" इमं वक्खाणं
[भा.२११३] भुंजण-वज्जा अन्ने, अविभत्ती इतर लहुग गुरुगा य ।
संजति थेर-विभत्ती, माता इतरीसु गुरुगा उ ॥
चू- एगट्ठभोयणं मोत्तूण अन्नसंभोतिताण वि अविभत्तिं करेंतो सुद्धो, पासत्थाइगिहत्थेसु जइ अविभत्तिं करेति तो चउलहुगा, अहच्छंदे चउगुरुगा, संजतीण जा थेरी संविग्गा तीसे इमेरिसी अविभत्ती कायव्वा-तुमं मम माया वा भगिनी वा जारिसी, नाहं तुज्झ अप्पणो मायाए भइणीए वा विसेसं मण्णामि । “इयरीसु" त्ति पासत्थाइयासु गिहत्थीसु अविभत्तिं करेति चउगुरुगा, संविग्गासु तरुणिसजतीसु जइ अविभत्तिं करेति असुद्धभावितो चउगुरुगा, अह च सुद्धभावो करेति तो सुद्धो । “अब्भुट्ठाणे "त्ति गयं । इयाणि “कितिकम्मस य करणं" त्ति दारं ।
तस्स इमाणि छद्दाराणि
[ भा. २११४] सुत्तायामसिरोणत, मुद्धाणं सुत्तवज्ञ्जियं चेव ।
For Private & Personal Use Only
Jain Education International
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |