________________
उद्देशक : ४, मूलं - २१६, [भा. १५९९]
३३९
अद्धाणे वा, ओमे दुब्मिक्खे, रायदुट्ठे वा एतेहिं कारणेहिं अनागाढजोगी आगाढजोगी वा जयणाए विगतिं भुंजति ।।
[भा.१६००] जोगे गेलन्नम्मिय, आगाढितरे य होति चतुभंगो । पढमो उभयागाढे, बितिओ ततिओ य एक्केणं ।।
चू-जोग - गेलनेसु आगाढ अनागाढेसु चउभंगो कायव्वो । पढमे उभयमवि आगाढं, बितिए जोगो आगाढो, न गेलन्नं । तइए न जोगो, गेलन्नं आगाढं । चउत्थे दो वि अनागाढा ॥ [भा. १६०१] उभयम्मि व आगाढे, दड्ढेल्लयपक्कएहि तिन्नि दिने । मक्खेंति अठायंते, पजेंतियरे दिने तिन्नि ॥
चू- उभयागाढेति पढमभंगे "दहेल्लगं " ओगाहिमनिग्गालो, जं वा दोहिं तिहिं वा दव्वेहिं निदड्डुं पक्केल्लगं, हंसतेल्लमातीएहिं पति - दिने तिन्न दिने मक्खेति । “अठायंते "त्ति जइ रोगो न उवसमति ताहे अवरे तिन्नि दिने उवरुवरिं चेव दडेल्लगातिए पमजंति ॥
[ भा. १६०२ ] जत्तियमेत्ते दिवसे, विगतिं सेवति न उद्दिसे ते तु । तह वि य अठायमाणे, निक्खवणं सव्वधा जोगे ॥
चू-जत्तिए दिवसे तं दड्ढेल्लगातिविगतिं पमज्जति तत्तियाणि दिवमाणि न उद्दिसति, जति तह वि रोगो न उवसमति ताहे से सव्वहा जोगो निक्खिप्पति ।।
[भा. १६०३] जति निक्खवती दिवसे, भूमीओ तत्तिए उवरि वट्ठे । अपरिमयं उस भूमीओ परं तथा कमसो ॥
चू- जत्ति दिवसे निक्खित्तजोगो अच्छति पुणो उक्कित्तजोगे जोगभूमीओ तत्तिए दिवसे उवरिं वड्ढिज्जति। जोगभूमी ए चिरायणजोगभूमीए वि जे केति दिवसा सेसा जोगभूम्यंतो भन्नति । तत्थ मेहाविणो कमट्ठगस्स अपरिमिओ उद्देसो चिरायणजोगभूमीए परओ वड्ढिदिवसेसु कमेण उद्देसो कज्जति । अन्ने भणतिजत्तिए दिवसे न उद्दिट्टं तत्तिए दिवसे अपरिमित्तो उद्देसो कायव्वो, ततो परं कमेण उद्देसो ।। इयाणिं बितियभंगो
[ भा. १६०४ ] गेलन्नमनागाढे, रसवति नेहोव्वरे असति पक्को । तह वि य अठायमाणे, मा वड्ढे निक्खिवे तहेव ||
चू- जोगे आगाढे गेलन्ने अनागाढे नेहावगाढभत्तरसो तीए छुब्भति नेहोवरते वा ते नेहावयवपोग्गला सरीरमनुपविट्ठा रोगोवसमा भवंति, ततो वडेल्लग - पक्केलगेहिं मक्खेति, दिने अट्ठिए पजेंति, दिने तहावि अट्ठितै रोगे मा अतीवरोगवुड्डी भविस्सति, तम्हा जोगनिक्खेवो तहेव जहा पढमभंगे ॥
इदानिं ततियभंगो - अनागाढजोगे आगाढगेलन्ने तिन्नि दिना दड्ढेल-पक्केल्लगेहिं मक्खेंति । अवरे तिन्नि दिने पज्जेतिं, ततो पर
[भा. १६०५ ] तिन्नि- तिगेगंतरिते, गेलन्नागाढपरतो निक्खिवणा ।
तिन्निद्वेव तिग अंतरिता चउत्थ ऽ ंते वि निक्खिवणा ।।
चू- तिन्नि तिया नव, तेसिं एक्केक्को तिगो एगा निव्वतियंतरिओ कायव्वो, तिन्नि दिने काउस्सग काउं विगतिं आहारेत्ता चउत्थदिवसे निव्वीयं आहारेति, ताहे पंचम - छट्ठ-सत्तमाणि दिवसाणि
Jain Education International
For Private & Personal Use Only
www.jainelibrary.org