________________
२३८
निशीथ - छेदसूत्रम् - १-२/९६
[भा. १०४४] पच्छा संथवदोसा, सासू विधवादि धूतदानं च । भज्जा ममेरिसित्ति य, सज्जूं घातो व भंगो वा ॥
चू-सासूसंथवे विधवं धूतं ददाति । भज्जासंथवे सज्जघातं लभति । चरित्तभंगो वा भवति ॥ सयणसंथवे इमे अन्ने दोसा भवंति -
[भा. १०४५ ] मायावी चडुयारो, अम्हं ओभावणं कुणति एसो । गणच्छुभाती पंतो, करेज भद्देसु पडिबंधो ॥
चू- अमायं मायमिति भणमाणो मायावी, भिक्खनिमित्तं वा चाडुं करेति, न नज्जति को वि दासादी मातिसंबंध करेमाणो लोगे अम्हं ओभावणं करेति । पंतो रुट्ठो निच्छुभणाति करेज्ज । भद्दो पुण पडिबंध करेज ।। १०४५ ।। इदानिं वयणसंथवो
[भा. १०४६ ]
गुणसंथवेण पुब्बि, संतासंतेण जो थुणेज्जाहि । दातारमदिन्नम्मी, सो पुव्वो संथवो होति ॥
चू-संतेण असंतेण वा गुणेण जो दाणे अदिन्ने थुणति सो पुव्वसंथवो ॥ सो पुण इमो[भा. १०४७] सो एसो जस्स गुणा, वियरंति अवारिया दसदिसासु ।
इह कहासु सुनिमो, पच्चक्खं अज्जदिट्ठो सि ।।
चू-जाणतो अजाणतोय तस्समक्खं अन्नं पुच्छति सो एसो इंददत्तो । गिहत्थो भणति जो कयो ? साहू भणति - जस्स दाणादिगुणा अणिवारिया वियरंति । “इहरा" इति अज्जाहनि प्रत्यक्षभावमुक्का कहासु सुनिमो अजं पुण जणवयस्स देंतो पञ्चक्खं दिट्ठोसि ॥
पच्छासंथवो पुण इमो -
[भा. १०४८ ] गुणसंथरेण पच्छा, संतासंतेण जो थुणिज्जाहि । दातारं दिन्नम्मी, सो पच्छासंथवो होति ।।
चू-कंठा । दाणदिन्ने इमो गुणसंथवो
[भा. १०४९] विमलीकतऽ म्ह चक्खू, जधत्थतो विसरिता गुणा तुज्झं । आसि पुरा ने संका, संपति निस्संकितं जातं ॥
- अज तुमे दिट्ठे विमलीकयं चक्खू । जहत्थया य दानादिगुणा विसरिया तुझं, पुरा दाणादिगुणे संका आसि, इदामिं निस्संकियं जायं ॥ पच्छित्तमियाणिं एतेसु
[भा. १०५० ] सुत्तनिवातो नियमा, चतुव्विधे संथवम्मि संतम्मि ।
मोत्तूण सयणसंथव, तं सेवंतंमि आणादी ॥
चू-सुत्तनिवातो दव्वादि चउव्विहे संथवे संतम्मि मासलहुं, मोत्तूण सयणसंथवं । सयणसंथवे पुण इमं पुरिस-संथवे चउलहुं, इत्थी-संथवे चउगुरुं । चउव्विहे वि दव्वातिए संधवे आणादिया दोसा ।। १०५० ।। कारणे पुण संथवं करेजा वि
[ भा. १०५१] अधिकरणरायदुट्ठे, गेलण्णऽद्धाणसंभमभए वा । पुरसित्थी संबंधे, समणाणं संजतीणं च ॥
चू-गिहत्थेण समं अहिकरणं उप्पन्नं तस्स उवसमणट्ठताए, पुण पुव्वं चउव्विहं पि दव्वातियं संतं करेति, पच्छा असंतं पि । एवं रायदुट्ठे वि उवसमणट्ठता । गिलाणोसहनिमित्तं वा,
Jain Education International
For Private & Personal Use Only
www.jainelibrary.org