Page Text
________________
२२
निरयावलिका-उपाङ्गसूत्रम्-१/१७ जाव पडिजागरमाणे २ विहरति।
तते णं से वेहल्ले कुमारे अन्नदा कदाइ कूणियस्स रन्नो अंतरं जाणति सेयणगं गंधहत्यिं अट्ठरसंवकंच हारं गहाय अंतेउरपरियालसंपरिवुडे सभंडमत्तोवकरणमायाए चंपाओ नयरीतो पडिनिक्खमति २ जेणेव वेसाली नगरी तेणेव उवागच्छति, वेसालीए नगरीए अज्जगं चेडयं उवसंपज्जित्ताणं विहरति।
ततेणंसे कूणिए रायाइमीसे कहाए लद्धडे समाणे एवं खलु वेहल्ले कुमारेममंअसंविदितेणं सेयणगं गंधहत्थिं अट्ठारसवंकं च हारं गहाय अंतेउरपरियालसंपरिबुडे जाव अजयं चेडयं रायं उवसंपज्जित्ता णं विहरति, तं सेयं खलु ममं सेयणगं गंधहत्यिं अट्ठारसवंकंच हारं दूतं पेसित्तए, एवं संपेहेति २ दूतं सदावेति २ एवं वयासि-गच्छहणंतुमं देवाणुप्पिया। वेसालिं नगरिं, तत्थणं तुमं ममं अज्झं चेडगं रायं करतल० वद्धावेत्ता एवं वयासि-एवं खलु सामी ! कूणिए राया विन्नेवेति, एस णं वेहल्ले कुमारे कूणियस्स रन्नो असंविदितेणं सेयणगं अट्ठारसवंकं हारं (च) गहाय हव्वमागते, तएणंतुब्भे सामी! कूणियं रायं अनुगिण्हमाणा सेअणगं अट्ठारसवंकंच हारं कूणियस्स रनो पञ्चपिणह, वेहल्लं कुमारं (च) पेसेह।
ततेणं से दूए कूणिए० करतल० जाव पडिसुणित्ता जेणेव सते गिहे तेणेव उवा०२ जहा चित्तो जाव वद्धावित्ता एवं वयासि-एवं खलु सामी! कूणिए राया विनवेइ-एसणं वेहल्ले कुमारे तहेव भाणियव्बंजाव वेहल्लं कुमारं पेसेह । ततेणं से चेडए राया तंदूयं एवं वयासि-जह चेवणं देवाणुप्पिया! कूणिए राया सेणियस्स रन्नो पुत्ते चेल्लणाए देवीए अत्तए ममंनत्तुए तहेवणं वेहल्ले वि कुमारे सेणियस्स रन्नो पुत्ते चेल्लणाए देवीए अत्तए मम नत्तुए, सेणिएणं रन्ना जीवंतेणं चेव वेहल्लस्स कुमारस्स सेयणगे गंधहत्थी अट्ठारसवंके हारे पुव्वविदिन्ने, तंजइणंकूणिए राया वेहल्लस्स रजस्सयजनवयस्सयअद्धंदलयतितोणंसेयणगंअट्ठारसवंकंहारंचकूणियस्सरनो पञ्चप्पिणामि, वेहल्लं च कुमारं पेसेमि तंदूयं सकारेति संमाणेति पडिविसजेति।।
ततेणंसे दूतेचेडएणरत्रापडिविसज्जिए समाणेजेणेव चाउग्घंटेआसरहे तेणेव उवागच्छइ २ चाउग्धंटेआसरहंदुरुहति, वेसालिं नगरिमझमझेणंनिग्गच्छइ २ सुभेहिं वसहीहिं पायरासेहिं जाव वद्धावित्ता एवं वदासि-(एवं खलु सामी!) चेडए राया आणवेति-जह चेव णं कूणिए राया सेणियस्सरनो पुत्तेचेल्लणाएदेवीए अत्तए मम नत्तुएतंचेव भाणियव्वंजाव वेहल्लं च कुमारं पेसेमि, तं न देतिणं सामी! चेडए राया सेयणगं अट्ठारसवंकंहारं (च), वेहल्लं (च) नो पेसेति ।
तते णं से कूणिए राया दुचं पि दूयं सहावित्ता एवं वयासी-गच्छह णं तुमं देवाणु०। वेसालिं नगरिं, तत्थ णं तुम मम अजगं चेडगं रायं जाव एवं वयासि-एवं खलु सामी! कूणिए राया विनवेइजाणि काणि रयणाणि समुप्पाजंति सव्वाणि ताणि रायकुलगामीणि, सेणियस्स रन्नो रज्जसिरिंकरेमाणस्स पालेमाणस्स दुवे रयणा समुप्पन्ना, तंजहा-सेयणए गंधहत्थी, अट्ठारसवंके हारे, तन्नं तुब्भे सामी! रायकुलपरंपरागयं ठिइयं अलोवेमाणा सेयणगं गंधहत्थिं अट्ठारसवंकंच हारं कूणियस्स रन्नो पञ्चप्पिणह वेहल्लं कुमारं पेसेह ।
तते णं से दूते कूणियस्स रन्नो तहेव जाव वद्धावित्ता एवं वयासि-एवं खलु सामी ! कूणिए राया विनवेइ-जाणि काणि त्तिजाव वेहल्लं कुमारं पेसेह । ततेणं से चेडए राया तंदूयं एवं वयासि-जह चेवणं देवाणुप्पिया! कूणिए राया सेणियस्स रन्नो पुत्ते चिल्लणाए देवीए अत्तएजहा
For Private & Personal Use Only
Jain Education International
www.jainelibrary.org
| SR No. | 003318 |
| Book Title | Agam Suttani Satikam Part 14 Nirayavalika Aadi 10agam payanna |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 404 |
| Language | Prakrit, Sanskrit |
| Classification | Book_Devnagari, Agam, Canon, & agam_nirayavalika |
| File Size | 19 MB |