Agam Suttani Satikam Part 14 Nirayavalika Aadi 10agam payanna

SR No.: 003318
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 404
Language: Prakrit, Sanskrit
Classification: Book_Devnagari, Agam, Canon, & agam_nirayavalika
File Size: 19 MB

Page 19

निरयावलिका-उपाङ्गसूत्रम्- १/९
१६
पासंति, पासित्ता जेणेव सेणिए राया तेणेव उवागच्छंति, २ करतलुपरिग्गहियं सिरसावत्तं मत्थए अंजलिं कट्टु सेणियं रायं एवं वयासी
एवं खलु सामी ! चेल्लणा देवी न याणामो केणइ कारणेणं सुक्का भुक्खा जाव झियायति तते णं से सेणिए राया तासिं अंगपडियारियाणं अंतिए एयमहं सोच्चा निसम्म तहेव संभंते समाणे जेणेव चेल्लणा देवी तेणेव उवागच्छइ २ चिल्लणं देविं सुक्कं भुक्खं जाव झियायमाणिं पासित्ता एवं वयासी- किन्नं तुमं देवाणुप्पिए! सुक्का भुक्खा जाव झियायसि ? तते णं सा चेल्लणा देवी सेणियस्स रन्नो एयमहं नो आढाति नो परिजाणाति तुसिणीया संचिट्ठति ।
तणं से सेणिए राया चिल्लणं देविं दोच्चं पि तच्चंपि एवं वयासी - किं णं अहं देवाणुप्पिए! एयमट्ठस्स नो अरिहे सवणयाए जं गं तुमं एयमठ्ठे रहस्सीकरेसि ? तते णं सा चेल्लणा देवी सेणिएणं रन्ना दोच्चं पि तच्चं पि एवं वुत्ता समाणी सेणियं रायं एवं वयासी-नत्थि णं सामी ! सेकेति अट्ठे जस्सणं तुभे अणरिहा सवणयाए, नो चेव णं इमस्स अट्ठस्स सवणयाए, एवं खलु सामी ! ममं तस्स ओरालस्स जाव महासुमिणस्स तिण्हं मासाणं बहुपडिपुन्नाणं अयमेयारूवे दोहले पाउब्भू धन्नातो णं तातो अम्मयाओ जाओ णं तुब्धं उदरवलिमंसेहिं सोल्लेएहिं य जाव दोहलं विणेतिं ।
तते णं अहं सामी ! तंसि दोहलंसि अविणिज्ज्रमाणी सुक्का भुक्खा जाव झियायामि। तते णं से सेणिए राया चेल्लणं देविं एवं वदासी-मा णं तुमं देवाणुप्पिए ! ओहय० जाव झियायहि, अहं णं हा जत्तिहामि जहा णं तव दोहलस्स संपत्ती भविस्सतीतिकड चिल्लणं देवि ताहिं इट्ठाहिं कंताहिं पियाहिं मणुन्नाहिं मणामाहिं ओरालाहिं कल्लाणाहिं सिवाहिं धन्नाहिं मंगल्लाहिं मियमधुरसस्सिरीयाहिं वग्गूहिं समासासेति, चिल्लणाए देवीए अंतियातो पडिनिक्खमति २ जेणेव बाहिरिया उवट्ठाणसाला जेणेव सीहासणे तेणेव उवागच्छइ, उवागच्छित्ता सीहासणवरंसि पुरत्याभिमुहे निसीयति, तस्स दोहलस्स संपत्तिनिमित्तं बहूहिं आएहिं उवाएहि य उप्पत्तियाए य वेणइयाए य कम्मियाहि य पारिणामियाहि य परिणामेमाणे २ तस्स दोहलस्स आयं वा उवायं वा ठिई वा अविंदमाणे ओहयमनसंकप्पे जाव झियायति ।
इमं च णं अभए कुमारे पहाए जाव सरीरे, सयाओ गिहाओ पडिनिक्खमति २ जेणेव बाहिरिया उवट्ठाणसाला जेणेव सेणिए राया तेणेव उवागच्छति, सेणियं रायं ओहय० जाव झियायमाणं पासति २ एवं वदासी - अन्नया णं तातो! तुब्भे ममं पासित्ता हट्ठ जाव हियया भवह, किन्नं तातो ! अज्जं तुब्भे ओहय० जाव झियायह? तं जइ णं अहं तातो ! एयमट्ठस्स अरिहे सवणयाए तो णं तुब्भे मम एयमठ्ठे जहाभूतमवितहं असंदिद्धं परिकहेह, जा णं अहं तस्स अट्ठस्स अंतगमणं करेमि । तते णं से सेणिए राया अभयं कुमारं एवं वदासि - नत्थि णं पुत्ता ! से केइ अट्ठ जस्सणं अरिहे सवणयाए, एवं खलु पुत्ता! तव चुल्लमाउयाए चेल्लणाए देवीए तस्स ओरालस्स जाव महासुमिणस्स तिण्हं मासाणं बहुपडिपुन्नाणं जाव जाओ णं मम उदरवलीमंसेहिंसोल्लेहि जाव दोहलं विर्णेति । तते णं सा चिल्लणा देवी तंसि दोहलंसि अविणिज्जमाणंसि सुक्का जाव झियाति ।
ततेणं अहं पुत्ता! तस्स दोहलस्स संपत्तिनिमित्तं बहूहिं आएहि य जाव ठितिं वा अविंदमाणे ओहय० जाव झियामि । तएऐ णं से अभए कुमारे सेणियं रायं एवं वदासि-मा णं तातो ! तुब्भे ओहय० जाव झियाह, अहं णं तह जत्तिहामि, जहा णं मम चुल्लमाउयाए चिल्लणाए देवीए तस्स