Page Text
________________
प्राभृतं १८, प्राभृतप्राभृतं -
२७३
सत्तनउइजोयणसए उड्डुं उप्पतित्ता हेट्ठिल्ले ताराविमाणे चारं चरति अट्ठजोयणसते उड्डुं उप्पतित्ता सूरविमाणे चारं चरति अट्ठअसीए जोयणसए उड्डुं उप्पइत्ता चंदविमाणे चारं चरति णव जोयणसताई उडुं उप्पतित्ता उवरिं ताराविमाणे चारं चरति, हेट्ठिल्लातो ताराविमाणातो दसजोयणाई उड्डुं उप्पतित्ता सूरविमाणा चारं चरंति नउतिं जोयणाई उड्डुं उप्पतित्ता चंदविमाणा चारं चरंति दसोत्तरं जोयणसतं उहूं उप्पतित्ता उवरिल्ले तारारूवे चारं चरति । सूरविमाणातो असीतिं जोयणाई उड्डुं उप्पतित्ता चंदविमाणे चारं चरति जोयणसतं उड्डुं उप्पतित्ता उवरिल्ले तारारूवे चारं चरति, ता चंदविमाणातो णं वीसं जोयणाइं उड्डुं उप्पतित्ता उवरिल्लते तारारूवे चारं चरति, एवामेव सपुव्वावरेणं दसुत्तरजोयणसतं बाहल्ले तिरियमसंखेज्जे जोतिसविसए जोतिसं चारंचरति आहि ते० ।
मू. (११८) ता अत्थि णं चंदिमसूरियाणं देवाणं हिट्टंपि तारारूवा अणुंपि तुल्लावि संमपि तारारूवा अणुपि तुल्लावि उप्पिंपि तारारूवा अणुपितुल्लावि?, ता अत्थि, ता कहं ते चंदिमसूरियाणं देवाणं हिट्टंपि तारारूवा अणुंपि तुल्लावि समंपि तारारूवा अणुंपि तुल्लावि उम्पिंपि तारारूवा अणुंपि तुल्लावि ? ता जहा जहा णं तेसि णं देवाणं तवनियमबंभचेराई उस्सिताइं भवंति तहा तहा णं तेसिं देवाणं एवं भवति, तं० - अमुते वा तुल्लत्ते वा, ता एवं खलु चंदिमसूरियाणं देवाणं हिट्ठपि तारारूवा अणुंपि तुल्लावि तहेव जाव उप्पिंपि तारारूवा अणुंपि तुल्लावि ।
मू. (११९) ता एगमेगस्स चं चंदस्स देवस्स केवतिया गहा परिवारो पं० केवतिया नक्खत्ता परिवारो पन्नत्तो केवतिया तारा परिवारो पन्नत्तो ?, ता एगमेगस्स णं चंदस्स देवस्स अट्ठासीतिगहा परिवारो पन्नत्तो, अट्ठावीसं णक्खत्ता परिवारो पन्नत्तो ।
मू. (१२० ) छावट्टिसहस्साइं नव चेव सताइं पंचुत्तराइं (पंचसयराइं) । एससी परिवारो तारागणकोडिकोडीणं ।। परिवारो पं० ।
मू. (१२१) ता मंदरस्स णं पव्वतस्स केवतियं अबाधाए (जोइसे) चारं चरति ?, ता एक्कारस एक्कवीसे जोयणसते अबाधाए जोइसे चारं चरति, ता लोअंतातो णं केवतियं अबाधाए जोतिसे पं० ?, ता एक्कारस एक्कारे जोयणसते अबाधाए जोइसे पं० ।
मू. (१२२) ता जंबुद्दीवे णं दीवे कतरे नक्खत्ते सव्वब्धंतरिल्लं चारं चरति कतरे नक्खत्ते सव्वबाहिरिल्लं चारं चरति कयरे नक्खत्ते सव्बुवरिल्लं चारं चरति कयरे नक्खत्ते सव्वहिट्ठिलं चारं चरइ ? अभीयी नक्खत्ते सव्वभितरिल्लं चारं चरति, मूले नक्खत्ते सव्वबाहिरिल्लं चारं चरति, साती नक्खत्ते सव्युवरिल्लं चारं चरति, भरणी नक्खत्ते सव्वहेट्ठिल्लं चारं चरति ।
वृ. 'ता कहं ते ' इत्यादि, ता इति पूर्ववत्, कथं ? - केन प्रकारेण भगवन् ! त्वया भूमेरूर्द्ध चन्द्रादीनामुच्चत्वमाख्यातमिति वदेत् ?, एवं प्रश्ने कृते भगवानेतद्विषये तावत्यः प्रतिपत्तयः तावतीरुपदर्शयति- 'तत्थे' त्यादि, तत्र - उच्चत्वविषये खल्विमाः - वक्ष्यमाणस्वरूपाः पञ्चविंशति प्रतिपत्तयः - परतीर्थिकाभ्युपगमरूपाः प्रज्ञप्ताः, ता एव 'तत्थेगे' इत्यादिना दर्शयति, तत्र - तेषां पञ्चविंशतेः परतीर्थिकानां मध्ये एके परतीर्थिका एवमाहुः, ता इति पूर्ववत् एकं योजनसहस्रं सूर्यो भूमेरुर्ध्वमुच्चत्वेन व्यवस्थितो द्व्यर्द्ध-सार्द्ध योजनसहन भूमेरूध्वं चन्द्रः, किमुक्तं भवति ? भूमेरूर्ध्वं योजनसहस्रं गते अत्रान्तरे सूर्यो व्यवस्थितः सार्द्धे च योजनसहस्रे गते चन्द्रः,
1218
Jain Education International
For Private & Personal Use Only
www.jainelibrary.org
| SR No. | 003316 |
| Book Title | Agam Suttani Satikam Part 12 Suryapragnapti Chandrapragnapati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 340 |
| Language | Prakrit, Sanskrit |
| Classification | Book_Devnagari, Agam, Canon, agam_suryapragnapti, & agam_chandrapragnapti |
| File Size | 20 MB |