________________
पदं- २३, उद्देशक :- २, द्वारं -
१८७
दंसणचउक्कस्स णं भंते! कम्मस्स केवइयं कालं ठिती पं० ?, गो० ! जहन्ने० अंतो० उ० तीसं सागरोवमकोडाकोडीतो, तिन्नि य वाससहस्साइं अबाहा०,
सायावेयणिज्जस्स ईरियावहियं बंधगं पडुच्च अजहन्नमनुक्कोसेणं दो समया संपराइयबंधगं पडुच ज० बारस मुहुत्ता, उ० पन्नरस सागरोवमकोडाकोडीतो, पन्नरस वाससयाइ अबाधा०, असातावेदणिज्जस्स जह० सागरोवमस्स तिन्नि सत्तभागा पलितोवमस्स असंखेज्जतिभागेणं ऊणया उ० तीसं सागरोवमकोडाकोडीतो, तिन्नि य वाससहस्साइं अबाहा,
सम्मत्तवेयणिज्जस्स पुच्छा, गो० ! ज० अंतो० उ० छावट्ठि सागरोवमाइं सातिरेगातिं, मिच्छत्तवेयणिज्जस्स जह० सागरोवमं पलितोवमस्स असंखेज्जतिभागेण ऊणगं उ० सत्तरि कोडाकोडीतो, सत्त य वाससहस्साइं अबाहा, अबाहूणिया०, सम्मामिच्छत्तवेयणिज्जस्स ज० अंतो० उ० अंतो०, कसायबारसगस्स ज० सागरोवमस्स चत्तारि सत्तभागा पलितोवमस्स असंखेज्जइभागेणं ऊणया, उक्को० चत्तालीसं सागरोवमकोडीकोडीतो, चत्तालीसं वाससताइं अबाहा जाव निसेगो,
कोहसंजलणे पुच्छा, गो० ! जह० दो मासा उक्को० चत्तालीसं सागरोवमकोडाकोडीतो चत्तालीसं वाससताइं अबाहा जाव निसेगो, मानसंजलणाते पुच्छा, गो० ! ज० मासं उ० जहा कोहस्स, मायासंजलणाते पुच्छा, गो० ! ज० अद्धं मासं उ० जहा कोहस्स, लोहसंजलणाए पुच्छा, गो० ! ज० अंतो० उ० जहा कोहस्स,
इत्थवेयस्स पुच्छा, गो० ! जहन्नेणं सागरोवमस्स दिवङ्कं सत्तभागं पलितोवमस्स असंखेज्जइभागेण ऊणयं उक्को० पन्नरस सागरोवमकोडाकोडीतो पन्नरस वाससताई अबाहा०, पुरिसवेदस्स णं पुच्छा, गो० ! जह० अट्ठ संवच्छरातिं० उक्को० दस सागरोवमकोडाकोडीतो दस वाससताई अबाहा जाव निसेगो, नपुंसगवेदस्स णं पुच्छा, गो० ! जह० सागरोवमस्स दोन्नि सत्तभागा पलितोवमस्स असंखेज्जइभागेणंऊणया, उक्कोसेणं वीसं सागरोवमकोडाकोडीतो वीस य वाससताई अबाहा०, हासरतीणं पुच्छा गो० ! जह० सागरोवमास्स एक्वं सत्तभागं पलितोवमस्स असंखेज्जतिभागेणं ऊणं उक्को० दस सागरोवमकोडाकोडीओ दस वाससातई अबाहा, अरतिभयोसागदुगंछाणं पुच्छा, गो० ! जह० सागरोवमस्स दोन्नि सत्तभागा पलितोवमस्स असंखेज्जतिभागेणं उणया, उक्को० वीसं सागरोवमकोडाकोडीतो वीसं वाससताइं अबाहा०,
नेरइयाउयस्स णं पुच्छा, गो० ! जह० दस वाससहस्साइं अंतोमुहुत्तमब्भहियाई उक्को० तेत्तीसं सागरोवमाइं पुव्वकोडीतिभागमब्भहियातिं, तिरिक्खजोणियाउयस्स पुच्छा, गो० ! जह० अंतो० उक्को० तिन्नि पलितोवमाइं पुव्वकोडितिभागमब्भहियाई, एवं मणूसाउयस्सवि, देवाउयस्स जहा नेरइयाउयस्स ठितित्ति, निरयगतिनामए णं पुच्छा गो० ! जह० सागरोपमसहस्सस्स दो सत्तभागा पलितोवमस्स असंखिज्जतिभागेणं ऊणया, उक्कोसेणं वीसं सागरोवमकोडाकोडीतो वीसं वाससताइं अबाहा ।
तिरियगतिनाए जहा नपुंसगदेवस्स, मणुयगतिनामते पुच्चा, ज० सागरोवमस्स दिवद्धं सत्तभागं पलितोवमस्स असंखेज्जतिभागेणं ऊणगं उक्को० पन्नरस सागरोवमकोडाकोडीतो पन्नरसवाससताइं अबाहा । देवगतिनाए णं पुच्छा, गो० ! जह० सागरोवमसहस्सस्स एवं सत्तभागं पलितोवमस्स असंखेज्जतिभागेणं ऊणयं उक्को० जहा पुरिसवेदस्स,
For Private & Personal Use Only
Jain Education International
www.jainelibrary.org