Page Text
________________
पदं - ६, उद्देशक:-, द्वारं - ५
पडिसेहो कायव्वो ० । मू. (३३५)
सू. (३३६)
२२३
'अस्सन्नी खलु पढमं दोचंपि सिरीसवा तइय पक्खी । सीहा जंति चउत्थि उरगा पुन पंचमि पुढविं ॥ छट्ठि च इत्थियाओ मच्छा मणुया य सत्तभिं पुढविं । एसो परमोवाओ बोद्धव्वो नरगपुढवीणं ॥
मू. (३३७) असुरकुमारा णं भंते ! कतोहिंतो उववज्रंति ?, गोयमा ! नो नेरइएहिंतो उववज्रंति तिरिक्खजोणिएहिंतो उववज्रंति मणुस्सेहिंतो उववज्रंति नो देवेहिंतो उववज्ज्रंति, एवं जेहिंतो नेरइयाणं उववाओ तेहिंतो असुरकुमाराणवि भाणियव्वो, नवरं असंखेज्जवासाउयअकम्मभूमग अंतरदीवगमणुस्सतिरिक्खजोणिएहिंतोवि उववज्जंति, सेसं तं चेव, एवं जाव थणियकुमारा भाणियव्वा ॥
मू. (३३८) पुढविकाइया णं भंते! कतोहिंतो उववज्रंति किं नेरइएहिंतो जाव देवेहिंतो उववज्ज्रंति ?, गो० नो नेरइएहिंतो उव० तिरिक्खजोणिएहिंतो मणुस्सेहिंतो देवेहिंतोवि उव० ।
तिरिक्खजोणिएहिंतो उववज्रंति किं एगिंदियतिरिक्खजोणिएहिंतो उववज्रंति जाव पंचिंदियतिरिक्खजोणिएहिंतो उववज्जंति ?, गोयमा ! एगिंदियतिरिक्खजोणिएहिंतोवि जाव पंचिंदियतिरिक्खजोणिएहिंतोवि उववज्जंति, जइ एगिंदियतिरिक्खजोणिएहिंतो उववज्रंति किं पुढविकाइएहिंतो जाव वणस्सइकाइएहिंतो उववज्जंति ?, गोयमा ! पुढविकाइएहिंतोवि जाव वणस्सइकाइएहिंतोवि उववज्जंत्ति ।
जइ पुढविकाइएहिंतो उववज्रंति किं सुहुमपुढविकाइएहिंतो उववज्जंति बायरपुढविकाइएहिंतो उववज्रंति ?, गोयमा ! दोहिंतोवि उववज्जंति, जइ सुहुमपुढविकाइएहिंतो उववज्रंति किं पज्जत्तपुढवीकाइएहिंतो उववज्रंति अपज्जत्तपुढवीकाइएहिंतो उववज्रंति ?, गोयमा ! दोहिंतोवि उववज्रंति, जइ बायरपुढविकाइएहिंतो उववज्ज्रंति किं पज्जत्तएहिंतो उ० अपजत्तएहिंतो उववज्रंति गोयमा ! दोहितोवि उववज्रंति, एवं जाव वणस्सइकाइया चउक्कएणं भेदेणं उववाएव्वा, ।
जइबे इंदियतिरिक्खजोणिएहिंतो उववज्र्ज्जति किं पज्जत्तयबेइंदिएहिंतो उववज्र्ज्जति अपज्जत्तबेइदिएहिंतो उववज्रंति ?, गोयमा ! दोहितोवि उववज्रंति, एवं तेइंदियचउरिदिएहिं तोवि उववज्ज्रंति, जइ पंचिंदियतिरिक्खजोणिएहिंतो उववज्रंति किं जलयरपंचिंदियतिरिक्खजोणिएहिंतो उववज्रंति एवं जेहिंतो नेरइयाणं उववाओ भणिओ तेहिंतो एतेसिंपि भाणियव्वो नवरं पज्जत्तगअपजत्तगेहिंतोवि उववज्जंति, सेसं तं चेव,
जइ मणुस्सेहिंतो उववज्रंति किं संमुच्छिममणुस्सेहिंतो उववज्रंति गब्भवक्कंतियमणुस्सेहिंतो उववज्रंति ?, गोयमा ! दोहिंतोवि उववज्रंति, जइ गब्भवक्कंतियमणुस्सेहिंतो उववज्रंति किं कम्मभूमगगब्भवक्कंतियमणुस्सेहिंतो उववज्जंति अकम्मभूमगगब्भवक्कंतियमणुस्सेहिंतो उववज्रंति सेसं जहा नेरइयाणं नवरं अपचंतएहिंतोवि उववज्ज्रंति,
जइ देवेहिंतो [वि] किं असुरकुमारदेवेहिंतो जाव उववज्ज्रंति किं भवणवासिणवाणमंतरजोइसवेमाणिएहिंतो उववज्रंति ?, गोयमा ! भवणवासिदेवेहिंतोवि उववज्जंति जाव वेमाणियदेवेहिंतोवि उववज्जंति, जइ भवणवासिदेवेहिंतो उववज्रंति किं असुरकुमारदेवेहिंतो जाव
Jain Education International
For Private & Personal Use Only
www.jainelibrary.org
| SR No. | 003314 |
| Book Title | Agam Suttani Satikam Part 10 Pragnapana |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 324 |
| Language | Prakrit, Sanskrit |
| Classification | Book_Devnagari, Agam, Canon, & agam_pragyapana |
| File Size | 19 MB |