Page Text
________________
१४०
प्रज्ञापनाउपाङ्गसूत्र-१-३/-/४/२६६ एएसिणंभंते! सुहुमतेउकाइयाणंबायरतेउकाइयाणयपज्जत्ताजपजत्ताणंकयरे कयरेहितो अप्पा वा बहुया वा तुल्ला वा विसेसाहिया वा?, गोयमा ! सव्वत्थोवा बायरतेउकाइया पजत्तया बायरतेउकाइया अपज्जत्तया असंखेजगुणा सुहुमतेउकाइया अपज्जत्तया असंखेजगुणा सुहुमतेउकाइया पज्जत्तया संखेजगुणा ॥ एएसि णं भंते सुहुमवाउकाइयाणं बायरवाउकाइयाण य पज्जत्तपज्जत्ताणं कयरे कयरेहितो अप्पा वा बहुया वा तुला वा विसेसाहिया वा ?, गोयमा ! सव्वत्थोवा बायरवाउकाइयापज्जत्तयाबायरवाउकाइया अपजत्तया असंखेजगुणासुहुमवाउकाइया अपजत्तया असंखेजगुणा सुहुमवाउकाइया पज्जत्तया संखेजगुणा॥
एएसिणंभंते! सुहुमवणस्सइकाइयाणंबायरवणस्सइकायाण य कयरे कयरेहितो अप्पा वा बहुया वा तुल्ला वा विसेसाहिया वा?, गोयमा! सव्वत्थोवा बायरवणस्सइकाइया पज्जत्तया बायरवणस्सइकाइया अपजत्तया असंखेजगुणा सुहुमवणस्सइकाइया अपज्जत्तया असंखेज्जगुणा सुहुमवणस्सइकाइया पजत्तया संखेजगुणाएएसिणंभंते! सुहमनिगोयाणंबायरनिगोयाण य पज्जत्तपज्जत्ताणंकयरे कयरेहितो अप्प वा बहुयावातुल्ला वा विसेसाहिया वा?, गोयमा! सव्वत्थोवा बायरनिगोयया पजत्तया बायरनिगोयया अपज्जत्तया असंखेजगुणा सुहुमनिगोयया अपज्जत्तया असंखेजगुणा सुहुमनिगोयया पजत्तया संखेनगुणा ॥
एएसिणं भंते ! सुहुमाणं सुहमपुढवीकाइयाणं सुहमआउकाइयाणं सुहुमतेउकाइयाणं सुहुमवाउकाइयाणं सुहुमवणस्सइकाइयाणं सुहुमनिगोयाणं बायराणं बायरपुढविकाइयाणं बायरआउकाइयाणं बायरतेउकाइयाणं बायरवाउकाइयाणं बायरवणस्सइकाइयाणं पत्तेयसरीरबायरवणस्सइकाइयाणंबायरनिगोयाणंबायरतसकाइयाण य पजत्तापज्जत्ताणंकयो कयरेहितो अप्पा वा बहुया वातुल्ला वा विसेसाहियावा?, गोयमा! सव्वत्थोवा बादरतेउकाइया पजत्तया बायरतसकाइया पजत्तया असंखेजगुणा बायरतसकाइया अपजत्तया असंखेजगुणा पत्तेयसरीरबायरवणस्सइकाइया पज्जत्तयाअसंखेखजगुणाबायरनिगोया पजत्तया असंखेजगुणा बायरपुढवीकाइया पज्जत्तया असंखेज्जगुणा बायरआउकाइया पजत्तया असंखेज्जगुणा बायरवाउकाइया पजत्तया असंखेजगुणा बायरतेउकाइया अपज्जत्तया असंखेजगुणा पत्तेयसरीरबायरवणस्सइकाइयाअपज्जत्तया असंखेजगुणा बायरनिगोया अपज्जत्तया असंखेज्जगुणा बायरपुढवीकाइया अपज्जत्तया असंखेजगुणा बायरआउकाइया अपज्जत्तया असंखेजगुणा बायरवाउकाइया अपजत्तया असंखेज्जगुणा सुहुमतेउकाइया अपज्जत्तया असंखेजगुणा
सुहुमपुढवीकाइया अपजत्तया विसेसाहिया सुहमआउकाइया अपज्जत्तया विसेसाहिया सुहुमवाउकाइया अपज्जत्तया विसेसाहिया सुहुमतेउकाइया पजत्तया असंखेज्जगुणा सुहमपुढवीकाइयापजत्तया विसेसाहिया सुहमआउकाइयापजत्तयाविसेसाहिया सुहुमवाउकाइया पज्जत्तया विसेसाहिया सुहुमनिगोया अपजत्तया असंखेनगुणा सुहुमनिगोया पज्जत्तया संखेजगुणा बायरवणस्सइकाइया पजत्तया अणंतगुणा बायरपज्जत्वया विसेसाहिया बायरवणस्सइकाइया अपजत्तया असंखेज्जगुणा बायरअपजत्तया विसेसाहियाबायरा विसेसाहिया सुहमवणस्सइकाइया अपज्जत्तयाअसंखेजगुणा सुहुमअपज्जत्तया विसेसाहिया सुहुमवणस्सइकाइया पजत्तया संखेजगुणा सुहुमपज्जत्तया विसेसाहिया सुहमा विसेसाहिया।
Jain Education International
For Private & Personal Use Only
www.jainelibrary.org
| SR No. | 003314 |
| Book Title | Agam Suttani Satikam Part 10 Pragnapana |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 324 |
| Language | Prakrit, Sanskrit |
| Classification | Book_Devnagari, Agam, Canon, & agam_pragyapana |
| File Size | 19 MB |