Page Text
________________
११२
प्रज्ञापनाउपाङ्गसूत्रं-१-२/-/-/२२८
उप्पइत्ता एत्थ णं आणयपाणयनामा दुवे कप्पा पन्नत्ता पाईणपडीणायया उदीणदाहिणविच्छिन्ना अद्धचंदसंठाणसंठिया अच्चिमालीभासरासिप्पभा, सेसं जहा सणकुमारे जाव पडिरूवा,
तत्थ णं आणयपाणयदेवाणं चत्तारि विमाणावाससया भवंतीतिमक्खायं जाव पडिरूवा, वडिंसगा जहा सोहम्मे कप्पे, नवरं मज्झे इत्थ पाणयवडिंसए, ते णं वडिंसगा सव्वरयणामया अच्छा जाव पडिरूवा, एत्थ णं आणयपाणदेवाणं पचत्तापजत्ताणं ठाणा पन्नत्ता, तिसुवि लोगस्स असंखेजइभागे, तत्थ णं बहवे आणयपाणदेवा परिवसंति महिड्डिया जाव पभासेमाणा, ते गं तत्थ साणं साणं विमाणावाससयाणं जाव विहरंति, पाणए इत्थ देविंदे देवराया परिवसइ जहा सणकुमारे, नवरं चउण्हं विमाणावाससयाणं वीसाए सामानियसाहस्सीणं असीईए आयरक्खदेवसाहस्सीणं अन्नेसिं च बहूणं जाव विहरइ ।।
कहि णं भंते! आरणचयाणं देवाणं पजत्तापज्जत्ताणं ठाणा पत्रत्ता ?, कहि णं भंते ! आरणच्या देवा परिवसंति ?, गोयमा ! आणयपाणयाणं कप्पाणं उप्पिं सपक्खि सपडिदिसिं एत्थ णं आरणच्या नामं दुवे कप्पा पत्रत्ता, पाईणपडीणायया उदीणदाहिणविच्छिन्ना अद्धचंदसंठाणसंठिया अच्चिमालीभासरासिवण्णाभा असंखिज्जाओ जोयणकोडाकोडीओ आयामविक्खंभेणं असंखिज्जाओ जोयणकोडाकोडीओ परिक्खेवेणं सव्वपरयणामया अच्छा सण्हा लण्हा घट्टा मट्ठा नीरया निम्मला निप्पंका निक्कंकडच्छाया सप्पभा सस्सिरिया सउज्जोया पासादीया दरिसणिज्जा अभिरूवा पडिरूवा, एत्थ णं आरणच्चुयाणं देवाणं तिन्नि विमाणावाससया भवतीतिमक्खायं,
ते णं विमाणा सव्वरयणामया अच्छा सण्हा लग्हा घट्टा मट्ठा नीरया निम्मला निप्पंका निक्कंकडच्छाया सप्पभा सस्सिरिया सउज्जोया पासादीया दरिसणिज्जा अभिरूवा पडिरूवा, तेसिणं विमाणाणं कप्पाणं बहुमज्झदेसभाए पंच वडिंसया पत्रत्ता, तंजहा- अंकवडिंसए फलिहवडिंसए रयणवडिंसए जायरूववडिंसए मज्झे एत्थ अच्चुयवडिंसए, ते णं वडिंसया सव्वरयणामया जाव पडिरुवा, एत्थ णं आरणच्चयाणं देवाणं पञ्जत्तापञ्जत्ताणं ठाणा पन्नत्ता, तिसुवि लोगस्स असंखेइभागे, तत्थ णं बहवे आरणच्या देवा परिवसंति, अनुए इत्थ देविंदे देवराया परिवसइ, जहा पाणए जाव विहरइ, नवरं तिण्हं विमामावाससयाणं दसण्हं सामाणियसाहस्सीणं चत्तालीसाए आयरक्खदेवसाहस्सीणं आहेवच्चं कुव्वमाणे जाव विहरइ ।
मू. (२२९)
बत्तीस अठ्ठावीसा बारस अट्ठचउरो (य) सयसहस्सा । पन्ना चत्तालीसा छच्च सहस्सा सहस्सारे ।। आणयपाणयकप्पे चत्तारि सयाऽऽरणच्चुए तिन्नि । सत्त विमाणसयाइं चउसुवि एएसु कप्पेसु
मू. (२३०)
मू. (२३१ ) ( सामानियसंगहणीगाहा-) चउरासीईअसीई बावत्तरी सत्तरी य सट्ठी य । पन्ना चत्तालीसा तीसा वीसा दस सहस्सा ।। एए चेव आयरक्खा चउग्गुणा ।
मू. (२३२)
कहिणं भंते! हिट्ठिमगेविज्जगाणं पज्जत्तापजत्ताणं ठाणा पन्नत्ता ?, कहि णं भंते! हिट्ठिमगेविजगा देवा परिवसंति ?, गोयमा ! आरणच्छुयाणं कप्पाणं उप्पिं जाव उड्डुं दूरं उप्पइत्ता एत्थ गं हिड्डिमवगाणं देवाणं तओ गेविजगविमाणपत्थडा पन्नत्ता पाईणपडीणायया उदीणदाहिण
Jain Education International
For Private & Personal Use Only
www.jainelibrary.org
| SR No. | 003314 |
| Book Title | Agam Suttani Satikam Part 10 Pragnapana |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 324 |
| Language | Prakrit, Sanskrit |
| Classification | Book_Devnagari, Agam, Canon, & agam_pragyapana |
| File Size | 19 MB |