Page Text
________________
प्रतिपत्तिः -३, दे०
१८५
सेणं तत्थ तीसा भवणवाससयसहस्साणं सट्ठीए सामाणियसाहस्सीणं तायत्तीसाए तायत्तीसगाणं चउन्हं लोगपालामं पंचण्हं अग्गमहिसीणं सपरिवाराणं तिण्हं परिसाणं सत्तण्हमनियाणं सत्तण्हमनियाहिवईणं चउण्ह य सट्ठीणं आयरक्खदेवसाहस्सीणं अन्नेसिं च बहूणं उत्तरिल्लाणं असुरकुमाराणं देवाणं देवीण य अहेवच्चं जाव विहरइ" समस्तमिदं प्राग्वत् । सम्प्रति पर्षन्निरूपणार्थमाह - 'बलिस्स णं भंते !' इत्यादि प्राग्वत्, नवरमिदमत्र देवदेवीसङ्ख्यास्थितिनानात्वम्
119 11
॥२॥
"वीस उ चउवीस अट्ठावीस सहस्साण (होंति) देवाणं । अद्धपणचउद्धट्ठा देविसय बलिस्स परिसासु ॥ अट्ट तिन्नि अड्डाइजाइं ( होंति) पलियदेवठिई । अड्डाइजा दोन्नि दिवड देवीण ठिइ कमसो ॥
मू. (१५८) कहि णं भंते! नागकुमाराणं देवाणं भवना पन्नत्ता ?, जहा ठाणपदे जाव दाहिणिल्लावि पुच्छियव्वा जाव धरणे इत्थ नागकुमारिंदे नागकुमारराया परिवसति जाव विहरति धरणस्स णं भंते ! णागकुमारिंदस्स नागकुमाररन्नो कति परिसाओ ? पं०, गोयमा ! तिन्नि पिसाओ, ताओ चेव जहा चमरस्स । धरणस्स णं भंते! नागकुमारिंदस्स नागकुमाररन्नो अभितरियाए परिसाए कति देवसहस्सा पन्नत्ता ?, जाव बाहिरियाए परिसाए कति देवीसता पन्नत्ता?, गोयमा ! धरणस्स णं नाग- कुमारिंदस्स नागकुमाररन्नो अब्भितरियाए परिसाए सट्ठि देवसहस्साइं मज्झिमियाए परिसए सत्तरिं देवसहस्साइं बाहिरियाए असीतिदेवसहस्साईं अमितरपरिसाए पन्नत्तरं देविसतं पन्नत्तं मज्झिमियाए परिसाए पण्णासं देविसतं पाहिरियाए परिसाए पण्णासं देवितं प० बाहिरियाए परिसाए पणवीसं देविसतं प०
धरणस्स णं रन्नो अब्भितरियाए परिसाए देवाणं केवतियं कालं ठिती पन्नत्ता? मज्झिमियाए परिसाए देवाणं केवतियं कालं ठिती पन्नत्ता ? बाहिरियाए परिसाए देवाणं केवतियं कालं ठिती पन्नत्ता? अब्भितरियाए परिसाए देवीणं केवतियं कालं ठिती पन्नत्ता? मज्झिमियाए परिसाए देवीणं केवइयं कालं ठिती पन्नत्ता ? बाहिरियाए परिसाए देवीं केवतियं कालं ठिती पन्नत्ता ? गोयमा ! धरणस्स रन्नो अब्भितरियाए परिसाए देवाणं सातिरेगं अद्धपलिओवमं ठिती पन्नत्ता, मज्झिमियाए परिसाए देवाणं अद्धपनिओवमं ठिती पन्नत्ता, बाहिरियाए परिसाए देवाणं देणं अद्धपलि ओवमंठिती पन्नत्ता, अभितरियाए परिसाए देवीणं देसूणं अद्धपलिओवमं ठिती पन्नत्ता, मज्झिमियाए परिसाए देवीणं सातिरेगं चउब्भागपलिवमंठिती पन्नत्ता, बाहिरिया परिसाए देवीणं सातिरेगं चउब्भागपलिओवमं ठिती पन्नत्ता, बाहिरियाए परिसाए देवाणं चउभागपलिओवमं ठिती पन्नत्ता, अट्ठो जहा चमरस्स । कहि णं भंते! उत्तरिल्लाणं नागकुमाराणं जहा ठाणपदे जाव विहरति ।
भूयानंदस्स णं भंते! नागकुमारिंदस्स नागकुमाररण्णो अब्भितरियाए परिसाए कति देवसाहस्सीओ पन्नत्ताओ ?, मज्झिमियाए परिसाए कति देवसाहस्सीओ पन्नत्ताओ ?, बाहिरि - याएपरिसाएकइदेवसाहस्सी ओपन्नताओ ? अब्भितरियाएपरिसाएकइदेविसयापन्नत्ता? मज्झिमियाए परिसाए कइ देविसया पन्नत्ता ? बाहिरियाए परिसाए कइ देविसया पन्नत्ता ।
Jain Education International
For Private & Personal Use Only
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |