Page Text
________________
६०
विपाकश्रुताङ्गसूत्रम् २/१/३७ खलु अहन्नं देवाणुप्पियाणं अंतिए० पंचअणुव्वइयं सत्तसिक्खावइयं गिहिधम्म पडिवजामि, अहासुहंमा पडिबंधंकरेह, ततेणं से सुबाहू समणस्स० पंचाणुव्वइयंसततसिक्खावइयं गिहिधम्म पडिवजति २ तमेव० दुरूहति जामेव० तेणं कालेणं तेणं स० जेठे अंतेवासी इंदभूई जाव एवं वयासी-अहोणं भंते! सुबाहुकुमारे इतु इट्ठलवे कंते कंतरूवे पिए २ मणुन्ने २ मणामे २ सोमे २ सुभगे २ पियदंसणे सुरूवे, बहुजणस्सवि यणं भंते ! सुबाहुकुमारे इढे ५ सोमे ४ साहुजणस्सवि यणंभंते! सुबाहुकुमारे इढे इट्टरूवे ५ जाव सुरूवे सुबाहुणा भंते! कुमारेणंइमाएयारूवा उराला माणुस्सरिद्धी किन्ना लद्धा किण्णा पत्ता किण्णा अभिसमन्नगया के वा एस आसि पुव्वभवे ?
एवं खलु गोयमा! तेणं कालेणं तेणं सम० इहेव जंबुद्दीवे दीवे भारहे वासे हथिणाउरे नामंणगरे होत्था रिद्ध० तत्थ णं हथिणाउरे नगरे सुमुहे नामंगाहावई परिवसइ अड्डे० ।
तेणं कालेणं तेणं समएणं धम्मघोसा नाम थेरा जातिसंपन्ना जाव पंचहिं समणसएहिं सद्धिं संपरिवुडा पुव्वाणुपुब्बिं चरमाणा गामाणुगामं दूइज्जमाणा जेणेव हत्थिणाउरे नगरे जेणेव सहस्संबवणे उज्जाणे तेणेव उवागच्छइ २ ता अहापडिरूवं उग्गहं उग्गिण्हित्ताणं संजमेणंतवसा अप्पाणं भावेमाणा विहरन्ति।
तेणं कालेणं तेणं समएणं धम्मघोसाणं थेराणं अंतेवासी सुदत्ते नाम अनगारे उराले जाव लेस्से मासंमासेणं खममाणे विहरति, त० से सुदत्ते अनगारे मासक्खमणपारणगंसि पढमाए पोरिसीए सज्झायंकरेति जहागोयमसामी तहेव धम्मघोसे (सुधम्मे) थेरे आपुच्छतिजाव अडमाणे सुमुहस्स गाहावतिस्स गेहे अणुप्पविढे, तएणंससुमुहे गाहावती सुदत्तंअनगारं एजमापासति २ ता हट्टतुढे आसणातो अब्भुट्टेति २ पायपीढाओ पचोरुहति २ पाउयातो ओमुयति २एगसाडियं उत्तरासंगं करेति २ सुदत्तंअनगारं सत्तट्ठपयाइं अनुगच्छति २ ता तिक्खुत्तो आयाहिणपयाहिणं करेइ २ ता वंदति नमंसति २ जेणेव भत्तघरे तेणेव उवागच्छति २ त्ता सयहत्थेणं विउलेणं असणपाणेणं ४ पडिलाभेस्सामीति तुढे।
ततेणंतस्स सुमुहस्स गाहावइस्सतेणंदव्वसुद्धणं दायगसुद्धणंपडिगाहगसुद्धणं] तिविहेणं तकरणसुद्धणं सुदत्ते अनगारे पडिलाभिए समाणे संसारे परित्तीकते मणुस्साउते निबद्धे गेहंसि य से इमाइं पंच दिव्वाइं पाउब्भूयाइं तं०-वसुहारा वुट्ठा दसद्धवन्ने कुसुमे निवातिते चेलुक्खेवे कए आहयाओ देवदुंदुहीओ अंतरावि य णं आकासे अहो दानमहो दानं घुढे य हत्थिणाउरे सिंघाडग जाव पहेसु बहुजणो अन्नमन्नस्स एवं आइक्खति ४-धन्ने णं देवाणुप्पिए! सुमुहे गाहावई ५ जावतं धन्ने णं देवाणुप्पिया! सुमुहे गाहावई।
ततेणं से सुमुहे गावाहई बहुइं वाससताई आउयं पालइत्ता कालमासे कालं किच्चा इहेव हत्थिसीसे नगरे अदीनसत्तुस्स रनोधारणीए देवीए कुञ्ििसपुत्तत्ताए उववन्ने, ततेणंसाधारणी देवी सयणिजंसि सुत्तजागरा २ ओहीरमाणी २ तहेव सीहं पासति सेसंतंचेव जाव उप्पिंपासाए विहरति, तंएयंखलु गोयमा! सुबाहुणा इमाएयारूवा माणुस्सरिद्धी लद्धा पत्ता अभिसमन्नागया, पभूणं भंते ! सुबाहुकुमारे देवाणुप्पियाणं अंतिए मुंडे भवित्ता अगाराओ अनगारियं पव्वइत्तए हंता पभू।
तते णं से भगवं गोयमे समणं भगवं० वंदति नमंसति २ संजमेणं जाव विहरति, तते णं
Jain Education International
For Private & Personal Use Only
www.jainelibrary.org
| SR No. | 003312 |
| Book Title | Agam Suttani Satikam Part 08 Vipakshrut Auppatik Rajprashniya Sutram |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 372 |
| Language | Prakrit, Sanskrit |
| Classification | Book_Devnagari, Agam, Canon, agam_vipakshrut, agam_aupapatik, & agam_rajprashniya |
| File Size | 20 MB |